<<感謝神讓你認識耶穌 (二)>> (2009-03-29 日)

今朝早很早起身, 同權哥行了去RT果度, 我地三個先是食了咸豆漿既早餐... 我第一次食咸豆漿, 有點怪怪的感覺. 之後幫RT搬佢既野去新屋. simon也在,  今天很熱呢. 很快就搬完了. 十一點走, 返到屋企都係十一點零, 沖涼, 再出動.

今天本來是約小燕食晏的, 但是她因為要去看醫生所以黎唔倒食, 唔緊要, 我自己食了, 然後返了去教會崇拜. 小燕應該很遲才到, 她在後面, 我整個崇拜也見她不到... 今天講的是關於pentecost, 即是聖靈降臨. 講的道理很簡單. 就是我們每一個都很需要聖靈, 才可以把神的國度傳開去. 當然我們還有祈禱的時間.

直到崇拜完了, 我才知道小燕在後面. 我地兩個去了National Library下面果度飲野. 我同佢傾左好多呀, 傾左d近來既生活啦, 工作啦, 信仰啦. 我還讓佢看了luke既頭兩章. 見佢很用心的去看... 諗起自己當初初初回到教會的時候也是看路加福音... 反省到, 我有沒有把自己當初的愛心失去了呢?

真的很感謝神, 是神讓小燕認識耶穌的. 願榮耀歸與神~!

之後我行左去plaza sing, 再返番去city hall. 今天晚上約了潔兒食飯. 我地去了raffle hotel 後面既一條街果度食泰國野. 呢度既冬陰功真係幾酸幾好食呢, 菠蘿炒飯都好好食. 很好呢. 輕輕鬆鬆的一餐飯. 之後我們還去了raffle city 行左一陣街. 等我返番黎既時候再見啦.

<<不好>> (2009-03-28 六)

今日就過得唔係咁好啦.

今日無乜心機做野, 只是做了剛剛上年自己肥左果題... 真係難搞呢. 睇完個suggest solution都唔明佢想講乜... 真係奇怪.

晚上同RT同權哥去了suntec食了飯, 食了上海野... 都算係咁啦.

呢排唔知做乜自己好像無乜胃口. 食d乜野可以令胃口好番呢?

<<很得人驚呢>> (2009-03-27 五)

今天禮拜五, 實在是太累了.

今天返到公司, 本來只是諗住做upper roof design, 但是一返到去, 仲食緊早餐, 個秘書走埋黎話叫晒所有structural engineer入去conference room... 本來無乜野 所有人成廿幾人入晒去, 然後好逼咁啦. 今天早上是eng sin主持大會, 佢話:"today i receive the letter of resignation from two colleagues... I have accepted their resignation with immediate effect... we stress that this is not a retrenchment exercise... we hope that all of our engineers would not be affected by this incident. the sentosa project is hopefully be ended in July and we hope that new jobs are comming... all engineer has to perform and do their best in their position..." 大概係咁啦. 開頭我以為只是有同事要走啦, 但係到今日五點幾, 果兩個同事, siang choo同joshua真係執晒野走喎... 真係幾得人驚.

成日俾d唔同既urgent 搞左我成日, 結果今天還是搞不掂個屋頂.

做到九點, 很累了. 食飯回家.

<<愛是花  你是那種子>> (2009-03-26 四)

今日都係咁樣返工啦, 返工既日子都係忙忙忙啦. 但最近好像沒有甚麼目標的, 也許返地盤返得耐就係咁架啦. 其實每天都好像不停要搵人吹水同埋同人地傾點樣做咁...咁既生活...好像是麻麻.

今天終於聽到要大搬迁既安排, 大概是這樣. (按時序)

1. RT今個禮拜日搬去同simon 住
2. 4月4日阿茵黎新加坡, 住在女仔果間屋
3. 7月中simon返香港
4. 7月中我同權哥搬去simon間屋同RT住, 因為果陣應該simon已經返左香港
5. 女仔們包括茵, cavy, ann姐會搬去我而家係第六座既單位
6. RT同權哥會返香港
7. 我一個人留在simon間屋住, 住到年尾.

我咁大個仔真係未試過一個人住呢.

* * * * * * * * * * * * * * * * * * * * * * * *

這陣子很喜歡這首歌. 很好聽的音樂, 很美麗的歌詞.

