<<休息的禮拜天>> (2008-11-16 日)

今天真的是要休息一下了. 早上起來食早餐跟住洗了個地, 很乾淨了. 很好.

之後返教會崇拜. 今天是一位外國的女人來講道. 內容大概是講佢自己的信仰的歷程吧. 大概是圍繞著題目. discipleship (唔知中文點譯). 但是當中真的有很多我的印象很深刻的, 如下:
1) 我們的生命是用來榮耀神... 但是,  有些時候我們只想著用我們自己的方法來榮耀神. 其實我們最需要的, 還是神想我們用甚麼的方法去榮耀祂
2) 生們的生命的目的是要把神的國帶來這個地方... 我們的目光大概應該要放在之後永恒的生命裏, 現在的生命只是暫時的, 是短暫的, 是會消失的. 所以, 不用太在意現在我們所擁有的, 又或者想要的, 包括物質, 甚至是愛情, 友情, 親情. 如果得到的話, 已經是神的恩典, 已經是一份禮物了. 如果得不到, 也不用太在意, 因為我們已經認識耶穌基督, 已經得到赦免, 得到永生這一份最重要的禮物了.

很好很好呢. 完左之後我同慧妮也分享了一些我在香港時的教會生活呢... 講講下先知道, 原來佢係Girls Brigade架呢, 係Penang 檳城第四分隊的. 哈哈. 佢話佢考完試之後就會返去幫手帶camp呢. 你要加油呀, 好快就考完試架啦.

之後我一個人行左陣街, 跟住回家了. 因為今天想休息一下.

<<Night Safari>> (2008-11-15 六)

今天早上同平時既禮拜六一樣, 去食左一個好飽的早餐, 都是在麥記. 很喜歡食這裏的mc griddle, 跟住就返左地盤工作啦. 做做做, 跟住做到大概下午四點倒, 跟住就走了. 其實今天在地盤也沒有心機做野, 只是在那裏坐下等去玩吧.

之後就去搭車啦, 四點鐘倒離開地盤, 因為今天晚上我約左kit yi去 night safari. 我首先是約左佢去Chua Chu Kang MRT station 果度等, 先是去果度附近的一個商場裏面既pizza hut醫肚先啦, 我地今天晚上食左個tom yum批, 都不是太spicy啦. 都幾好味架. 但是杯芒果特飲就奇奇怪怪左少少. 之後我地就搭巴士去. 去到night safari的時候都已經是晚上七點鐘了. 這個night safari其實是一個夜間的動物園. 我地入到去啦, 買飛的時候, 我見呢度既night safari, singapore zoo 同 bird park都未去過 (只是我未去過), 所以我地兩個一口氣就買了3 in 1的套票去晒三個地方了. 今天晚上就只是在這裏的night safari吧.

我地首先是搭了果d車, 就是果d行動物園裏面果d車. 加車走入左個森林. 雖然是夜晚, 但是很過癮, 同埋都睇得d動物很清楚的, 沿途見倒大象啦, 長頸鹿啦, 河馬啦, 西牛啦. 等等等等. 我地架車, 由起點跟住去了East Lodge. 去到果度就開始落車自己行啦. 落左車之後沿住果d小徑行仲多睇呢 我地可以好近淨係隔住個玻璃就見倒豹, 老虎, 還有很多很多很有趣的小動物. 最得意的, 就是入左去一間房裏面是有蝙蝠的. 開頭我見都好似無乜野. 跟住行行下, 覺得點解會有d黑色的膠袋吊係度架呢, 原來就係蝙蝠啦. 好近呢, 我諗是距離是小過一米, 中間又是完全沒有阻隔的, 還有很多蝙蝠係身邊飛黎飛去...一隻隻都是全黑色的, 好得意...

之後我地搭番車落去, 又見倒有其他的動物. 去了amphitheatre. 這裏當然是去看動物的表演吧. 很好看呢...d訓練員真係訓練得d動物好西利呢.. 之後睇完我同kit yi再去行了不同的徑, 很好很好.

