<<寒冷的香港 (二)>> (2008-12-21 日)

今天早上很好呀, 我約左琪琪姐姐食早餐 . 因為上次返黎都無見過佢所以都已經成半年無見過佢啦, 我今天仲約埋阿冼啦. 我約左在西貢星果度食早餐啦, 咁係果度又見倒關太同埋美言, 傾左一陣偈啦. 真係多謝關太呢, 請我地食早餐. 可以食番香港既野食真係好好呢. 終於食番菠蘿油, 奶茶啦, 實在是太好味啦. 無見琪琪姐姐咁耐, 其實大家都無乜點變, 只是而家凍左大家要著冬天衫吧. 很好呢, 今次返黎可以見倒琪琪姐姐. 但是有點失望的是今次還是沒有時間看她的小狗, 下次返黎如果有時間就去睇下啦.

之後呢, 返左去教會崇拜啦. 因為我都差不多十點半既時候先到, 所以入去既時候都無乜人知道我返左黎...直至到開始崇拜, 先是政匡話見倒區智輝返黎啦, 跟住李姑娘又話見倒我返黎啦, 再跟住威哥又話我返左黎啦...搞到我返黎好似好大件事咁... 咁我地係呢度崇拜啦, 真係好耐無去過中文的崇拜了, 返到黎崇拜既感覺很親切.

之後在教會吹了一會水, 原來在新加坡的阿傑也回來了. 之後同屋企人先是去了又一城飲茶, 再行了一會又一城, 跟住一齊出左旺角先行了新世紀, 再去了朗豪坊. 去到朗豪坊的時候撞見了emily呢. 估到咁都撞倒. 在朗豪坊這裏我地買了禮物給思言同天悠. 之後, 我地一家人去了食元祿, 飯後去抽奬抽埋d唔等使既野, 之後爸爸媽媽先回去, 我同細佬還去了旺電同埋再行左旺角一會, 行到好晏跟住先至返屋企.

這天很累呢, 行左一日.

<<寒冷的香港 (一) >> (2008-12-20 六)

今天早上起來, 食完早餐就出去了. 因為今天要去看醫生. 本來是約了醫生十點鐘的, 但是因為我太晏起身, 所以要差不多十點半才去到... 算啦, 因為假期前夕, 所以超級多人囉. 我去到成間診所都是人...好, 一等就要等到十二點零先至有得睇... 之後睇左. 醫生話, 不如加重d藥喎. 咁就加啦, 反正下一次返來都應該只是一個月之後的事. 咁跟住就去左抽血驗血啦, 話咁快就搞掂. 唯一比較麻煩的是我個電話還未好番, 原來返到屋企收到peoples的信是因為我沒有俾住址証明.... 真是麻煩. 等我得閒真係要去搞一搞番掂佢先得.

睇完醫生跟住就去了搵細方sir同埋搵michelle食晏晝飯. 我去左天泉堂啦,大概下晝一點零倒去到啦. 好好. 我好耐無返過黎呢度啦, 自從上年十月我係呢度實習完之後我都無再返過黎呢度了... 好似有, 就好似是michelle同細方sir 的浸禮. 很好很好. 來到這裏的感覺很親切呢. 話說剛剛52分隊這裏是十五年的記念, 細方sir還醒了我一個水樽同埋兩本紀念特刊. 很好很好. 上到去傾下計啦. michelle 剛剛同raymond結左婚, 佢唔知點解要去東馬來西亞既神山度渡蜜月咁辛苦呢... 見佢地就辛苦啦. 我地係度傾下計, 都好開心架, 之後還有madam cheng, 細楊sir同埋大方sir還有之前的隊長都返左黎. 很好很好. 大家都是傾下偈咁.

之後我就先返左屋企, 放低d野, hae左一陣, 跟住就落樓下啦. 今天晚上我地既團契在青衣這裏有燒野食. 實在是很好呢咁近. 地點就只是在聖保祿村後面山上的教會. 我, raymond, losa先到和預備食物. 其他人差不多七點既時候就到了. 真係好耐好耐無見啦. 實在是很好呢我一返黎就可以咁齊人燒野食. 這天晚上有燒野食啦, 抽禮物啦, 等等等. 很好的一個晚上.

