| Chi Fai 的个人资料輝照片日志列表 |  工具  帮助 |
結構試 - Split Level Car Park<<結構試 - Split Level Car Park>> (2008-03-30 日)
今早返左教會, 同Jess一齊帶幼稚級的兒童崇拜. 很久沒有來這裏兒童崇拜啦. 見番班小朋友, 個個都好似高左呀. 潼潼好似真係高左好多.
之後一班團友去了食飯, 去了品香樓. 飯後我去了深水土步本來是想買些graph paper的, 但是買不到, 只買了鉛芯.
回家之後, 四點鐘開始做了果一條Split Level Car Park. 而家睇番, 又唔覺得係咁難咋喎. 唔知點解以前做第一次的時候覺得是很難的.
做到十一點, 還差一個鐘頭先至做, 還差封信同埋個method statement, 但是都是沒有心機去做了.
整天休息<<整天休息>> (2008-03-29 六)
今天早上成十一點先起身, 跟住好快咁出左門口.在青衣站見倒表哥, 佢啱啱放工. 同佢傾開關於考牌果d野. 原來佢會考I Aust E喎. 原來係咁.
之後去了抽血. 因為又要驗血了.
跟住就去了食麥記.
再之後返了馬可團. 馬可團黎緊個四月就真係好難搞啦, 因為種種既原因, 四月的週會改到呢....真係改到同原本果個唔同晒.
馬太團, 今天是查經. 雖然話是查經, 但係某程度上似分享多d. 今天查經是講, 話, 其實天國係點架呢. 神的國又係點架呢. 只有一段經文 "虛心的人有福了, 因為天國是他們的."
晚上回了家, hae了一晚. 今天晚上看了十萬火急. 非常緊張.
結構試 - 沮喪了一天<<結構試 - 沮喪了一天>> (2008-03-28 五)
話說尋日同前日兩天的fatal mistake之後, 信心跌到入谷低. 今天痛定思痛, 把自己的fatal mistake 用紙寫了下來. 寫低了, 當係提住自己在考試時不要再犯同樣的錯.
晚上回了少年軍, 今天可能還未有復課, 今天的幼級組只有十五個人左右. 唔緊要啦. 今天我整了啫喱糖返黎大家食, Madam Lo還整了蛋糕, 好.
結構試 - 又犯了大錯<<結構試 - 又犯了大錯>> (2008-03-27 四)
繼尋日做完左07年第四條又fatal mistake之後, 今天我在家又做了07年第五條. 唉, 可能真係太攰啦, 唔明白自己點解睇唔倒條題目個水位明明係+2.8mPD, 但係做既時候就很很很大意地以為係+0.00mPD. 真係激死我啦. 又是一個fatal mistake. 這樣一來真係打擊自己的信心呀, 之後就完全無晒信心咁樣, 真係大鑊.
結構試 - 休息一天<<結構試 - 休息一天>> (2008-03-25 三)
今天休息了一天, 完全無溫過書, 也沒有做pastpaper
晚上回了公司, 看看同事溫習成點樣. 睇黎個個都好勤力呢, 相對起自己有點懶了.
還有, 大家很細心地討論大家得出來的答案. 都算係咁啦.
結構試 - 犯了大錯<<結構試 - 犯了大錯>> (2008-03-26 三)
今天做了07Q4, 做就都算係咁, 只是有點不夠時間做.
之後對了, 發覺自己犯了個大錯...居然把column放了在泳池的中間. 真係好大的錯誤. 這樣是一個fatal的mistake. 我又係俾人話得我啱既 "點解臨考試黎先至會犯d咁既錯!"
結構試 - 06Q5 Hotel Building<<結構試 - 06Q5 Hotel Building>> (2008-03-24 一)
今天是大家都放假的最後一天, 我這天在家, 整天都在家, 做一年06Q5的 past paper. 都算係咁啦. 我做得係快左架啦, 但係條題目真係好長, 長到我真係有d野會睇漏. 但係整體上可能是對果個format已經有點熟, 所以好左好多了. 而家我可以晝得切所有的plan加上一些detail. 但係有點難的是果個scheme, 硬係覺得自己係做得無稜兩可的.
做完一份卷都五點了, 食了個公仔面, 跟住就落了街跑步. 很久沒有來跑步了.
晚上在家hae了一整個晚上.
復活節<<復活節>> (2008-03-23 日)
今天是復活節呀. 今天一早就返了崇拜. 今天是黃先生講道, 講的都很貼切復活節的主題. 佢首先講關於以前哥林多教會開始有人不相信會有死人復活, 再講到, 其實, 現今的基督徒, 有陣時都唔係咁容易察覺倒自己既一些陰暗面. 基督徒的視野是要向前望, 唔係望住過去睇現在, 是是望住將來有一天我地的生命完結, 再等耶穌回來得到新的生命而睇現在既. 好似係好深, 但係又好似大家都可以明白的.
之後去了食冰室, 再之後去了買花, 跟住好忙地又趕番去教會啦, 因為今天下午是浸禮. 很好, 今天是isis的浸禮. 我地都預備好晒d野架啦. 很開心見倒人受浸呢.
