<<Nice to Meet You>> (2008-10-27 一)

很高興在新加坡認識你.

早上好早起來, 本來諗住同權哥, 仙姐, Ann 姐, Bobby去Lion City Hotel飲早茶的, 但是原來發現呢度既茶樓係唔興飲早茶既, 都未開門. 結果去了隔離既KFC食了個很飽的早餐.

之後我, 仙姐, 權哥, Ann姐去了Fort Canning Park. 呢度都幾大架. 同埋呢度有好多以前打仗同埋以前既歷史呢. 在這裏我地行過一d小徑啦, 去過一些歷史的building 啦, 又見倒有人影結婚相啦, 因為Registry of Marriage係附近啦. 同埋我地最後去了一個地方叫做Battle Box, 其實即是這個山仔裏面的一個以前英軍的防空洞, 裏面有個tour guide去講解二次大戰時呢度既英軍點樣輸左俾日軍. 講真, 香港的歷史就睇得多, 新加坡淪陷的歷史對我地黎講真的是幾有趣的. 在這個防空洞還有很多以前的設備, 加上d燈光, 也是很有氣氛的. 但是很多小朋友都覺得好驚呢.

之後我仙姐權哥先是去了Plaza Singapura食tea, Ann姐先返去. 我地食完野再去了Asian Civilization Museum, 係Boat Quay果度. 好特別呀呢度, 呢度主要是介紹東南亞文化同埋印度文化. 有好多野我地都係完全唔識既. 例如Java的文化等等. 真係完全唔識囉... 對住好多出土的文物又或者防製品. 都叫做是了解左d啦. 真係唔可以唔佩服新加坡既搏物館. 我諗你話要睇展品既, 可能佢都未必夠好多世界出名既博物館多, 但係佢地佈置, 加上佢既鋪排, 真係可以好特別, 可以令到你對果樣野好有興趣, 也可以令到現場很有氣氛的. 還有, 這裏的博物館其實也是些英國殖民時代的building的番新. 番新完真的很古式古香的.

之後我地因為落雨所以唯有搭巴士去了bugis我食了wasabi雪糕...哈哈... 很奇怪呢, 這種雪糕係要猜既.

晚上啦, 我就離開了大隊, 去了Vivo City, 今天晚上約了Peggy 的朋友Kit Yi食飯. 很好呢, 我地去左一間食上海野既地方食飯. 真的很好呢, 在新加坡這裏也可以識倒d講廣東話的朋友. 雖然識倒講華文或者英文的朋友也是很好, 但是始終講廣東話真的很親切呢, 所以雖然是第一次見都可以有好多野講啦, 哈哈.

食飯之後都夜啦, 我地都分別回家啦. 下次再見啦.

很高興在新加坡認識你.

<<Obedience>> (2008-10-26 日)

今日訓到好晏先至起身呀, 因為尋天實在是太累了. 今天十點鐘起身, 跟住好似平時咁樣去食早餐. 六面咁啦. 呢個冬菇味既即食面又真係幾好食喎, 又唔會好有味精味, ok架. 跟住就好似平時咁樣去打掃一下, 跟住就出門口去返教會啦. 今日早左少少, 我大概點四點五倒就去到了. 這天的敬拜很活潑, 大家也很高興可以一齊返黎敬拜神, 享受接近神的時候, 也同來慶賀我們認識呢位又獨一又偉大的神.

今天的講道是關於服從. 由聰明人同愚拙人起樓的故事講起. 再講到, 雖然我地有陣時真係開頭既時候可以把房子起在盤石上, 但是, 我們是不是可以長久住在裏面呢? 我地會唔會望倒出面既世界就離開左神叫我地預備既房子?

今天返到教會, 發覺, 尋天有一齊去sentosa既人都有sun burn啦. 嘩, 個個都是紅色的. 我就有少少啦, 只是兩隻手臂有少少痕, 但是都唔係好紅...因為我本身就是黑呢.

