| Chi Fai 的个人资料輝照片日志列表 |  工具  帮助 |
早羅大婚之喜 <<早羅大婚之喜>> (2008-05-30 五) 今天返工, 本來諗住好多野做既, 但係其實, 都唔係咁忙啫. 晚上去了飲早羅果餐喜酒. 很好呢. 今天有很多中學同學都有來. 我地自己一圍, 好似返番去中學既時候一樣, 我地自己呢圍玩得勁顛, 真係好開心架, 仲不時太嘈俾隔離枱既賓客望住呢... 差不多十二點才離去, 因為坐通宵巴士的關係, 要差不多點半先返到屋企 又諗左一天 <<又諗左一天>> (2008-05-29 四) 今天又諗左一天. 今天問過係新加坡的仙姐啦, 又問過高爾啦, 同埋問過ro 姐果便的情況. 其實到最後的結論都是值得去的. 所以, 結論是, 現時我都是傾向去的. 但係食飯的時候, 我同grace姐, jenny姐, 同高爾食飯. 哈哈, 我諗我食飯時果個樣都真係好疑惑啦... 這陣子很怕自己會唔會有d consideration 係自己諗漏架呢? 哈, Jenny姐問, 話, 會唔會要趁呢個最後的呢段時間有d野要同有d人講架? 這天也發了很多電郵問不同的朋友, 他們的答案都是正面的. 很多謝你的禱告的支持. 晚上回到家也和爸爸媽媽報告了今天的事. 我都知道爸爸媽媽都是支持我的. 但是其實我最擔心的還是佢地. 晚上和大姐傾左好耐電話. 好. 等有進一步消息再向外公佈!. 禮拜一會再同上司去見大老闆, 我諗知道埋d條件的話, 成行的機會很大了. 所以, 最後反悔的機會我諗是禮拜一了. 這幾天真的要多一點安靜在天父面前, 求祂賜平安. 忐忑<<忐忑>> (2008-05-28 三)
今天早上KL告訴了我一個消息, 又是我面臨抉擇的時候了. 我應成了明天再回答佢.
等我今天要好好想清楚.
請你地為我禱告啦.
面朝大海 春暖花開 <<面朝大海 春暖花開>> (2008-05-28 三) 今日返工好忙呀, 忙到呢, 不停俾唔同既人叫我去傾呢樣傾果樣.... 嘩, 結果都係發現一毎人得兩隻手一個口係唔可以同一時間跟兩個project既. 今朝淨係不停咁搵人傾野傾左一朝, 下晝情況唔好得好多, 又有電話啦, 又有email啦, 又要搵人傾野啦...其實我真係唔係好明點解阿jimmy要through我再去分配d人做design...我只覺得自己只是夾在中間...我甚至覺得因為我要做愉景灣的project 搞到阻住其他同事做大埔既design 囉... 我覺得我自己真係阻住個地球轉架. 今天晚上都要做到差不多八點九先走. 之後一個人又去食了麥記的玉子將軍漢堡. 有點孤獨. 回到家, 繼尋晚聽番菠蘿油王子的cd, 今天晚上直頭搵番隻菠蘿油王子的vcd出黎睇. 開頭第一隻碟是很好笑的, 到第二隻碟開始... 我發覺呢套戲好深... 到後來原來是帶出了很多值得思考的問題的. 片尾的時候出現了一首詩, 是我以前看的時候沒有留意到的. ~ ~ ~ ~ ~ ~ ~ ~ ~ ~ ~ ~ 面朝大海, 春暖花開 — 海子(1989) 從明天起, 做一個幸福的人 喂馬, 劈柴, 周遊世界 從明天起, 關心糧食和蔬菜 我有一所房子, 面朝大海, 春暖花開 從明天起, 和每一個親人通信 告訴他們我的幸福 那幸福的閃電告訴我的 我將告訴每一個人 給每一條河每一座山取一個溫暖的名字 陌生人, 我也為你祝福 願你有一個燦爛的前程 願你有情人終成眷屬 願你在塵世獲得幸福 而我只願面朝大海, 春暖花開 ~ ~ ~ ~ ~ ~ ~ ~ ~ ~ ~ ~ 我要活在以後, 以前, 還是現在? 怎樣了<<怎樣了>> (2008-05-26 一) 禮拜一的工作天, 怎樣了? 晚上, 不知道自己怎樣了. 不知怎的, 晚上在家, 不想工作, 不想聽收音機, 不想打機. 卻開了麥Dull菠蘿油王子果隻cd出黎聽左成晚. 禮拜天 仍然是工作天<<禮拜天 仍然是工作天>> (2008-05-25 日) 今天是禮拜天, 朝早去了梨木樹帶兒童崇拜. 這次真是我自己預備不太足夠了. 