我地最後玩到成十點幾差不多十一點, 我走的時候好在還趕得切最後一班車呢, 返到屋企都十二點了.

好, 過兩個禮拜繼續餘下的行程.

<<返工>> (2008-11-10 to 2008-11-14 一至五)

今個禮拜返工都無乜野啦, 都係咁返工放工.

記得禮拜一早上返左去office, 跟住落左地盤.

跟住禮拜二終於寄左d野返香港.

跟住好似呢個禮拜無乜特別野, 只是仍然是覺得自己病病地, 無乜精神咁啦.

拜五本來可以返小組的, 但是因為地盤有個唔知乜鬼bonding dinner, 即是同班consultant同埋d contractor 一齊係地盤個canteen 食晚飯. 真係幾無癮呢. 已經係果度返左一個禮拜既工, 禮拜五夜晚都仲要係果度食埋d咁既飯局...真係幾悶呢. 為左無咁悶, 走左過去同果個MAE吹左一陣水, 原來佢係黎自德國既...

其實大部份時間都是自己公司既人係度吹水啦, 跟本都唔係乜野bonding dinner. 我只是飲左小小既酒, 份量好似平時用mouth wash既兩倍咁啦, 但係都暈暈地了...我真係唔係好飲得. 果d酒應該是同啤酒差唔多架咋.

<<搭錯車>> (2008-11-09 日)

今天拜日, 早上返了教會去賣早餐, 跟住就去食晏啦, 今次是去了waterloo. 應該是我同shawn pang同埋唔記得左邊個去食晏晝的...

之後崇拜, 今天講的, 是講永恒, eternity. 是ian講的. 其實有陣時真係既, 我地應該把目光於係永恒既生命裏面架. 而家出現 / 擁有既野其實都只是暫時架啫.

之後同左佢地又去了waterloo食野, 跟住就行街, 今天是一個人去了plaza sing, 然後搭了車去了queenstown的anchor point, 在那裏買了點東西, 食了晚飯...

然後呢, 諗住搭車返屋企啦, 諗住今日早少少返屋企, 我八點半去了搭巴士,  在地鐵站附近上了一架, 51號的巴士. 搭了半個鐘, 點解越行越荒無架呢...原來我搭錯左方向. 我屋企在東面, 但是我搭左去西面呢. 我搭左半個鐘, 先至係clementi果度落車...結果, 落車過對面搭番轉頭車返屋企, 返到屋企啱啱十點.

<<拜六工作>> (2008-11-08 六)

今天都是返左去工作啦. 這個禮拜不太舒服, 唔知食錯乜野, 有點肚痛. 不過都係小事啫. 我返到地盤做野, 拜六係無乜人係度既, 都幾好, 但是我都無乜心機做野, 因為實在是拜六就係咁架啦. 三點零倒ann姐過黎話有urgent 野, 跟住話有d緊急野, 跟住就拎左幾個問題返左office 搵raymond tsang啦, 跟住, haehae下, 都五點幾六點.

之後同raymond tsang book左去玩, 今次去bintan, 哈哈, 又有得玩了.

晚上去了食飯, 有我, 權哥, raymond tsang, 去了間食意大利野既, 有薄餅食的, 同埋有面包點醋的, 很好味.

<<拜五工作>> (2008-11-07 五)

今天返工, 都係咁樣啦.

放工去了返小組, 今天返到小組都很累了. 唯一幾特別既係今天講的是傳道書. 很有趣呢. Meaningless, meaning less, utterly meaningless, everything is meaningless. 咁樣囉.

今天仙姐終於返左香港了, 但是佢下個禮拜仲要去深圳呢. 睇佢都仲有排受.