我地之後又去了waterloo果度食野, 雖然我都未食晏, 但是都只是叫了個kaya toast 加milo. 其實對我黎講好夠架啦, 因為一陣又食飯囉. 咁係呢d時間又會同人吹下水咁啦...

之後呢, 我就去左剪頭髮. 我去左果d十蚊十分鐘既剪頭髮. 呢度係無得洗頭既, 但係就真係剪得好快囉. 同埋呢, 剪完最搞笑係可以有個吸塵機吸走你d頭髮既, 好搞笑呀. 剪完又ok喎, 最啱我呢d對剪頭髮無乜要求既人.

之後返左屋企, 再之後去了Geylang 果間無招牌果度食野. 今天晚上是各位香港的同事去farewell 仙姐同埋steven, 出席的還有權哥, Ann 姐, Bobby, Eric, HY等等. 之後還因為今天是Deepavali, 即是印度人既新年而去了小印度區果度呢. 果度超級多印度人囉... 仲多人過旺角, 全部都是黑色皮膚既印度人, 仲要全部都是男人... 唔明白d女人去晒邊度.

<<Sentosa 的沙灘排球>> (2008-10-25 六)

訓醒的時候都只是八點幾, 實在是早, 但是昨晚都訓得很好呢. 很好很好. 跟住就同佢地去食早餐, 都是去了waterloo. 然後就返去拿東西然後出發. 佢地好多人都有車. 我地四架車就出發. 我地去左tanjong beach. 很好天氣呢, 藍天與白雲. 海水都好乾淨的... 黎到呢度既人有我, anais, nicole, jason, joel, ivan, daniel, anton, 很好玩呢, 我地仲有玩沙灘排球呢... 好過癮呀... 因為實在好想係度試下打沙灘排球. 呢次係我咁大個仔第一次打沙灘排球呢. 好好玩.

我地之後就去左siloso beach食野, 食pizza, 環境好美, 這裏很熱鬧. 這天玩得很盡慶.

最後Daniel車了我回家, 返到屋企, 很累了, 但也要洗衫, 還要落街食飯同埋去超級市場. 同左權哥去了食羊扒, 都幾好食, 仲可以一邊食一邊睇波, 同埋飲左d本地式既milo, 很特別.

訓了, 很累.

<<BYO>> (2008-10-24 五)

今天晚上是教會的BYO event, 即是 Bring Your Own... 即是帶新朋友去啦. 我最後都約唔倒新朋友去呀...咁唯有自己去啦. 呢度好西利呀, 佢地真係將教會既canteen怖置成一個cafe咁呢. 好特別呢. 仲有band啦, 仲有玩遊戲既時候啦, 仲有IAN分享的時候啦. 很好很特別的一個晚上. 完左之後執野執左好耐, 因為太多傢俱要放回原位啦, 我地又要執野又要清潔. 搞搞下都搞到成點鐘啦. 我地再hae下, 吹下水. 所以都是照原定計劃在教會訓一晚了. 之後我同daniel同shawn一齊去買了宵夜, 再返左去教會沖左個涼, 搞搞下搞到成三點先訓呢. 很好呢, 經過這一晚和各位cell的朋友仔都熟左好多啦.

我地晚上是在401號房訓, 用了他們兒童崇拜用的matress.

目標是訓醒往Sentosa出發!!!

<<還是很忙碌的拜一至拜五>> (2008-10-20 ~ 2008-10-24 一至五)

今個禮拜雖然是wai kit返左黎, 但是一樣咁忙碌呢. 想過番d野俾wai kit, 但係睇黎都係過唔倒架啦. 禮拜四仲要去開會, 話, 我要去地盤做野喎. 果晚開會佢地叫晒d重要人物出場...唔知點解有我份囉, 同埋唔知點解我會係負責MC03個囉...真係唔知我自己一個人掂唔掂呢. 但係唔使驚, David話如果我做唔掂既就 "send you back to Hong Kong", 今次真係拼死無大害了. 最弊的是, 以後在地盤做野, 唔可以搵小燕食lunch 了...真是很失望呢. 睇黎我地都係有緣無份的了.