<<愛是花  你是那種子>>


愛是花，你是種子

讓溫柔隨波而去，愛是那河流
讓靈魂四分五裂，愛是那刀鋒
那無止境渴求的，便是愛
以愛媲花，生命之花
你便是那種子

畏懼挫折，你的心不再雀躍
畏懼醒來，你的夢送走機會
因為害怕被奪，緊閉心靈
因為害怕死亡，無法活著
漫長夜晚，獨自一人
路途遙遠，無人陪伴
就在以為愛不會降臨之時
請回憶起來吧
哪怕在冬天被深埋雪下
在春日的愛情下
種子終會開出鮮花

<<思念>> (2009-03-25 三)

今天還是要工作.

中午還是在canteen渡過. 雖然這裏環境好, 但是日日都在同一個地方食飯同埋食埋同一個雞飯, 講真, 開始有點悶了.

聽說Alan Yap無啦啦俾人捉左去做MC04, 哈哈, 真係唔知講乜野好.

睇黎仲有機會一齊大洗牌一次.

晚上做到很夜. 所有同事都走了, 我最遲一個走仲要趕班尾班車. 自己一人放工, 自己一個人食飯, 自己一個人聽歌, 自己一個人搭一個鐘頭巴士返屋企.

思念... 究竟還有幾多?

<<晚上的吊車>> (2009-03-24 二)

今日都係返工啦. 發覺我地d steelwork真係呢... 有點難搞囉... 個model同張圖要表達既野都唔同既... 真係難搞.

晚上收工的時候留意到在地盤上面既吊車, 原來除了外面decorative既燈之外裏面係沒有燈的. 又諗諗, 記得番原來自己都試過夜晚坐過無燈既cable car...那是一兩年前的事吧... 心想... 也許, 人生也不會有很多的機會跟你晚上在吊車上吹風吧.

你還記得嗎?

想到這裏, 也許我就是一個這樣的人了. 有些自己既想法 / 感覺, 平時的自己也許不太想面對呢. 居然一架吊車... 可以諗番起咁多野.

<<睡不著了>> (2009-03-23 一)

禮拜一都是眼眼訓訓咁啦.

今天唯一特別d既係知道阿茵會黎新加坡做野, 今天cavy收倒公司的email話阿茵會去同佢地住.

今天晚上真的睡不著了, 因為房裏面既冷氣機居然不停漏水... 我放了個水桶去裝水... 但是一滴一滴的真係好煩. 索性唔開冷氣開window啦. 嘩, d 蚊勁到呢... 又咬我又嘈住我...真的很難受了. 最後都是唔理咁多, 照訓... 但當然是訓得不好吧.

<<感謝神讓你認識耶穌>> (2009-03-22 日)

今天早上同平時一樣起身煮早餐, 然後就清潔一下屋企. 今天洗了個厠所, 好, 乾淨晒.

今天晏晝我約了小燕去食晏. 我地約好左十二點三在city hall 地鐵站等, 我地跟住去了raffel city既food court食野. 我地食完野之後我攞左我銀包裏面放左好耐, 好耐, 同埋好耐既一張 "耶穌愛你" 既單張攞左出黎. 雖然係殘d, 但係最重要既係內容呀. 真的很感謝神, 讓我有機會可以向小燕傳福音. 我同小燕簡單的講左一次大概既福音既內容.

之後呢, 我地就一齊返左去KY church YC既崇拜. 我想這是第一之小燕參加基督教的崇拜吧. 今天講的道好像是深了少少, 同埋講既都不是太福音性的. 我想小燕會有很多地方也不明白吧. 不緊要, 遲d再多點跟小燕講吧.

崇拜後我送了小燕去巴士站搭巴士. 之後就分開了. 我先是去了plaza sing打了機, 然後搭了地鐵去了ang mo kio,  一個我未去過既地方. 呢個商場都幾大呀, 外面HDB既購物街都好大下. 同埋呢, 我發覺呢度都好多眼鏡鋪. 我很想買過副眼鏡.

晚上回家, 居然唔識搭巴士囉, 搭左去tampines, 然後再搭番轉頭既地鐵返屋企...

今天真的很感謝神, 是祂讓小燕可以認識耶穌的!

<<溫溫書, 又是一個禮拜六>> (2009-03-21 六)

今天很好呢, 做了07年的一題題目. 在家做了一天. 晚上和RT同權哥去了marine parade食飯, 食了味千拉面, 都幾好食. 第一次來這個marine parade, 這裏的商場都幾大呀.