<<拜四例會>> (2008-11-06 四)

拜四, 今天放工是例會, 返了去the concourse L33. Wai Kit, me , Alan Yap, Cindy, Raymond tsang, Raymond Fok, Raju, Abhinav, ryan.....attend the meeting. David Lee governs the meeting and dominate with meeting with his opinion and thinking of sending us to the site to work. He also requires us, esp. those are working at site, to reflect whether it is a good arrangement to have full-time staff station at site. Wendy, me and raymond tsang have some opinion la. Besides, this is the last meeting attended by Cindy.

After the meeting we have a farewell party for Cindy. We have ordered foods from pizza hut. Pricilla also brings along with several bottles of red and white wine. The party is nice. We take photos together. Abhinav is very 細心. He knows that Cindy's watch is broken and he has bought another watch of similar appearance for Cindy... very suprizing for Cindy lah...

<<James Bond - QS>> (2008-11-05 三)

仙姐話想香港之前都想睇下戲喎, 咁今天晚上就去左cathay果度睇戲啦. 好. 我都是第一次黎呢度睇戲. 呢度都幾舒服啦. ok喎. 今天晚上有我, bobby, ann, 同埋仙姐去睇.

因為我無睇之前果一集, 所以都唔係好明白個故事講乜野, 只是知道是復仇, 呢套好似無以前的咁好睇了, 每一個片段都只是講一陣野, 跟住好快就走人, 又或者打交... 好像無乜劇情的. 但是d動作野都幾好睇的, 但是最重要的那一個劇情. 好像還未有交代呢, 睇黎都要等下一集了.

之後去了chjimes, 呢度好靚呀, 同埋simon 同steven, 在這裏飲了些啤酒. 很好很好. 我都是第一次黎呢個地方, 這個地方很美, 很古色古香的地方.

<<拜二>> (2008-11-04 二)

又係咁過.

<<又要返工啦>> (2008-11-03 一)

今日終於都要返工了, 很不願意呢. 返到地盤都似平時咁啦. 黎左地盤咁耐, 都係時候講解一下呢度既情況. 其實我而家只用坐在site office裏面, 呢度既site office都幾乾淨既, 同平時既office無乜分別. 這裏我坐在地下 (但是呢度叫做L1, 即是一樓) 同埋RSS即係RE and RA一齊坐埋同一層. L2 is for RSS for architects. L3 is for DPA, DPC and Meinhardt. Conference room is at L3. 所以而家如果佢地有乜野問題或有乜野會要開, 就會立即落黎搵我, 對佢地黎講就幾方便既, 但係對我黎講就好煩囉. 佢地人多, 我人少 (基本上個MC03得我一個人)

有一樣野係唔可以唔提既, 就係呢度有個canteen是俾consultant既, 但係呢度既canteen實在是太難食啦. 真係好好好好難食, 但唯一既好處是因為我一出門口就係, 又唔使行好遠, 又有冷氣, 所以咪唯有焗住去.

今天曽sir 返黎新加坡了, 很好, 佢一返黎就黎地盤了.

今天應該是慧妮開始考試呢, 是本地的AL吧, 加油!!

<<Genting + Kuala Lumpur>> (2008-10-31 to 2008-11-02 五至日)

今日又去旅行啦, 今次是去KL.

今次的團友包括, 我, 權哥, 仙姐, Bobby.

我今天好早就係地盤走啦, 返左屋企攞野咁啦. 跟住呢, 我沖涼同埋準備野啦. 好快就搞掂了但是仙姐同權哥因為工作很忙所以佢地最後囉...我最後搞掂晒d野跟住先至落番地鐵站同仙姐攞圖, 同埋去左麥記食晚餐. 呢度無左wasabi既shake shake 薯條了. 算.