雖然這幾天香港還只有17, 18度, 我還覺得凍凍的感覺呢. 睇黎真唔係咁習慣咁凍既天氣.

<<End of 2nd Quarter in Singapore>> (2008-12-19 五)

終於又崖左三個月啦, 今天返工, 真係無乜心機同埋都唔想理咁多野了, 只是一心想返屋企, 返屋企同埋返屋企. 但是工作實在是太忙了, 所以還是逼住要在地盤那個很難食既canteen果度食晏晝... 實在是太太太難食啦, 我實在是很難忍. 等到下晝兩點倒, wai kit先至黎到地盤, 咁樣, 我就可以交低我所有既野俾佢啦... 實在是太好了. 唔使煩我. 之後我三點鐘離開地盤, 跟住踏九左右就返到去屋企, 我搭地鐵返去. 之後呢, 我就執好晒所有既野然後大概四點三出門口. 今天我選擇搭地鐵去機場. 首先由paya lebar站搭去tanah merah站轉車. 轉車的時候遇到壞車呢, 好彩唔係阻左好耐啫. 之後就去到Singapore Changi Airport. 因為上次返去既時候都是搭的士的, 所以我都係第一次搭地鐵去機場. 都ok快既.

去到機場, 跟住就check-in 啦, check-in之後就同仙姐買左支port 酒. 我今天搭既係CX716 班機返去香港, 呢班機都滿人啦, 我上機的時候太陽還未落山, 但是慢慢太陽都落山了. 在飛機上睇了mama mia.的電影, 很好看呢. 很好很好.

跟住飛機大概在十點零既時候降落. 跟住, 我想轉番個電話啦... 但係居然收唔倒囉. 話說上次我返香港既時候轉左台去peoples. 今次諗住返去用新卡啦, 但是居然轉左張卡之後就用唔倒個電話囉, 唔知搞乜鬼. 同埋呢, 返到去香港既機場我居然係唔知道邊一度攞行李囉...真係奇怪. 之後出到閘, 都已經十一點了. 我俾左好多野仙姐, 因為主要我都是幫佢攞行李返香港啦. 跟住十一點零就可以搭airport express返屋企了. 返到屋企, 沖涼, 然後hae左一陣就訓左啦.

返到屋企真係好!

<<Old Queen Street Full-dress Rehearsal>> (2008-12-18 四)

今天比較特別的是因為今天是教會的聖誕音樂劇, old queen street的 full-dress rehearsal.

所以放工後就去啦. 今天因為是拜四, 還要返去公司同weng yew開會. 好在今天的會可以好快就完左, 我大概七點半就可以離開了. 本來想搵埋小燕去睇的, 但是小燕很忙呢, 行不開. 所以就我自己一個人返去教會啦. 唔緊要啦, 返到去教會也有一大班人陪我呢.

話說這個musical 將會由19號開始至到24日在orchard road演出, 很西利呢. 每一節的時間就只有一個小時. 佢地要set燈, set 枱, 等等等等, 然後做一個40分鐘既musical, 再然後就要再拆所有的東西, 所以都好趕的.

套劇很搞笑呢, 尤其是daniel扮的一個賣野既叔叔. 哈哈.

祝佢地之後聖誕節在orchard road演出成功~~!!!

<<悠閒的禮拜天>> (2008-12-14 日)

今天拜日, 起身煮早餐之後跟住我十一點倒就出左門了. 因為今天我要享受我這天的悠閒假期.

我先是大概十一點倒去了牛車水, 即是china town 果度, 因為今天要幫大姐買果隻紅花油, 叫做鈞華紅花油, 但係買不到, 去到牛車水的藥材鋪度問, 佢地話呢間野自從政府收番d 店屋之後, 就無再租其他地方了, 所以五年之前執左之後就無再見過呢個藥油了. 我問左幾間的答案都是一樣, 咁就買左另外一隻既紅花油. 好, 算.

