<<A relaxing weekend>> (2009-06-20 六)

今天真係好開心呀, 朝早訓到晏晏又唔使趕住起身. 起身, 跟住六左個面做早餐, 然後就是係屋企hae同埋睇電視. 其實雖然係係屋一個人, 但係都有好多野可以做呢, 例如打下日記, 上網搵下人傾偈咁啦. 

晏晝落左街食了個面. 跟住就出街啦. 今天是約了潔兒本來是去Sungei Buloh Wetland Reserve, 咁我就先在屋企樓下搭巴士, 去了Bartley, 然後在那裏搭新通車的circle line. 嘩, 呢度既circle 真係好新呢, 新到無乜人搭, 列車好短, 大概只有四卡. 最好玩既係同north east line一樣係車頭可以睇倒前面架, 呢架車無車長架. 咁好奇既我就梗係係車頭果度望隧道裏面既情況啦. 實在可以過足做車長癮. 之後我在bishan轉north south line, 跟住再搭左半個鐘先至去得倒kranji. 嘩, 原本約了兩點半結果差不多兩點十先至到... 真係弊, 遲到了...

我地先是在地鐵站外搭了925. 跟據個網頁既資料, 是應該搭呢個巴士係可以去倒的. 咁我地就搭啦, 點知去到一個好似係應該落車既地方, 我地又覺得好似係未到喎...就係咁再搭遠d再搭遠d, 結果去到左choa chu kang... 總站囉. 我地居然唔識落車囉. 真係搞笑... 我地今日兩個都仲著到青BB咁樣諗住去郊遊, 結果去唔成囉...見時間都已經差不多是下午四點了, 再回頭都好像沒有時間再行. 下次再去過啦. 結果呢, 我地決定去睇戲. 在知道orchard road有得睇monsters vs aliens 之後我地搭190去左orchard 的 Shaw Lido. 嘩, 係我第一次黎新加坡過周末的戲院呢. 呢度真係超大呀. 我地買左飛, 再行左陣街, 就入場睇了. 很特別的是今次我地係睇3D呢, 要戴眼鏡的, 但係對於本身已經戴眼鏡既黎講就有點唔舒服囉. 唔緊要, 套戲好睇就得啦. 真係幾搞笑的.

之後呢, 我地又搭了巴士去clark quay食飯. 很好呢, 這也是我第一個周末來的地方. 我們去了一家日本餐廳. 很好呀. 這個時候已經夜了. 我地仲可以揀windows seat可以望倒夜晚既clark quay 架. 今天是river festival, 還有很多船呀咁既表演可以望倒呢. 我地叫左好多野食呀... 哈哈, 食到好飽. 飯後我地再落了去clark quay 行左個圈. 我們還在河邊食雪糕, 因為食的是azabu sabu的gelatin, 開頭都無乜點溶, 之後真係溶得好快呢. 再行左陣, 又再睇了些表演, 然後送左佢去搭巴士, 然後都返歸了.

這天雖然去不了wetland reserve, 但是真是過得很開心呢.

* * * * * * * * * * * * * * * * * * * * *

近來不知怎的喜歡了聽英文歌. 這首不知道是誰唱, 也不知道是幾時的, 但就是覺得很舒服, 很好聽.

You Are My Sunshine

You are my sunshine, my only sunshine.

You make me happy when skies are grey.

You'll never know dear, how much I love you.

Please don't take my sunshine away.

The other night dear, as I lay sleeping,

I dreamt I held you in my arms.

When I awoke dear, I was mistaken,

Please don't take my sunshine away.

Please don't take my sunshine away.

<<食到爆肚>> (2009-06-19 五)

返工, 放工晚上去了bugis 跟joel, sam, keive, shawn去了steamboat. 佢地個個都是食肉獸黎既.....

嘩, 呢晚食左超多野.

<<又係返工>> (2009-06-15 to 2009-06-18 一至四)

今個禮拜無乜特別, 唯一比較特別的是地盤來了一個新的trainee, 叫做heidi, 是一個法國來的中國學生. 以後多個人一齊食晏, 熱鬧d都幾好呀.

工作都係咁啦. hae 住 hae 住咁.