<<很累的拜五>> (2009-03-20 五)

今天真的很累了. 今天是禮拜五了. 中午終於都是返到去VIVO食了蕃茄面, 都ok啦.

這天花得最多時間的是要同miao同埋ansari去傾做果個embed, 真係麻煩.

晚上因為太多野做同埋太累了, 所以都沒有回去返小組, 同RT在vivo食了飯就回家休息了.

<<遲到的presentation>> (2009-03-19 四)

今天是公司安排了的presentation, 是安排了小弟去同各位新加坡既同事講點樣用etabs...但是因為地盤太多野做啦, 結果我四點才離開地盤, 同simon and wendy返去, 好在wendy醒識得叫cab, 所以我先至可以只遲到三個字.

講presentation , 其實都有點怪怪地的, 我呢個又唔係好有經驗既人走去講...好像不是太適合. 算, 有野就講. 講到臨尾, 就是各大大佬係度討論個programme點用啦, 但是好像一些比較年青既同事就唔係好明我地講乜...

印象只是, 這裏的同事很相信PROGRAMME裏面的DESIGN的FUNCTION呢, 這和我們在香港的DESIGN真的很不同.

晚上我約了小燕食飯, 我地去了食MOS BURGER. 這裏新出的SCALLOP既RICE BURGER真係好好食呢. 好像又有一段時間沒有約小燕食飯了. 這晚很開心呢. 我們除了講下近況外, 小燕話禮拜日可以跟我返教會崇拜呢, 真的很好.

<<拜一至拜三>> (2009-03-16 to 18 一至三)

呢個禮拜開始在新的office工作了. 這邊的環境很好, 但最好既係個canteen真係好平, 雞飯都只不過是兩個半咋, 飲埋杯奶茶都只不過是三個三... 真係好好好好平呀. d味道都ok啦, 奶茶比起以前果間好左好多架啦.

呢個禮拜都是同之前一樣咁忙啦.

<<大清洗>> (2009-03-15 日)

今天早上和平時的禮拜日一樣係屋企大清洗啦. 今天洗了地, 乾淨晒.

之後去了買飛, 今天下午睇slumdog millionaire.

之後是返了教會崇拜. 很好, 今天講的是三位一體的神.

之後落雨但還是跑去plaza sing, 途中因為落雨地滑竟然pa街了... 電話也飛到好遠 , 好在無壞.

三個人, rt, 我 權哥看完戲之後回家了.

<<繼續past paper>> (2009-03-14 六)

今日就真係過得麻麻啦.

晚上我都係同RT同權哥去了食韓燒. 呢度既韓燒有得燒之外仲有得同一時間打邊爐的. 很好.

<<多謝我的好同事, 他們幫我收拾桌子>> (2009-03-13 五)

今天終於黎到搬屋既大日子了. 到了最後一天都係唔好理啦, 都係做埋d野算啦. 今日真係激死我啦, 我搬既呢一日先至黎落大雨, 仲要有好多野做, 最麻煩既, 係果個則師YS無啦啦食飯前走過黎話要我食完飯去同tpc果人開會...嘩大佬, 唔使執野咩. 結果, 都是在這個好難食既canteen食完最後一餐晏, 還是死死地氣咁去開會...真係晒時間架, 佢地開親會都係無結果既... 真係難搞. 結果還是開會開到三點幾, 本來諗住返去執野既話就時間啱啱好啦. 點知執野既時間提早了, 同事們見我去左開會未返, 佢地幫我執好晒我既野呢... 本來成個垃圾崗既位我一返到去d野已經pack好晒箱了. 呢班同事實在是太太太好啦.

跟住我地就去左新office, 果度雖然未搞掂晒d野, 椅都未有, 但是環境真的很不錯, 望住海架, 可以望倒harbour front日日都見倒遊輪, 有270度海景, 加上樓下就係一個海景既canteen, 實在是方便. 很好.

之後返了去concourse因為今天要返去攞番封報稅的信...

再之後呢, 今天晚上也是去了chua chu kang既Joel's home 去分組. 今天晚上有我sean, tanny, ben, sam, and joe. 雖然拜五很累, 但也是很好呢.

分組後都差不多十一點了, 我搭了巴士返去, 居然有直接巴士返去. 搭了差不多大半個鐘就返到屋企樓下了.

<<工作啦>> (2009-03-12 四)

今天都無乜特別野啦, 都係返工咁囉. 呢輪叫做野無以前咁忙啦, 又或者係自己已經懶左d了...