之後呢, 就梗係返左教會崇拜啦. 佢地預備聖誕的活動已經預備得七七八八了, 但是很可惜的是我沒有時間幫佢地手. 今天有一個牧師來了講道, 佢講的是關於人生的目標. 佢用左保羅既三次宣教之旅來講, 保羅要傳教給神的子民, 文士, 以及君王, 就係咁, 就確立了他的人生目標了. 我地既人生目標又係點呢?

完左崇拜我就出左去orchard road, 滙合了小燕. 我地兩個先是在marriott 既酒店度食high tea, 很好味呢, 尤其是甜品. 之後呢, 我地行左一陣, 跟住就要去orchard road的cathay cineleisure 既戲院睇戲了. 我地今天晚上去左睇four christmases, 好好笑呢, 呢套是可以由頭笑到尾的聖誕節電影. 之後呢, 哈哈, 原本又是小燕話要早d返去休息既, 點知佢又話要買禮拜俾佢個兒甥, 又話要買其他既禮物...果然女仔既野係買唔完既. 最後都搞到成十點先至可以返屋企, 佢真係買左好多好多野呢. 聖誕節的時候我同佢都要分別返屋企了. 下一年再見啦.

<<返工的禮拜六>> (2008-12-13 六)

今個禮拜六都係要返工啦, 因為實在是有太多野要做做唔晒...咁今日早上都是食了個好飽既麥記早餐跟住就返左去地盤. 在VIVO臨上車之前還見倒raymond tsang. 哈哈, 佢都要返來地盤啦.

返到地盤都差不多十點半十一點了. 都係禮拜六啦, 其實無乜心機做野, 我見張枱又咁亂, 咁所以就執番好乾淨好整齊咁啦. 開頭真係幾好架, 幾整齊.

今天做野做到四點倒, 跟住就同左simon 同埋raymond去左vivo食kulokulo面, 其實個面都無乜特別, 只係個名特別少少啦. 同埋呢, 都唔算係好好食囉... 但係就咁要一碗都要六蚊, 真係幾貴.

之後就出左去orchard road. 我原本想去far east度睇下, 點知就去左far east plaza, 果度係無乜野既, 跟住就我. simon, raymond tsang, 權哥四個人行orchard road 啦. 最後我地四個人去左一間食娘惹菜既地方食晚飯, 都ok啦.

然之後就返屋企了. 今天都叫做好攰啦, 訓覺.

<<Annual Dinner and Dance>> (2008-12-12 五)

今天是我公司的D&D. 話說新加坡呢度既annual dinner唔係叫做annual dinner, 係叫做D&D, 即是dinner and dance, 即係唔只食咁簡單啦. 本來今天應該是下午三點就放工既, 但是因為實在是太多野要做啦, 所以就都差不多五六點先至走得人. 今天都算係咁啦, 因為今天又是DPA, MHT, DLS的D&D, 所以其他公司既人都好早就走左, 搞到個site office好似好靜.

我地係suntec, 我, raymond tsang, simon, 同HY, 一齊搭的士去, 去到的時候都差不多七點了. 今年的主題是wonderful joy ride. 大概是同過山車又或者同賽車有關吧. 我們office的人分了八組, 然後每一組今天晚上也有表演, 同埋要做一個模型要做一架賽車, 好似d中學生果d懶有創意果d呢. 我是紅組, 叫做incredibles, 我都特登著左件紅色上個禮拜係bintan買既果件衫黎架, 我地成組都好紅. 組員同事們已經準備左好多野了. 只是我因為平時工作太忙甚麼也沒有準備. 佢地已經用紙皮整了架車, 同埋yee nee同grace chua就做grid girl. 西利. 我都係坐下飲飲食食啦. 今天晚上有很多表演啦, 每一組也有表演啦, 我果組就扮新加坡賽車啦. 咁跟住d老闆又講下野咁啦.

總之呢度既D&D既人個個都玩得好顛, 同香港的很不同.