<<係時候要做番d野>> (2009-06-14 日)

今天早上很早就起來, 話說這個周末是權哥的朋友來了我地既屋企住. 佢地黎新加坡玩pipe band. 咁我今日禮拜日朝早就同左佢地一齊去睇下野啦. 我地朝早大概九點半離開屋企, 搭的士去St. Joseph Institution. 原來今天是singapore pipe band compeition, 是一些中學生的比賽. 因為這是pipe band, 有很多BB都有參加呢. 在這裏除了睇比賽之外, 我還認識了Mr. William Goh, 佢係其中一個分隊的導師. 我想第二時可以去參加一下佢地既分隊睇下佢地既集隊情況呢,

之後去了plaza sing 食吉野家, 再返了教會崇拜. 很好.

然後, 崇拜後打了電話給ESTHER, 問了一下佢既近況. 佢都幾好呀, 祝佢快d搵倒新工啦.

之後一個人首先去了bugis junction攞左飛. 好野, 七月有得睇孫燕姿concert

之後一個人去了queensbay shopping center,攞了眼鏡, 也行了一會, 又去了anchor point 同 IKEA. 行了一個下晝, 食埋飯就回家了.

<<無乜野做禮拜六>> (2009-06-13 六)

今日真係無乜野做呢. 朝早返公司本來諗住去做野既, 點知懶左. 只是食了個麥記早餐之後就回了office hae, 然後不停咁睇d旅行既資料, 然後就下晝返左屋企. hae左陣之後晚上和表姐同佢男朋友在cityhall食飯. 跟住就返歸了.

<<下次應該是六月回來>> (2009-06-12 五)

今天晚上放工都是去了小組. 今天是去了joel的屋企. 佢地在clementi地鐵站接了我, 跟住就去啦. 今天晚上有我, keive, joel, shawn, ben and sam. 回去的時候在路過的一家店買野食, ben說下年既六月教會會有一個family camp, 哈哈, 話唔定到時我就可以返黎參加這個camp順便大家聚聚啦.

今天分組是關於但以理書的故事. 做一個基督就係要企出黎架啦.

回家的時候搭巴士, 同黑仔講電話說佢黎新加坡旅遊呢...哈哈哈.

<<返工囉>> (2009-06-08 to 2009-06-11 一至四)

呢個禮拜都是返工啦, 而家都已經去到尾聲啦, 所以做野都開始有點悠了.

<<俾人TUM TUM下就買左眼鏡啦>> (2009-06-07 日)

今天早上都無乜野做, 跟住晏晝就約了茵同埋慧妮食晏啦. 晏之後就返左去教會崇拜. 

崇拜後去左剪頭髮, 然後搭左車去左QUEENSTOWN果度, 本來只是諗住睇波鞋, 呢度原來有一個商場叫做QUEENSBAY SHOPPING CENTER真係有好多賣波鞋既鋪頭. 本來一心諗住睇波鞋. 見倒有間眼鏡鋪就入去試試啦. 入到去, 就俾個SALES 姐姐捉住左, 又叫我試呢個試果個, 又話呢個好睇D又話果個好睇D, 又話呢個都唔錯喎幾襯你咁... 結果, 男人就真係男人, 就咁就衰左啦. 結果就揀左個框, 跟住仲有個靚女視光師同我驗眼... 我發覺我既近視係無變, 但是就多左散光. 分別是25度同埋50度. 個靚女視光師話配埋喎, 咁就配埋啦...

就係咁就配左新眼鏡了, 好, 下個禮拜黎攞眼鏡有新眼鏡戴.

<<食蟹>> (2009-06-06 六)

結果尋日做得完之後, 今天還有些東西改. 今朝早起身連早餐都未食就返左去office果度做埋d野啦... 真係無癮呢... 本來諗住今日早起身然後去歎個麥記既早餐既... 