之後和立, 隽, LOSA, 冼又去了冰室食tea, 再出了旺角行左好耐, 再食了個晚飯, 跟住收隊, 結束這天的假期.
我怕悶<<我怕悶>> (2008-03-22 六) 原來我係一個咁怕悶既人. 今天原本是約好左馬太團去行山的, 但是最後都因為怕落雨而取消. 結果, 今日起左身, 居然係唔知今日做乜野好囉... 本來計劃了今天是不會溫書的. 但係, 唔溫書又可以做d乜野呢. 結果都係係屋企悶左大半日. d咁既日子真係好奇怪, 平日呢, 唔理得係返工又或者唔使返工既日子, 總會有d野要做既, 但係今日, 好像無乜野要做既咁. 真係完全唔知自己做緊乜野架. 呢種感覺好無安全感. 結果, 下晝差不多三四點約了losa, 立和隽去行街. 首先是去了基道, 因為想要買野明天的浸禮. 但是最後都無買到因為我地無九折咭. 跟住行左一陣朗豪坊, 之後就夠鐘約好了團友們在潮特等. 今天晚上是jess同肥鴻的生日會. 我地book 了一間cafe 度玩. 呢度有好多野玩. 我地只是玩一個關於會噴UNO果個game都玩左成晚啦. 十幾個人玩真係好搞笑, 搞到完全無晒次序的. 跟住疑似有人講粗口啦, 又疑似有人踢櫈咁啦. 哈哈, 總之就係笑死. 我的神 我的神 為甚麼離棄我<<我的神 我的神 為甚麼離棄我>> (2008-03-21 五)
今天在家很努力的做past paper. 今天做的是05年Q5, 是關於那個laboratory的. 這題相對較易, 所以, 其實是夠時間做的, 但是做到最後的一個部份, 實在是沒有心機了. 做得很求其.
晚上, 回了教會參加受苦節晚會. 今天是崔牧師黎到石硤尾堂講道. 題目是 "我的神 我的神 為甚麼離棄我" 這晚, 是講關於耶穌在十字架上, 臨死之前所講的一句說話. 由這句說話又引發出很多不同的思想...今天晚上, 又再一次讓我很真實的讓我知道, 耶穌受死, 唔係淨係為左邊個, 而係為左我呢個不配的罪人. 神真的不會放棄我, 離開我的.
這天晚上敬拜隊的一首歌, 十架七言, 把耶穌在十字架上講過的七句說話串成了一首歌, 讓大家再感受多一次耶穌受死時的情況, 氣氛.
之後一班團友去了食品香樓. 區智華果碟粉居然有鏍銯囉... 真係奇怪.
我唔甘心<<我唔甘心>> (2008-03-20 四) 今天是最後一天的工作天啦. 我今日其實一早就將今日要入果份則果d野搞掂晒架啦. 但係, 桂國平真係激死我啦. 明明我尋日同佢講好左要咁咁咁樣做. 結果呢, 佢九點半倒搵我既時候係完全唔記得左我吩咐佢要做既野囉...真係激死. 結果我叫番佢拿拿林做啦. 跟住, 佢做好左, 之後就個ftp down左, d野send唔倒落黎. 直到食完飯, 本來諗住, 都係入唔切架啦, 諗住唉, 呢幾日以黎ot左咁多日都最後白廢了. 但係佢又可以兩點鐘傳倒d圖落黎喎, 我又可以及時俾KL簽好我再做埋d後期工作同埋入倒則囉. 又過左一關. 我在深圳<<我在深圳>> (2008-03-19 三)
今日是入則前一日, 應該是好忙的. 之前聽桂子講話佢地有好多圖都睇唔明, 心諗, 大鑊. 唔知咁樣佢搞唔搞得切d圖. 結果我今天就過左去深圳一天. 結果, 我發覺係佢地一班人搞到d野亂晒多過我俾佢既野亂囉... 唉... 結果今天整天都在深圳, 本來想解答佢地既問題, 但係發覺佢地係無乜問題既... 真搞笑. 結果今天在深圳悠了一天.
來來回回<<來來回回>> (2008-03-18 二)
今天上晝勁忙, 完全無時間搞份則. 下晝就要上去bd度睇埋果幾份design and built 既則. 聽完個first comment 我跟住就走左啦, 因為趕住返office 搞埋d野. 結果呢, 搞下搞下, 搞到夜晚九點先走得人.
開始緊張了<<結構試 @ 開始緊張了>> (2008-03-17 一)
今日返工都夠忙的了, 本來想執d手圖俾深圳既同事畫, 但是都完全無時間.
晚上有個關於結構試的seminar, 一班將會一齊考試的同事都在了, edward 話今年應該會難d喎...唉, 我漸漸都發覺, 其實都唔係咁關事, 最關事的還是臨場的表現.
上完這個seminar, 開始有點緊張了.