我抽奬還抽了部DVD機呢. 很好. 可以拎番香港用.

完的時候都十一點半了. 搭的士返了屋企. 原本諗住再同waikit佢地再去飲野, 但係都唔好啦, 聽朝還要返工. 都係返屋企訓覺.

<<工作工作>> (2008-12-09 to 2008-12-11 二至四)

呢幾日都係返工啦, 無乜咁特別. 只是成功爭取番個staircase corewall. 咁啦.

<<雨中的動物園>> (2008-12-08 一)

今天很好, 是新加坡的hari raya haji的節日, 大概是一些回教的節日吧, 總之唔使返工.

早上我先在家食了個早餐, 然後就出發了, 今天我約左kit yi去動物園 Singapore Zoo, 也是新加坡動物園三站裏面的最後一站了.

今天天氣不好, 整天也下著雨, 現在是這邊的雨季, 所以經常會落整日的雨.

我都是照舊約左kit yi 在choa chu kang果個站度等, 我地等好就搭巴士去啦...雨還是不停的落...

去到動物園還是下雨... 不過唔怕, 這個動物園真的很周到, 可以買這裏的rain coat... (也是賺錢的一個方法吧). 這是很特別的經驗呢, 我個人來說就是第一次著住rain coat去行動物園了. (當然也是第一次來這個新加坡動物園吧) 雖然kit yi來過這裏幾次, 但著住rain coat黎行動物園對佢黎講都是幾新鮮的 (真係幾鮮架, 我地既rain coat是鮮綠色的).

最開心的就是睇白老虎. 話說前幾個禮拜這裏的動物園裏面發生了命案, 就是有一個照顧動物的管理人無啦啦失常咁同左人講左句"you will never see me again" 跟住就跳左去d白老虎度然後俾咬死左...聽講都幾死怖...我地今天來到唔知邊個係killer...

跟住睇左河馬. 河馬的屁股很大. 也很圓. 還有看了很多turtle, 還有snake, ostrich, kangaroo, 還有紅色屁股的狒狒, 還有很多不同種類的馬騮. 這裏最出名的是orang utan. 是這個動物園最出名的動物了.

我地行到攰攰地, 就去左個theatre等睇show啦. 點知坐左一陣都等不到呢, 原來落雨天是最消了, 有點失望. 但是這裏的人也和平散去 (如果這個情況在香港發生一定會有人破口大罵呢...) 我們在這裏食了少少野, 然後再行左陣, 再冒雨睇splash theatre. 發現原來有些企鵝是可以係三十幾度既溫度生活既. 真係奇怪 還有些海獅和海牛. 很過癮呢. 雖然是淋住雨, 但是還是很有趣...

之後很深刻印象的是北極熊. 原來北極熊也可以在三十多度既氣溫下生存的. 同埋, 佢既毛原來唔係白色, 而係透明架. 我地去左個池邊睇, 好大隻呢, 我諗企起有兩個我咁高呀...

之後還看了很多很多動物. 最過癮的還是看蝙蝠. 一隻一隻吊住好近好近的, 真係好似蝙蝠俠咁架用隻翼黎 包住自己的. 哈哈, 睇黎kit yi好驚呢d黑色既野... 跟住我地去左睇長頸鹿啦, 獅子啦, zebra, 西牛等等等等, 玩到下晝五點半倒, 大家都很累了. 在大門口影多張 "到此一遊" 照, 然後就走了.

很好呢, 我地兩個終於完成了 night safari, bird park and singapore zoo三站既動物之旅. 這三站動物之旅得以順利完成, 當然要多謝kit yi這個本地的導遊啦... 下次可以再諗諗仲有邊度好去呢.

之後我食完飯就回家了, 因為真的很累了.