我揮一揮衣袖. 不帶走一片雲彩...

好在, 去到地盤都仲有phang, raymond tsang, wendy 同shin wee陪我玩.

哈哈哈, 又是一個新的生活.

<<和平時的禮拜日一樣>> (2008-10-19 日)

今天和平時的禮拜日一樣啦, 朝早起身打掃, 跟住就返教會, 跟住就去食野, 跟住就返黎去左仙姐度食飯.

今天晚上在仙姐度睇左Mr. Smith and Mrs. Smith同埋開左支紅酒慶祝仙姐終於可以回歸香港.

<<歷史一天遊>> (2008-10-18 六)

今天很過癮呢. 朝早我同bobby, 仙姐, raymond去左飲早茶, 本來諗住去orchard road既crystal jade palace, 但係果度朝早無開囉. 結果都是去了牛車水的"飲茶" 都幾好呀. 食左好多野, 好飽.

飲茶之後我同仙姐, raymond去左行National Museum of Singapore. 我地去左關於新加坡歷史既permanent exhibition. 好好呢. 我地由十二點倒開始行, 一路行一路聽果架隨身聽既講解, 好有興趣呀我地都, 同埋呢度既歷史我地真係唔係好知. 呢個exhibition好詳細地由14世紀講到近代史. 同埋呢, 我覺得呢度做得好好既係隨左個展覽外, 個場內既氣氛都做得真係好好. 令人好有興趣去睇佢既展品. 很過癮, 很可以弔起你對新加坡歷史既興趣.

之後我地三個去了plaza singapura食了個新加坡式既下午茶, 有kaya toast同埋咖啡.

之後我約了anais, sam, 去另外一個教會朋友既屋企度打麻雀. 我地打啦, 發覺大家都唔識打既, 同埋呢, d rules係有d唔同既, 佢地多幾隻牌, cat, mouse, chicken, catapiller. 跟住計 one 台, two 台都有些不同的, 真的有點奇怪. 其實大家都無乜心機玩, 只不過想聚聚吧. 大家都掛住睇電視, 台灣果d綜藝節目.

跟住之後差不多十一點半先走, 仲去了食野, 太夜了, 過了尾班車, 我, anais, sam唯有夾錢搭的士回家.

<<一肚氣的一個禮拜>> (2008-10-13 ~ 2008-10-17 一至五)

呢個禮拜真係一肚氣呀, 今個禮拜wai kit又唔係度, 權哥又唔係度, 超級多野做呢. 又多野做, 又要不停咁去開會. 遇著MC03 的人, Shang Jui (DPC), Karin (DPA), Samar (DPA) 真係俾佢地幾個玩殘. 佢地幾個又唔係好有經驗果隻, 係度design drainage好似仲要我教埋佢點做咁...果個Shang Jui又唔係有reason就係咁係度吹, 仲要淨係話我地呢一家...真係激到一肚氣呀. 每遇到佢發難我都是唔出聲由得佢講算把啦. 每日都要去開會, 開左四日既下晝, 真係激死左我...

唯一既開心事係book左去吉隆坡同埋雲頂. 勁. 下個禮拜出發.

<<自由自在的在這南方小國生活>> (2008-10-12 日)

今天很早就起來, 因為今天要早上九點鐘去到教會, 因為今天輪到我們賣早餐... 我地都賣得不錯呀, 有d公公婆婆知道我係香港黎又識講廣東話都很喜歡和我傾偈. 很好. 賣完早餐後都已經十一點幾十二點了, 我先是去附近的Plaza Singapura果度買了兩盒Lego 7979, 跟住就返左去教會. 然後就去了食飯了. 去了allson附近的那一個foodcourt同Jason, Taffy, Carol食午飯. 很好. 食到好飽, 跟住就去了

 下晝返教會. 今次的崇拜是講... 耶穌是世界的光, 也說我們也要光. 說得很對呢. 但我們經常面對的就是如何做這個世界的光了. 今天是pastor lilian講道的.