九點半倒我地係屋企一齊出發, 搭的士. 去golden mile. 跟住好快就上車. 車不算太凍啦. 都算係咁啦. 我地去呢程係坐普通車. 都ok既. 架車大概夜晚十一點出發, 過左關, 中途站既時候再食左少少野, 飽飽地, 但係都係半睡半醒咁啦. 加車到雲頂既時間係朝早凌晨五點. 我諗住架車梗係冷氣好凍凍過出面啦. 點知, 出面仲凍囉. 因為呢度好高, 加上呢度係凌晨五點, 出面既溫度只是得十五度咋. 我即刻要著番件風褸同埋件長袖衫. 真係好凍囉. 我地四個人首先是去了個hotel lobby 既 cafe 食杯熱野, 暖暖身, 跟住先至去等睇日出... 呢個就係我地黎到雲頂既第一個節目了. 今天雲太厚, 唔係咁睇倒日出囉. 但係我地...真係係雲上面既雲頂呀. 跟住我地去左食早餐, 去了indoor theme park既一間餐廳度食, 呢度都幾貴呢... 我只是食了個西多. 雖然同香港d西多好唔同. 之後就開始去outdoor theme park玩啦. 呢度既outdoor theme park開朝早九點. 我地九點鐘去啦, 呢度早上不是太多人, 同埋仲有點凍呢. 入到去一黎就玩果d 坐係度轉轉轉果d. 雖然是簡簡單單, 但係真係有點驚呢. 之後我地玩過山車. 呢個反而我又唔係咁驚. 因為係果d舊式既過山車. 之後分左兩team. 仙姐同bobby 先去玩正常果d過山車, 權哥話要去玩毛毛虫車我就陪佢啦 (其實我係驚玩過山車啫)... 之後滙合後我地玩了賽車. 好過癮呀, 逢車過車既感覺真係好掂... 我原來都幾快的. 但是最後一個圈最後一個彎角俾Bobby 過番囉... 無癮...

之後就去了玩水上單車. 踩到大脾勁攰. 同埋發覺唔係好試控制囉...

之後就去了食晏, 去了食肉骨茶, 都幾貴... 同埋叫了個鐵板面...

之後就去了搭cable car落番去KL. 嘩, 我地上車之前無啦啦起風. 外面原本是好清楚的但是說時遲那時快就變左一面白蒙蒙了. 因為我地係"雲頂"呀. 呢條cable car都很長的, 我諗大概搭左十五至二十分鐘. 一路落山我都覺很幾驚架. 因為仲長過香港果個360...本來係山上是很冷的, 落到去就熱左好多了. 我地落到去, 再搭巴士去pasa rayakt 即是人民廣場. 呢程巴士因為塞車所以搭左好耐.

之後呢, 我地到了酒店check in 時都已經是四點幾了. 大家都有點累. 我地黎到呢度見倒有monorail啦. 簡直呢個就係呢個吉隆坡既特式了. 我地首先是bukit bintan行左一陣, 大家覺得無乜好野買, 之後就搭monorail去了果個pedealling street. 其實呢度只是一個china town的一個地方了吧, 同女人行差不多. 跟住就行行下左一個叫做central market. 這是一個舊的建築物, 但是裏面有很多賣手工藝品既地方, 很特別呢, 就好似香港既西港城咁啦. ok架. 之後再搭番monorail去了jalan alor 食野. 大概這裏都是大排檔咁啦. 我地四個叫了豪餅, 但是不知怎的這裏的豪同埋蛋是分開的, 還叫了條白鬚公的魚, 還有是炸蘇東, 即是墨魚, 還有叫了杯lime juice + 話梅, 酸酸的都幾過癮, 還有佷了蘿蔔糕, 炒的, 很好.

之後返番出去bukit bintan有些人有行頭表演, 都幾過癮架. 之後本來我地諗住去clubbing, 又搭monorail, 但是搵唔倒wendy介紹果間, 見又咁近patronas twin tower, 就夜晚去睇啦, 咁一睇就影相影左成晚啦. 呢兩座野真係好高, 但是夜晚睇加埋d燈光又好似好假既感覺... 之後都是回去訓覺了, 因為大家都太眼訓了.