<<Bintan 之旅>> (2008-12-06 to 2008-12-07 六至日)

今個禮拜六日好玩啦, 我同raymond tsang 去左印尼既民丹島, 我尋晚一點鐘先訓, 今朝早五點鐘就起左身啦, 因為要搭早船過大海. 我五點起身, 六點落樓, 跟住raymond 既的士已經在我樓下等緊我了. 我地搭的士去tanah merah的ferry terminal果度搭船. 我地兩個都是第一次黎呢度咋. 我地黎到既時候我諗成個碼頭十個人都唔夠. 天都未光. 我地唯有去其中一個餐廳度食早餐. 唉. 大家都好眼訓因為大家其實都參加完尋天晚上的婚宴. 大家都只訓左半個鐘. 咁係度食野, 同埋等睇日出啦, 反正都是向東. 今天天氣麻麻, 雲很厚, 但係都好啦, 無咁曬.

我地差不多等到七點半先至入閘. 出境. 因為我地要去印尼, 所以要出境, 跟住再等船. 呢度應該係有好多不同的船去不同的地方. 我地就等八點二的船去bintan, 我地八點四就可以上船啦. 哈哈, 行出去個碼頭的時候真係有點頭暈暈, 因為實在是太眼訓了.

搭船, 上到去好快就訓著了... 這隻船是雙體船, 也不是太搖. 都算係咁啦. 坐左一個鐘頭船就去到bintan啦, 但係因為呢度有一個鐘頭的時差, 所以來到的時間還是八點二. 過左關, 跟住就有個淺藍色既巴士載我地去酒店啦, 我地今次住的是bintan lagoon resorts. 嘩, 搭車入去真係超大呢. 搭左大概五分鐘車就到門口, 跟住由門口再車入去個main building又是坐左五分鐘的車, 因為我地要經過兩個18洞的golf course先至入到去呢, 入到去我諗都只不過是九點. 我地check-in左但是未有得入房住, 所以要在這裏hae. 我們先是去了golf driving range打golf. 本來我地想打golf course的, 但是實在是太貴了. 所以去了打driving range. 這裏都很過癮呢, 個環境真是一流. 我仲借了支1號桿, 可以打得超遠的. 正常的距離可以大概打倒100米的, 卜卜聲很過癮呢.  我同raymond都每人打了80個波, 九點半倒打到十一點半 . 跟住超肚餓了. 因為朝早太早食早餐. 咁去食晏啦, 超貴囉, 我同raymond 兩個人每人一個三文治加杯野飲要SGD$38 呀, 真係超貴呀.

食晏後我地周圍行了個resort 一個圈, 行下周圍既環境, 真係超大呢, 還有, 我地落左個沙灘行左一陣. 個沙灘超級大, d沙很幼, 水很清, 也是乾淨...只不過因為monsoon就大浪左d, 但係要有浪先至係沙灘呀麻. 跟住我地去了搭兩點半既巴士去市集, 一個叫做pasar oleh oleh既地方. 這裏因為離開了酒店, 所以賣既野平好多. 這裏賣很多木製的手工藝品, 有好多都幾抵買既, 但是因為我地屋企細無乜地方擺所以我都無乜點買到, 只是買了些東西給朋友, 和買了一個泳鏡給自己. 但是, 很後悔沒有買那裏的polo shirt. 我真係分唔清楚果d係正版定係番版, 但是那些polo shirt同真既果d既質地係一樣既. 果度只是賣SGD $7 一件咋. 還有, 很後悔沒有買印尼 bintang 啤酒既T shirt...

我地跟住要坐番車三點半返去, 然後入左房啦, 呢間房都幾靚既, 還有個小露台 (雖然是望住山)...跟住raymond就落左泳池歎, 我就去左沙灘行左一陣. 這裏真的很舒服呢, 我行到海灘的另一邊, 得番我一個人, 很靜很靜的.吹著海風踩著浪, 很舒服很舒服的一個人...

之後返左房沖涼啦, hae左陣之後就出左去食飯. 其實都唯有在酒店內的dinner buffet, 很貴呢, 但是味道都ok啦. 都幾好食, 個環境也不錯. 我地發覺bintan呢個地方真係只有新加坡既人會過黎呢度渡假的,  我地唔會見倒有外國人特燈黎呢度渡假的, 還有, 很多西方人是帶著好多golf棍過來打波, 還有, 很不明白的是不明白為甚麼佢都只是過來住一兩天渡假但是佢地既行李可以多過我去新加坡住半年既行李...