真係估唔倒會有成七個小朋友返左黎, 仲要大概有一半我係唔識既. 今天的場面有點失控呢... 但是好的也就是先是了解了這班小朋友一點. 天父, 求你帶這班小朋友黎到你的面前... 下午回了公司工作, 又要做好份數同埋要做好份圖. 都算係咁啦. 做得完份圖, 很有滿足感. 天父...天父<<天父...天父>> (2008-05-24 六) 今朝早同左美言入左東涌, 原因是要去睇190分隊的步操的考試. 本來我約左美言十點八係東涌等啦. 結果都係我遲到... 還有, 今天是美言的family day 呢... 結果佢都係去唔倒啦. 我地搭的士去果間學校. 實在是太遠啦. 呢間學校唔係係屋村裏面架, 要望到好遠先至望倒日東村, 四野無人架! 真係好奇怪... 入到去, madam 關就帶班仔操啦. 老實說, 操我就不是太在行, 我黎都是行行企企咁囉. 在操場操, 其實真係幾晒架. d仔其實都好辛苦. 晏晝好快咁返屋企, 換件衫食左杯面, 就出動啦. 去左教會. 今天馬可團是戶外週. 返黎的人雖然少, 只有錦言, 建良, 紫嫣, 和一個新朋友, 呢個新朋友個樣好似慧心的. 哈哈. 今天是我, 李姑娘和榮哥哥三個人帶佢地上去石硤尾公園. 我地行左好耐先上到去. 我好耐無黎過啦. 原來呢度同細個的時候也沒有怎樣變. 黎到呢度, 我地唱左詩歌啦, 又玩左少少遊戲啦. 簡簡單單的, 真的很好呀. 或許就是這樣才可以和團友多點溝通呀. 之後返左教會, 我地還有少少分享. 很好笑呢. 紫嫣拿著一塊樹葉, "一吹就吹散晒". 之後是馬太團男仔分享, 內容都是上個禮拜的職場神學講座. 都好好. 再之後, 我一個人去了恩福堂崇拜了. 雖然一個人有點寂寞, 但是也是和神相處的一個好機會. 回到家, 今晚收到一個壞消息. 唯有繼續為這個年青人和他的家庭禱告, 求神安慰. 聽日 <<聽日>> (2008-05-23 五) 咁就聽日先囉. 聽日, 我諗都係果幾味野啫. 玉子將軍漢堡 <<玉子將軍漢堡>> (2008-05-23 五) 今天禮拜五, 公司都仍然是多野做, 因為188果單project 還是未明朗. 這天都不是很早走, 這天都要成六點半先至走得. 走左, 很趕地返左去少年軍. 其實有點累. 今天是遊戲週, 帶了些遊戲, 想小朋友學懂怎樣分辨左右同埋聽命令服從. 雖然遊戲很簡單, 但是小朋友也玩得很開心. 晚上回了青衣城, 食了玉子將軍漢堡. 一個人食, 好好食. 太累了的禮拜四 <<太累了的禮拜四>> (2008-05-22 四) 太累了. 這幾天就咁過去, 每晚也是很夜才睡. 今天整天都已經很累了. 但也是夜訓. 因為天晚上要諗定聽日集隊要做乜野好. 全國哀悼日 @ 第三天 <<全國哀悼日 @ 第三天>> (2008-05-21 三) 今天是第三天的全國哀悼日, 今天整天也在公司直到晚上九時. 很累了. 全國哀悼日 @ 第二天<<全國哀悼日 @ 第二天>> (2008-05-20 二) 今天是第二天的全國哀悼日. 今天整天也在公司渡過, 回到家的時候都差不多十二點了. 這一天好似過得很快似的. 全國哀悼日 @ 第一天<<全國哀悼日 @ 第一天>> (2008-05-19 一) 中國國務院宣佈, 由今天開始, 一連三天, 5 月 19 日至 21日 三天為全國哀悼日, 是為紀念四川大地震中的死難者. 下午二時二十八分, 雖然那個時候在公司做野, 沒有默哀, 但心情也是十分沉重的. 回到家看新聞, 見倒, 全個香港也許在那三分鐘的默哀裏面停止了. 這種感覺. 回到我小一時的第一次默哀... ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 今天下午還要去何文田去睇圖, 搞了一個下午. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 小天使 - 給想念你們的爸爸媽媽<<小天使 - 給想念你們的爸爸媽媽>> (2008-05-18 日)
今天還是如常的, 去食早餐, 返主日學.