第二朝起身仙姐還是找不到她在KL的朋友, 咁唯有算啦, 我地就去了batu caves, 即係黑風洞, 其實即是市郊的一個山洞的一個印度temple.這個山洞大概都是天然的了.還要行成三百級樓梯上去呢. 索晒氣. 這裏看來是個很出名的旅遊點, 這裏有很多人來的, 有很多還是遊客... 我地就周圍影相咁啦. 之落山既時候還有很多馬騮很得意的. 之後我地搭番的士去了 National Monument, 即係d打仗時的碑咁啦, 同埋馬來西亞獨立時候的一個公園啦. 之後再行了lake garden, 都無乜人既, 只是有少少人係度影結婚相... 之後我地又經過了national museum, 都幾特別架.我地雖然無入去, 但是外邊也有些很特別的展品, 如. 馬來西亞第一加自己整既汽車, 即是national car, 叫做photon, 還有是以前很多很多年前上去penang hill既tram, 原來是由一家端士公司造的. 還有呢, 是我最鐘意的火車, 這裏有很多是馬來西亞以前的火車, 是steam的, 很舊很特別.

之後我地搭番車去pasa rayakt 果度, 去了一間越南野食晏. 呢度d三色冰超好食呢, 我諗佢d冰真係用椰汁整出黎架, 真係好好好好味. 飯後返了酒店果個商場行. 還買了點手信, 見果個berjaya time square既indoor theme park果個過山車真係好得人驚呢...好彩我地無時間坐...

之後再行了個商場, 買了點東西, 跟住坐番車返去新加坡了...回新加坡的路途上, 我地五點半開車, 我途中睇了兩套新加坡的電影, 一套叫做881, 是講兩個女仔去唱歌台, 即係中國人鬼節果d呢, 呢套係笑片黎既... 幾好笑,同埋好本地, 有好多是很新加坡的. 另外果套是叫做 "真相" 大概就好似香港電台果d紀錄片咁啦. 怪 怪的, 講呢個時代既後生仔都出外打工都唔理d公公婆婆咁啦大概... 呢度麻麻...

好, 回到屋企十一點幾, 完成了這兩天的行程.

<<喜宴 @ Singapore>> (2008-10-30 四)

看來由今天開始就開始了每個禮拜四晚都要返公司開會, 開一個全部主要人物都要出席既會了. 我呢d small potato都是去坐下咁啦. 其實都無乜特別野既, 主要都是老闆們要分配一下工作罷.

之後就好特別地我地大概有十個同事, 我, abhinav, wendy, 權哥, wanqing, hong seng, eng sin, julie, raymnd fok and his wife 一齊去了alan yap既婚宴. 其實佢都結左婚成五年架啦, 但係我真係唔係好明點解佢到而家先至黎擺酒. 真的有點奇怪呢. 記得有一次問佢點解, 佢話剛結婚的時候無錢喎...

好, 等我講講係呢度婚宴既特別既地方
1) 呢度食既野都係中式既, 同係香港果d擺酒食既野差不多. 但是這裏食野之前係唔使飲勝既
2) 呢度食野係唔使等齊人既
3) 呢度無咁熱鬧
4) 呢度既敬酒唔係一台一台黎既, 係佢地d家人上晒枱就黎.
5) 呢度既影相係主人家過黎一枱一枱咁黎既
6) 呢度既thank you gift 都幾特別呢.

好, 很特別的一個婚宴.

<<Working @ Sentosa Site Office>> (2008-10-29 三)

今天下晝終於搵倒IT人幫手可以把?頭果部電腦搬落去, 跟住今天都是不停地開會. 一如所料,  搬電腦真係無咁順利既, 因為今天第一天落去, 果d network既setup 既問題, 我連email都用唔倒呢, 真係唔知可以點搞. 用唔倒email真係灰左呢...

<<準備去site>> (2008-10-28 二)

今天終於要返工了. 今天返工很忙, 又要去開會, 跟住wai kit仲要好似好病咁樣. 真係難搞了. 還要預備去site工作呢. 今天因為我地個電腦未搞得掂. 今天主要還是要在office 做野啦, 但係好快就要去site 了, 今天無落去已經俾d 人send email黎吹我地要落去了.