飯後我同左raymond去左打snooker,一打打了一局剛好一個鐘, 開頭我領先同埋可以响袋的, 但是後來連番失誤, 輸左35 vs 38...

返去訓啦, 因為實在是很累...

第二天早上八點倒起身, 然後去食早餐. 早餐後各自各搵節目. 我先是去了沙灘影左一陣相, 朝早的沙灘更靚呢, 這裏和昨天一樣大浪, 但是今天個天是藍色同埋有白雲的, 很靚喎. 我今天實在是忍不住了. 我終於嘗試了滑浪的滋味. 同這裏租了個板同埋請了個教練. 我玩了最簡單的一種滑板. 哈, 我試左好多次終於企倒起身呢, 實在是很過癮. 終於明白點解有咁多男仔鐘意玩呢d野啦. 企係浪上面既感覺真係好好好好好爽架. 我試左廿幾次我諗試倒兩三次倒啦, 真係好好玩呢.

跟住我返左房又沖涼, 跟住就執野check out後再去番海邊的餐廳食晏. 在這裏藍天白雲海浪聲食pizza飲mix fruit juice既感覺真係好好好好掂呀...

午飯後我再在沙灘影了些相, 因為正午夠光影得仲靚.

之後就去了一個mangrove track, 即是搭小船去遊紅樹林. 這裏又好像沒有甚麼特別啦, 只是搭下小船同埋識下朋友仔咁啦. 同團有個女仔都是由新加坡來的 (都話左黎親呢度渡假的都是由新加坡來的) 咁我同raymond咪同佢傾下偈吹下水咁啦... 哈哈. 這裏的風景很靚很靚...還有很多燕子飛來飛去的.

mangrove track之後果個司機就直接車我地去碼頭了. 我們先是check in,然後去了隔離的outlet factory買野. 我買了兩件衫. 很平, 一件man u 一件liverpool的Tshirt,都只是SGD$21, 但是個銀碼超大呢. 分別是印尼盾 79000同埋69000.嘩,..我未著過d咁大銀碼既衫. 哈哈. 我們買衫時還飲了bintang的啤, 都幾好飲.

我地下晝五點半船, 返到新加坡, 加埋一個鐘頭的時差, 都已經是晚上的七點半了.

返到去搭巴士去bedok, 然後食麥記 (因為呢個trip用得太多錢了) 然後回家...

<<恭喜晒呀 Ryan>> (2008-12-05 五)

今天是ryan的大日子呀. 很好, 我地放工後去左clark quay的novetel的酒店, 去參加ryan的婚宴. 婚宴很好呢, 但是, 比較不好的是我同老闆們同人枱就唔知搞乜野了. 在我這一枱有eng sin, raymond fok, peter lee, 權哥, wing yew, raymond tsang, 權哥同佢既女朋友... 個個都是老闆們...我都唔知自己搞乜. 唔緊要啦, 反正都是飲,.. 今天終於見識倒呢度既"飲勝"post, 佢地要拉長個音的, 叫"飲.................勝" 佢地都是用廣東話的. 要有咁長拉咁長去叫的. 這些就是這裏的習慣了吧. 哈哈, 有點奇怪呢... 還有, 這裏的婚宴一定會有的就是會有播番朝早接新娘既環節, 也有一些簡簡單單的卡通片咁啦...都幾得意既... 很好很好. 跟上次alan yap結婚時也差不啦.

<<香港很冷嗎>> (2008-12-04 四)

今天早上去了LKH那裏開了個會, 簡單的佢地介紹了個transfer plate的design. 其實我硬是覺得有點奇怪的, 但是又說不出是甚麼奇怪的東西... 但係, 明明呢個transfer plate 是我做野以來最簡單的一個transfer plate黎架啦, 但係都唔明點解可以搞到咁複雜既... 真係奇怪

這天晚上返了公司先是開會, 開會都係咁啦, 主要都是俾其他人報導一下佢地既進度啦. 我見alan yap果便好似好critical... 但係好像這邊還是沒有甚麼人可以幫倒他的... 真係慘. 我同wai kit就是mc03的代表了. 我們這邊比較細, 也比較無乜事, 人事關係也比較簡單, 因為只得我地兩個吧....哈哈...