之後去了同班朋友去食野, 食少少野之後就返左屋企了. 今天晚上也是去了仙姐度食飯.

<<新加坡的K房>> (2008-10-11 六)

今日好好呀, 今日我終於返左去公司終於要清晒我自己個位既野啦, 事關本地的同事Julie 要坐我而家坐緊既位, 我要坐番去以前自己坐果個位了. 很好. 我真係清倒我坐緊果個位既垃圾架. 執左成日. 今日無乜人返工, 得我同raymond tsang係度. 好, 跟住我地呢, 滙合了仙姐同埋Ann 姐, 去了Marina Square 度唱K, 就好似香港咁樣去K buffet咁啦, 但係呢度既k Buffet好似呢度既野食唔夠香港既多選擇, 麻麻地啦. 唱的歌... 最新的廣東歌都是沒有的, 但是有很多應該是台灣的范凂臣呀等等, 潘瑋柏呀咁, 我都唔識得唱佢地果d歌. 我地四個人, 唱左大概三個幾鐘, 其中都唱左不少新加坡歌手既歌, 如, 孫燕姿, 2R, 泳兒等等, 但是發覺新加坡出黎既歌手係無乜男仔既.

<<拜一至拜五>> (2008-10-06 ~ 2008-10-10 一至五)

今個禮拜都是返工啦, 主要特別d既野有以下幾樣.
1) 拜一, 一返工, 仙姐就重新分配工作了, 我諗都是因為佢都就黎走, 想走之前分配好晒d工作咁啦. 我就無啦啦去左幫手MC03, 終於有一個特定既工作範圍了. 很好.
2) 拜二至拜五, 嘩, 日日都要去meeting, 因為wai kit下個禮拜放假, 今個禮拜同wanqing要開始參加佢d會. 嘩, 悶到呢... 終於見識倒d人點樣亂黎.
3) 拜三晚上終於和在新加坡這裏的表姐同埋佢既未婚夫食飯了, 去左好遠, 去左Boon Lay的Jurong Point果度既一間香港茶餐廳. 我食左炒公仔面同埋半塊西多士. 我黎左四個月終於可以同表姐重逢了...真是他鄉遇表姐... 佢地其實黎左新加坡住左成年幾啦, 但係好似去既地方仲少過我呢個只在這裏住左四個月既人囉... 無野好講.
4) 拜五晚上終於去左教會啦. 很好. 一開始玩左少少熱身遊戲, 我放工後既時間真是太攰了. 跟住今天玩番之前果個禮拜既說寓言既野咁啦

之後都是一班人去食野, 食到好晏才回家.

<<拜日>> (2008-10-05 日)

大概都是返教會同埋去仙姐度食飯吧.

<<拜六>> (2008-10-04 六)

呢度既人係興講拜一拜二拜三...拜六拜日的, 不是禮拜一二三四五六日的.

拜六返左公司, 本來諗住執野, 跟住做左d野咁啦. 下晝一個人去了science center玩, 都幾好玩呀. 呢度其實同香港果個科學家差不多啦, 但是這裏有些展覽好似舊左少少, 有少少殘咁啦. 但係整體黎講都好特別的, 之後還去了ikea買了支燈, 很好. 間房光左好多.

<<忙碌的禮拜五>> (2008-10-02 to 03 四至五)

很忙碌呢, 忙到返教會也沒有時間了.

<<南方小國的最高峰>> (2008-10-01 三)

今天是hari raya, 即是馬拉人既生活. 佢地會一家人著住同一樣既衫一齊出街既,  很有趣. 爸爸同仔仔同一款同一隻色, 媽媽同女女又會同一款同一隻色. 很特別.

今天早上我地幾個, cindy, raymond, 權哥同埋我去行山. 我地去左bukit timah nature reserve, 即是新加坡既最高峰呀. 朝早我地先去bugis 食早餐, 跟住就去行啦. 我地十一點倒去到起點, 經過這個熱帶的森林, 跟住就去到最高峰了... 呢度有成... 160m高呀... (我諗都應該都未夠我而家個office高) 就係咁啦, 跟住一點鐘就落左山食晏晝了.