今天崇拜有點特別, 就是今天是基督少年軍的主日. 其實主要都是想大家分享一下這個活動的異象吧, 因為其實少年軍在禮拜五晚集隊, 有好多弟兄姐妹其實都唔係好知其實發生緊乜野事. 今天都好好呀, 何sir 在台上分享. 但是, 我唔係太明白今天關先生的講道.
崇拜後很趕的幼級組導師先行開會, 傾番這幾個月以來的工作. 其實都ok, 當然有些地方要改進吧.
之後是少年軍開會. 開了一個下午, 雖然好似好少野傾, 但是都傾左成個下晝.
回到家, 都已經是食飯的時候了. 今天晚上看了個關於四川地震的特輯, 知道一首網上流傳的詩, 是為記念在地震中喪失生命的小朋友.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
我們乖 我們來過 我們是天使 爸爸媽媽 那是你們嗎 我聽到了你們的呼喚 從出生時開始就聽著 從小寶寶一直聽到我上小學 當我現在睡著的時候， 好想讓你們來到我的跟前 給我蓋上裸露的手臂， 幫我找回我跑丟的小鞋 爸爸媽媽 我好想你們能親手為我合上雙眼， 讓爸爸再親親我的臉 讓媽媽再摸我的臉頰一遍 我身邊還有好多的弟弟妹妹哥哥姐姐 你一定要找到他們親人 帶上漂亮的衣服還有漂亮的鞋 我們都是好孩子 正在好好的學習 努力不丟你們的臉 可是…… 爸爸媽媽 我和我的同學還有老師 靜靜地躺在學校昔日的操場前 往日的情景又在出現 我們在這裡跳繩在這裡踢毽 我們在這裡戴上紅領巾 在這裡向祖國宣言:好好學習 天天向上 好多好多的鮮花 好多好多的嫩臉 可是現在我好冷好冷 爸爸媽媽抱抱我吧 一定要再親親我的臉 爸爸媽媽 你們在外打工好遠好遠 我知道你們好難好難 我沒有怪你們 把我託付給叔叔 我沒有怪你們 不在我的跟前 因為還有爺爺奶奶要養 你們還要出去掙錢掙好多錢 爸爸媽媽 別為我們難過 我們跟老師在一起 爸爸媽媽 別為我們難過 以後一定要記得建好我們的家園 我們只求爸爸媽媽 還有千千萬萬個爸爸媽媽 在下一個今天 下一個的今天 為我們把氣球放飛一遍 上面寫著: 我們乖 我們來過 我們是天使 ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 很忙碌的禮拜六<<很忙碌的禮拜六>> (2008-05-17 六)
今天早上很早就起來, 因為今天早上還是要回到公司做野. 今次繼續那個秘密任務. 今天也不是很順利, 還是在研究個wall 究竟應該點計. 搞左一陣, 其實發現都唔係咁難. 都係咁計啦.
之後呢, 回了教會. 今天馬可團得番我, 同月華, 同榮哥哥還有一班團友. 我們一開始的時候先是在唱詩的時候給團友寫下一些在這次地震中發生了之後的感受. 其實有陣時小朋友睇既野真係同我地大人好唔同架. 佢地話要整隻大的火箭把祝福帶過去果便...