之後我還返左去教會, 因為今天下晝anton打電話俾我話問我呢個工程師點樣做果個back drop喎...我淨係識做石屎架咋, 我唔識做呢d野架...但係就返左去啦. 返左去, 等極都等唔倒相關既人仕返黎, 跟住同謝可儀傾左個電話, 好像香港很冷呢. 跟住就回去了.

還有, 回到家, 今天權哥的女朋友來了我屋企住... 感覺很奇怪的, 因為我變了個電燈膽了.

<<工作>> (2008-12-01 to 2008-12-03 一至三)

這三天都是返工啦, 無乜咁特別啦, 只是做做做, 很忙很忙.

<<拜日>> (2008-11-30 日)

拜日都係咁啦, 因為今天太攰啦, 十一點先起身, 六個面食之後又返去教會崇拜了. 睇黎大家都有點累呢.

崇拜今天是講罪...一個平時比較少講的題目. 是pastor lilian講的.

之後我去左plaza singapura買左件背心, 然後就返去啦, 因為要準備一下下個禮拜的活動... 去bintan啦.

<<Bird Park + 拜六的禱告>> (2008-11-29 六)

今天早上返左一陣工啦, 其實好晏先返到去, 因為早上還去食了個麥記的早餐先至返工. 返到去地盤都已經是十點半了, 實在是太晏了. 本來有少少自己既野要做既. 結果都是Ansari走埋黎有好多野煩我, 搞到我要即刻搞d野俾佢... 跟住, 做得果一陣, 跟住Kit Yi打電話黎話佢放工了. 結果, 我應該差不多在十一點半就離開地盤了.

很開心呢, 今天我約左Kit Yi去Bird Park. 我首先約左佢係outram park果個車站月台等, 跟住我地搭MRT去了Jurong East站. 在那裏我終於食了在新加坡這裏第一次食的mos burger, 哈哈. 食的時候我地討論到一些singapore slang (Singalish) 的問題. 好搞笑呢. 我學了以下幾個.

1) Can tahan or not? 頂唔頂得住.
2) 回答: can (可以) 這裏的人不會答Yes or no,?只會答"can"

哈哈, 也許我已經俾呢度既人影?倒了, 我發覺我而家講野已經好singapore了.

我地大概下晝兩點鐘倒先至去到bird park. 很好呢, 一入到去就可以同d好多顏色既雀仔影相了. 這天的天氣真係好好好好好呀. 個天係藍色架...實在是太太太太好啦.

我地一去就先去左睇企鵝. 我好耐無見過企鵝啦. 我記得自從細個的時候在海洋公園見過一次之後就無再見過了. 這裏的大雪櫃裏面的企鵝真係好得意, 同埋有好多囉. 果度話呢度有二百隻企鵝.大概有五至六種咁啦. 跟住去睇了些識講野既parrot, 好得意呢. 佢真係識得即刻扮你講野既聲. 我同佢 "喂" 左一聲, 佢又 "喂" 番我轉頭架. 跟住就是去了睇amphitheatre, 唔知道點解東南亞呢度有咁多amphitheatre既...呢個都好好睇呀, 最好睇是見倒d雀仔係度飛...飛得好低好近我地架, 同埋仲可以好近咁影佢地添...真係幾好.

跟住去左d夜晚出沒的雀仔的地方, 有貓頭鷹, 但是太黑, 乜野都影唔倒.

再之後去鷹的劇場, 果度的鷹真係好鷹好大隻架, 仲有d好低好低飛, 我地直頭要wu低身去避佢地呢.

之後就繼續行啦, 見倒有鶴, 有唐鵝, 天鵝, 還有一群很紅的紅鶴, 好靚架成群成群.