之後搭左成粒鐘巴士回家. 跟住仲同仙姐去打網球, 在屋企樓下的club house. 跟住沖涼, 跟住就hae陣再去了marina square食飯睇戲, 睇了bangkok dangerous. 今日大家真係搏盡去玩了.

<<緊緊密密的行程 (八)>> (2008-09-29 一)

今朝早要離開香港了, 很不捨得呢.

今早媽媽給我弄了早餐, 好. 出門口吧.

搭飛機, 下晝一點倒就到達新加坡了.

這一刻的感覺, 唔知道點形容

返黎 / 去左 / 又去 新加坡 咁啦

返左office即刻好多野做囉...

在新加坡的第二季生活開始!!!!!!

<<緊緊密密的行程 (日)>> (2008-09-28 日)

這天一樣行程緊密呀. 先是早起身, 跟住換衫出去崇拜. 很好, 今天的崇拜是李姑娘講道, 跟住呢, 我地一班團友都已經好忙啦, 因為要準備世紀婚禮, 真係好開心既一個日子呢. 今日係子豪同埋細琪結婚呀!!!!!我地成間教會既人一完左崇拜就一齊轉場啦, 仲快過睇舞台劇換佈景板呀... 真係西利, 因為我地人多呢... 之後我地去左西貢星食飯, 跟住返黎就睇婚禮啦. 婚禮很順利呢, 也是一個很感動的婚禮.

婚禮後我地幫手執野, 跟住我地一班團友就要去茶樓啦. 很好, 在這裏有幾個團友一黎就掛住打牌囉... 我地就影下相, 同人傾下偈, 很開心的一個晚上.

真的很捨不得香港呢, 可惜是明天早上要走了.

<<緊緊密密的行程 (六)>> (2008-09-27 六)

今朝早終於得閒一d, 可以係屋企休息一下啦. 跟住好快就出左去好似以前係香港咁樣返團契啦,  先是返了馬可團啦. 來了很多新的團友呢. 有很多我都唔識了. 跟住就是馬太團. 今天馬太團因為要準備明天的世紀婚禮, 我地一班團友一齊去準備聽日既小冊子, 大家簡簡單單咁傾下偈, 很好呢. 我仲有帶手信我既牛肉乾返黎呢. 很好很好.

之後就先同冼去行左一陣街, 我地去左食公和豆腐花呀, 就好似以前我地去完崇拜時後一樣去無聊一樣. 跟住就梗係去睇玩具啦...我係深水土步附近行左幾間文具鋪, 我又買左mouse, 跟住去了深水土步同埋六樓咁多個人一齊食飯啦, 很好很好.

<<緊緊密密的行程 (五)>> (2008-09-26 五)
 
今天早上起身, backup埋我去左新加坡第一季既相, 跟住就出門口啦. 我去左沙田, 去左沙田去見一見番d同事. 嘩, 我三個月無返黎, 公司多左一層了. 因為公司擴充營業, 所以多左一層. 以前我果team既同事都已經去左13樓了. 我首先去了18樓啦, 同d同事吹下水, 跟住就去左13樓搵另外一d既同事.  呢度完全唔同上面啦, 因為地方都唔同左啦. 見番晒自己組既同事呢, 很好很好, 續個去傾下計, 很好.

中午我同wil chu 同KL同埋rick去了食晏, 很好, 知道了大家的近況.

跟住下午我先返左屋企, 跟住就換左衫出去返BB. 很好呢, 返到去bb雖然我都無乜野可以做倒, 但係班小朋友仲記得我呢. 很好很好.

bb之後我地一班男仔上左去子豪的屋企度飲酒. 很好, 很少可以一大班男仔一齊去飲野... 呢晚都是子豪結婚前的最後一次吧. 一邊吹水一邊飲. 飲到四點先返到屋企.