返到去, 就做啦, 其實十二點前都做得完了. 都唔係咁多野要做. 都算係咁啦. 之後去到十二點幾同左權哥同raymond去了食晏. 再跟住就返左去office, 今天是計劃我們的下一個旅程, 上左網睇了資料, 跟住下晝又落左去旅行社問資料. 很好呢, 決定了下一個trip要去KK

晚上我, 權哥, raymond, hy 四個人去左Ang Mo Kio食蟹, 這一間野食蟹係新加坡好出名既, 我地首先一去到就要排隊啦,  我地叫左超多野食呀, 叫左creamy butter crab, crab bee hoon, fried fish, sambal kangkong, 實在係超級好食呀. 我用左兩隻手同埋一個口VS一隻蟹既一隻強勁既手臂...我地搏鬥左成晚我終於征服左佢, 哈哈哈哈...個蟹米粉既湯真係好鮮味呢. 炸魚也很特別.

食完之後都已經是九點幾了. 回家了

<<真係激死我>> (2009-06-05 五)

真係激死左呀. 今日晏晝明明raymond fok話要企硬唔架. 點知一食完飯佢就話叫我睇下點改囉... 真係激死. 仲要臨放工先至黎同我講話叫我今日做夜d... 仲諗住今個禮拜五可以返小組架麻... 結果在site做到成十點幾, 仲要搭十點半果班車走囉.

<<Pizza Bar>> (2009-06-04 四)

今天是六四的二十週年, 今年去不了維園, 但聽說今年香港搞到好熱呢. 好像很多人都會去. 我覺得很好, 起碼全世界都還有香港人會記得有呢件事. 事情發生了就是發生了. 不是不提就可以抹去的.

晚上是SIMON請食飯, 有我, raymond, simon, wendy, abhinav. 我地去左holland V的Jalan Merah Saga, 果度有好多很特別的餐廳. 今天食了pizza bar. 很特別呢, 我們叫了點白酒, salad, pizza, 和甜品. 真的很好食呢. 食到很夜才回家.

哈哈, 下次唔知輪到邊個請了...

<<六月頭>> (2009-06-01 to 2009-06-03 一至三)

咁快就黎到09年既六月啦... 我上年既今個月就係黎左呢度啦. 咁快就一年啦~~!

<<Father Heart of GOD>> (2009-05-29 to 2009-05-31 五至日)

今日禮拜五, 又崖到黎一個禮拜既尾啦. 又可以有機會休息一下了. 這個禮拜都算係咁, 無乜特別事情發生. 

今天放工, 我今日放工早左走. 今天晚上返左去教會, 因為今天是在教會有一個retreat camp. 話說是因為有一對在新西蘭黎既夫婦黎左講道. 題目就是father heart of god. 咁我晚上就大概七點半就返左去啦, 有敬拜啦, 之後就開始講道咁啦... 就好似題目一樣, 從天父的愛來看天父... 很好呢.

講道大概講到十點倒, 然後大家就落左樓下既canteen 去了食通心粉macaroni. 很好呢. 食完野都差不多十一點了. 跟住就上左二樓. 男仔今天晚上訓二樓. 女仔好似係四樓. 我去到二樓, 入左間課室. 然後就同班團友仔玩遊戲. 其實都是些很簡單的遊戲. 還有呢, 就是豆pok人地同埋俾人豆pok啦... 哈哈, 真係幾搞笑架.

沖完涼就訓了. 都是睡在一個課室啦, 禮拜五很累了

第二天早上起身, 刷牙洗面, 然後就開始禮拜六早上的敬拜和講道. 這也是很好呢... 這兩次的講道讓我想起當初我受浸的時候, 那個時候的立志, 以及那個時候想著怎樣去回應天父的愛. 也和團友們分享了一些東西. ANTON說其實生活裏面我們覺得好或者唔好的東西都是神賜與的. 連emotion都是神賜與的... 所以不用壓抑著自己的情緒, 不要覺得情緒是一樣不好的東西... 因為這都是神賜與的. 有些時候就係咁架啦, 對神的愛, 又或者感受神的愛, 要用知識去領會, 也要用情緒去領會.