<<神的呼召 (三)>><<神的呼召 (三)>> (2008-03-16 日) 今天崇拜, 是關先生講道, 內容是講關於以賽亞先知的呼召. 不知怎的, 不約而同, 和我這幾天的感受又有點相似的感覺. . 好. 崇拜之後我地一班團友去了斜路樓下的一間米線鋪度食. 我同jess share 一碗大碗米線. 今次我地叫的是川粉. 其實我都唔知乜野係川粉, 但即管叫. 呢隻粉唔un, 仲有點爽. 我諗係好似用綠豆黎整既掛, 因為有少少綠色的. 食後我個人覺得米線好似好食d. 食完晏之後同Jess去行街街, 行了出去旺角. 明明仲係春天, 唔知點解天氣咁熱. 我係呢間書局又見倒Michelle啦, 上個禮拜見完今個禮拜又見倒了. 哈哈. 好, 買了重要的東西, 跟住就返歸. 返到屋企, 執少少野, 跟住, 同之前一樣, 四點鐘就開始做past paper啦. 今次呢題其實唔係咁難, 只不過係一開頭自己太過三心兩意, 排果d column位排唔得掂. 所以就搞到自己慢左. 之後已經好努力咁追, 但係都係追唔倒. 最後有點草草了事的感覺. 神的呼召 (二)<<神的呼召 (二)>> (2008-03-15 六) 由於做唔晒工作既關係, 今天一早就返左公司做野. 唔知點解今天公司都無人既, 得我, 同里揚, allen返左黎都只不過係一陣既時間. 我做呀做, 做呀做. 本來諗住出去馬可團導師退修的, 但是都因為太多野做被逼取消. 我連馬太團都差d遲到呀. 我已經盡左我既能力趕架啦, 我飯都未食呀... 今天是我領詩, 唱了, 金和銀, 同埋因祂活著. 好. 今天馬太團是講受苦節. 好, 睇番果陣耶穌進城之後的幾段聖經. 但不幸地Frankie打了個電話黎問我個水缸點做, 搞到我中途聽佢個電話因而斷開左, 唔知下半場做緊乜野, 有點迷茫. 之後, 我去了找李姑娘, 佢俾左份野我, 一頁是講靈修, 好似唔記得幾時睇過的, 另外是一本書的一個chapter講事奉和呼召. 果本書用摩西的例子講, 講佢點樣受神的呼召, 佢既心情又係點, 佢怕既野又是怎樣. 其實咁多年以後俾著我地咪又仍然係咁樣. 但是最重要的還是不變的神. 回到家, 食飯, 然後就hae足成晚同埋寫番d咭囉. 就係咁就過左一晚. 神的呼召 (一)<<神的呼召 (一)>> (2008-03-14 五) 今天下晝係去左HKR開會傾果個屋頂, 都算係咁啦, 慢慢地個屋企終於成型啦, 好在大家都在起到黎之前夾得掂d野. 都算係咁. 傾野傾到差不多七點半, 我返到去集隊都已經八點了. 其實今天都沒有幼初級組集隊, 由於停課的關係. 我返到去其實都只不過係同恩賜姐同埋歡姐吹水同埋傾下幼級組果d野咁囉. 起初也無乜特別的. 跟住, 就聽歡姐講番佢最近參加左OBTC果個training camp, 哈哈, 一樣係咁辛苦呢. 又令我諗番起, 自己參加呢個camp既時候既情況... 哈哈. 回想起來, 真係好有趣呢. 同埋, 最重要的是, 神在我們當中, 真的也看得出是神在呼召緊我地呢班人去服侍呢. 好. 散隊後我同美言去食野, 撞倒了子豪和細琪, 一齊去了品香樓. 食了個炒公仔面, 好油. 打到黎啦<<打到黎啦>> (2008-03-13 四)
有好多野都打到黎啦.
尋晚十一點幾倒政府宣佈話小學同幼稚園今天起開始停課. 令我想起03年 sars 果陣我仲讀緊書但係無啦啦又多左個禮拜假既時候.
今朝返工, 收到教會的朋友們的email, 因為停課, 這個禮拜的少年軍同馬可團都暫停了.
真係有d打到黎既感覺.
下晝上bd, 都好簡單, 改左少少野. 但係個周先生就真係令人幾勞氣... 佢好似聽唔明我講乜咁樣.
回到公司, 做埋果少少野. 好似好平靜, 但係更可能的是暴風雨前夕.
忙忙的又一天<<忙忙的又一天>> (2008-03-12 三)
忙忙的, 朝早一返到去公司就有接不完的電話, 又有發生不完的問題, 更加要有解決不了的問題... 哈哈, 忙到呢, 連阿grace 姐想問我一d關於考試既少少野我都完全無時間答呢.
唔知點解我發覺我種果棵有好多葉既草既外圍有好多塊葉都開始有點謝...唔知點解, 唔知係咪因為我在過去的週末放了在window邊等佢晒一晒太陽有關. 但係我又見佢中間新出的葉子又真係好似好健康個播. 真係奇怪. 我今天加了點水, 希望無事吧.
晚上回到家, 都是決定今天晚上休息吧了. 還是休息了.
今天也不是讀書天<<今天也不是讀書天>> (2008-03-11 二)
今晚回家, hae了成晚, 今天都不是讀書天
|
|
|