再之後行左去有鳥籠的地方, 有很多雀仔俾困住...無咁自由啦, 都是鸚鵡, 之後還有些很大很大的鷹...跟住還去了一個有一個人造water fall的地方, 果度整得好靚架.

還有, 最後玩的是差不多最後去了一個大的類似幕的地方, 裏面有好多雀仔可以好自由咁飛, 而我地就可以在tree top 上的木橋或者吊橋度行, 同d雀仔可以好近咁接觸. d 雀仔唔怕人架, 我俾左隻手指佢咬. d 雀仔顏色很鮮艷的.

再行多陣, 個bird park是關六點的. 跟住就返屋企了. 最後我同kit yi返番去jurong point食野, 跟住我就返左屋企了.

返屋企抖左陣之後我就夜晚出動返大教會參加祈禱會啦. 今天晚上我返到去的時候已經是夜晚十一點幾, 今天晚上我們要由晚上十二點祈禱到清晨三點, 然後三點至六點是另外一個session. 我只是參加第一個session. 都很好啦, 我地為左新加坡祈禱, 為這個地方復興祈禱, 也為到其他的國家祈禱, 也為到泰國的民變, 印度的恐怖襲擊, 經濟衰退等等的東西祈禱... 很好很好. 其實時間過得很快, 很快就過左三個小時的祈禱會. 之後我們還去了廚房食粥 (真係食夜粥). 最後很多謝daniel車左我返屋企. 返到屋企都已經是凌晨四點了. 訓覺.

<<拜五的禱告>> (2008-11-28 五)

今天放工都是返左去小組. 今天我諗住我遲左少少返去, 但是原來今天是八點先至開始. 今天小組的特別是我地是YC (Youth Cell) + TC (Teens Cell) 一齊的聯合的禱告的晚上. 今晚首先是玩了些小遊戲, 然後有一個敬拜. 然後就是禱告的時候. 今天其實都是繼續那個禱告的活動. 我首先跟may, 慧妮, Ian Tan一組, 首先是為了新加坡的教育禱告, 然後也有為各人的家庭, 等等等等... 很好很好的一個晚上, 可以和這麼多弟兄姐妹一齊同心禱告...很好.

<<拜四的禱告>> (2008-11-27 四)

今天返工無乜特別, 都算係咁.

放工後返左去公司開會, 都只是拜四的例會, 都是無乜特別.

最特別的是今天晚上的禱告. 話說呢度新加坡既教會有一個叫做365 / 24的禱告的運動. 每一間教會認頭一個禮拜做一個禮拜七天, 24小時的禱告. 咁我地後生仔就有部份是take up了晚上的時間. 今天我sign-up了這次的禱告. 我禱告前看了那一本prayer guide, 也是很好的. 我的prayer partner是shawn pang. 很好, 今天晚上有一個禱告的時間.

<<拜三眼訓>> (2008-11-26 三)

今天很眼訓, 因為昨天很夜訓.

這個時候我又睇番beach boy啦. 而家係新加坡呢度睇真係啱晒feel

<<Body of Lies>> (2008-11-25 二)

今天無咁忙啦, 終於可以試下放工去睇戲了. 今天晚上約左brian, anais同埋brian的一個JC朋友去睇戲. 哈哈哈, 我地去左Plaza Singapura果度睇, 睇左body of lies. 都是一般既特務片啦. 但係呢套就真係有d劇情啦. 我覺得幾好喎. leonardo 終於出番黎做戲, 都幾ok呀. 同埋呢, 套戲好似占士邦咁去左不同既地方拍戲呢, 真係幾好睇... 我覺得好睇過James Bond QS囉. 但問題是, 始終是放了工的時間吧, 實在是太眼訓了. 我真的很眼訓呢. 返到屋企都差不多十二點了. 睡.

<<拜一返工>> (2008-11-24 一)

今天無乜特別野啦, 返site. 禮拜一應該都無乜特別事發生既, 只不過是剛剛開始一個禮拜又要努力工作咁啦.