今天是活動週. 其實主要都是榮哥哥帶玩遊戲, 都幾好呀.
之後呢, 我地馬太團一班團友一齊祈禱. 有為四川地震的同胞祈禱, 也有為以前的團友阿柱祈禱.
晚上返了教會有一個關於職場神學的分享會. 有一位來自基督徒畢業生團契的講者黎到呢度分享. 有d問題其實真係幾深架, 有d我諗左好耐都係聽唔明白. 唔知應該點樣, 也許都是沒有結論的吧.
之後一班團友去了品香樓食飯, 在這裏見倒卓盈一家人係隔離枱食飯呢. 很不自在 <<很不自在>> (2008-05-16 五) 今天很不自在, 因為搞唔清楚怎樣把diaphragm wall坐在樁柱上. 我諗左好耐都諗唔倒點做. 但是又要advise人地啦, 點算. 今天下午去了看醫生, 醫生都係果句啦, 問黎問去都係果d野啦, 基本上同麥dull故事裏面既情節差不多. 晚上很早就回去了集隊. 今天我沒有事情要負責, 只是開始分開兩組步操. 就係咁. 回到家, 很累了. 尋找快樂 <<尋找快樂>> (2008-05-15 四) 這兩個禮拜還是在番看了日記. 不知道自己想在日記裏面找尋甚麼, 只是記得還有些東西要找出來. 找了找, 找了找. 在播緊的歌裏面又找到些甚麼? "...記得某天..." "...記得那天..." 記起... 自已的情緒的起起落落. "...如何說話..." "...如何笑話..." 不知道這是不是一個尋找快樂的必經過程. 尋找... 尋找... "...冒險經已開始..." 無啦啦的188 <<無啦啦的188>> (2008-05-15 四) 今天早上返到office, 還很天真的想著, 以為我做替工都只做埋尋日同埋今朝, 諗住今日有個新同事黎可以handover晒所有野俾佢我對大埔188呢單project就可以功成身退啦. 點知, 真係估佢唔倒, 今朝早KL就叫左我入房, 同我講, 話, 不如我跟住呢單project先啦...於是, 我就同左呢個新同事Jimmy Wu跟呢單job啦. 話說呢個Jimmy Wu其實係Senior黎既, 佢以前係呢度做過野, 也曾是跟過KL的, 咁樣大家自己人好辦事啦. 咁就無乜大問題啦. 呢個Jimmy 都幾好人呀, 感覺跟佢做野, 感覺真係好似以前中七既時候做暑期工跟過果個林世聰咁架, 感覺上佢地兩個的外型都有點似. 回望 <<回望>> (2008-05-14 三) 這天還是很趕的下晝去開會, 但是其實我都無乜野好講, 等個則師然後都無晒時間了. 回到家都只是六點鐘. 今日我好番晒啦, 實在是好. 回到家看新聞, 不停的報導四川地震的消息, 真係慘不心忍睹...很想做點事. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 這陣子不知怎的很有興緻睇番以前的日記. 原來發生過咁多事. 還有, 最近在電台聽了一首歌...很好的歌. ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 記得那天送你歸家 笑一笑轉身一個上路 我深呼吸 記得某天無言對座 如何說話 如何笑話 白與黑變灰 天空將要下雨 緊緊靠著你 讓一切停頓 突然的188 <<突然的188>> (2008-05-13 二) 今天其實仲有少少病的, 本來諗住今朝早返左公司先, 如果無咁多野做的話就會請下晝假去睇醫生的. 但是, 一返到去, 無啦啦就俾KL捉住了. 話叫我今天下晝去開Taipo 188的會, 真係騎離...我都唔知單job搞緊乜野, 無啦啦仲要搵我去頂左佢個會. 真係奇怪. 上晝拿拿林整好晒d野, 跟住下晝就要去啦. 在中環. 開會的氣氛也不太好, 因為大家d野都好浮... 回到家, 發覺原來還有少少燒呢... 食了粒藥, 很早就睡了. |
|
|