各個同事都開始執野

<<返office>> (2009-03-11 三)

今朝早都還是眼眼訓訓, 返左去地盤即刻俾wendy捉住左要做個ei, ai list 食左個早餐之後再俾人捉左去開會. 開完會都差不多時間要走, 因為今天要返去office 預備果個 transfer plate submission. 看來現在個project已經去到最後直路既階段呢. 個個都好緊張, 每一天大家都好緊張唔好有野錯... 看來等LKH上埋個transfer plate我就可以離開這個MC03了.

還有, 看來最近關於個大架既RVO搞到好麻煩呢. wai kit就真係慘d啦.

<<拜二>> (2009-03-10 二)

今日無乜特別, 都係咁樣返工啦. 只是今天開始很多同事也開始要執拾, 因為要預備今個禮拜五的搬office啦.

我今日都算係咁啦, 做左條樓梯, 又同左唔同既人傾左唔同既野. 只是, 今天不太好的是地盤出了意外, 聽說有一個工人傷得很嚴重...現在不知道那個工人怎樣.

下午都係咁啦. 晚上和RT去了dhoby ghaut, 我先去the cathay買了東西, 我地再去了plaza sing既港式茶餐廳食晚飯. 之後就返去取東西, 回家了.

今天覺得很好的是可以聽番以前eason同at 17的那個演唱會... 很好呢. 也許那個時候聽這些歌的時候年紀還小吧... 哈哈. 感覺很特別呢.

<<眼眼訓訓禮拜一>> (2009-03-09 一)

今天禮拜一啦, 有點眼眼訓訓, 天氣也麻麻啦, 整天也落大雨. 去到放工的時候才停雨...

今天晚上是公司的同事的promotion dinner, 我地去左NUSS, 即是NUS的一個alumni club. 幾好呀, 係呢度都係食下野輕鬆一下. 很好很好. 我同HY同RT都一齊咁啦. HY話原來我地各人既歸期既時間表都出左啦, RT會七月中到尾, 權哥就會早d, 我呢, 一如我之前問老板, 我應該可以係呢度留到年尾... 幾好... 還可以慢慢享受在這裏的生活呢.

<<中日花園 + 購物日>> (2009-03-08 日)

今天早上很早起身同權哥同RT去了chinese garden站, 先是去食了個新加坡式既早餐, 包括teh, half-boiled egg, kaya toast. 很好, 我們去了組屋區的一個地方食啦. 跟住就去遊花園, 由上午十點半遊到十二點, 先是去了裕華園 (chinese garden) 再去了星和園 (japanese garden) 呢個公園真係好大呢,  今天既天氣真係好好. 同埋好好好熱...影相係真係幾靚既, 影景既話... 我地仲見倒有幾個model同埋一大班果d攝影人係度影相啦, 但係見個model著晒校服咁, 但係感覺很奇怪的... 又唔似係d 好好既人像攝影, d model妝都好似無化... 又唔似係影廣告相, 唔知佢地影乜.

之後返了教會崇拜. bulletin 裏面講起最近的新聞, 有個ntu既學生插左個professor一刀然後跳樓commit suicide. 有一點很重要的, 是這個學生還未信耶穌, 沒有"hope", 即是永生的盼望. 其實係真既, 如果我地既生活 / 生命只是建立在物質, 名聲, 金錢上面的話真的很危險... 唯有耶穌是不變的, 也是我們的盼望.

今天崇拜前跟慧妮傾左一陣偈, 很好呢, 佢AL放榜考得不錯, 應該上大學去自己喜歡的科目沒有問題吧. 但是看來她還要為她的scholarship 和她的PR 煩惱呢. 不緊要啦, 神會供應的.

今天崇拜前是cambodia去missionary trip的朋友的分享, 很好很好的分享呢. 看著他們的分享, 真的令我想起兩年前去了廣西探望的那些小朋友... 又想起emily同思思會在復活節既時候會再去... 我會為你地祈禱架.

今天的崇拜是uncle sam講. 其實講既野很簡單, 用了馬太福音講 "seek first your kingdom and your righteousness" 然後講 priority再講到去啓示錄的不要失去起初的信心和愛心... 真的是一個很好的提醒.

之後一個人去了cathay 想買個禮物給表姐, 但是因為未知道佢老公個名所以未買住. 之後就去了plaza sing, 買野啦, 食野啦... 很好. 之後回家.

今天很開心, 一個簡簡單單的禮拜日.