禮拜六中午都是在canteen食了晏晝飯, 之後就返左屋企抖左一陣. 同埋, 訓晏覺囉... 抖左好耐之後四點鐘就出發去了suntec去買餸, 因為今天晚上是去raymond tsang屋企打邊爐... 今天晚上打邊爐的有我, raymond, 權, simon, wendy, hy, corine都幾好玩架. 係度一班人打邊爐幾正. 我地買左好多野食啦, 最後都差不多可以食得晒. 打完邊爐還有西瓜, 同埋, wendy 買了很好味的ANDERSON 雪糕. 佢買左chocolate mint同埋RUM and raisin. 真係好好食架... 搞到晚上成十�%上就掃地和打掃. 晏晝就返左教會啦. 今天約了小燕返去教會崇拜. 很好呢. 今天其實是father heart of god的第三個session. 這次的講道真的感動了我. 就好像是孩子一樣的再來到天父的面前... 和神的關係就應該係咁架啦, 其實應該真係好簡單, 不用很深入的研究, 只是簡簡單單安安靜靜的來到父的面前, 也來到父的懷抱就是了.

崇拜後很肚餓了. 因為沒有食晏晝飯. 和小燕去了NLB果度食TEA. 食左d野啦. 小燕好像近來真的很忙呢, 也看來她有些轉變了. 我會為你祈禱架!

之後我地兩個行左bugis行左陣, 我又順便睇下眼鏡. 之後我地大概六點零就分手了. 我搭地鐵去了EXPO, 因為今天是Global Day of Prayer 全球禱告日. 往年我都是在香港的, 今年在新加坡參加了. 很好呢. 可以和香港同埋其他地方的朋友一齊祈禱... 我先約了慧妮在EXPO等, 然後再入去搵其他YC的朋友. 這裏的禱告日好像多左d不同的環節呢. 又用油為別人祝福, 也有用旗去為不同的國家去祈禱. 很好很好. 

回到家也幾晚了. 差不多十一點多了.

這是一個很好的週末呢~~!

<<Father Heart of GOD>> (2009-05-29 to 2009-05-31 五至日)

今日禮拜五, 又崖到黎一個禮拜既尾啦. 又可以有機會休息一下了. 這個禮拜都算係咁, 無乜特別事情發生. 

今天放工, 我今日放工早左走. 今天晚上返左去教會, 因為今天是在教會有一個retreat camp. 話說是因為有一對在新西蘭黎既夫婦黎左講道. 題目就是father heart of god. 咁我晚上就大概七點半就返左去啦, 有敬拜啦, 之後就開始講道咁啦... 就好似題目一樣, 從天父的愛來看天父... 很好呢.

講道大概講到十點倒, 然後大家就落左樓下既canteen 去了食通心粉macaroni. 很好呢. 食完野都差不多十一點了. 跟住就上左二樓. 男仔今天晚上訓二樓. 女仔好似係四樓. 我去到二樓, 入左間課室. 然後就同班團友仔玩遊戲. 其實都是些很簡單的遊戲. 還有呢, 就是豆pok人地同埋俾人豆pok啦... 哈哈, 真係幾搞笑架.

沖完涼就訓了. 都是睡在一個課室啦, 禮拜五很累了

第二天早上起身, 刷牙洗面, 然後就開始禮拜六早上的敬拜和講道. 這也是很好呢... 這兩次的講道讓我想起當初我受浸的時候, 那個時候的立志, 以及那個時候想著怎樣去回應天父的愛. 也和團友們分享了一些東西. ANTON說其實生活裏面我們覺得好或者唔好的東西都是神賜與的. 連emotion都是神賜與的... 所以不用壓抑著自己的情緒, 不要覺得情緒是一樣不好的東西... 因為這都是神賜與的. 有些時候就係咁架啦, 對神的愛, 又或者感受神的愛, 要用知識去領會, 也要用情緒去領會.

禮拜六中午都是在canteen食了晏晝飯, 之後就返左屋企抖左一陣. 同埋, 訓晏覺囉... 抖左好耐之後四點鐘就出發去了suntec去買餸, 因為今天晚上是去raymond tsang屋企打邊爐... 今天晚上打邊爐的有我, raymond, 權, simon, wendy, hy, corine都幾好玩架. 係度一班人打邊爐幾正. 我地買左好多野食啦, 最後都差不多可以食得晒. 打完邊爐還有西瓜, 同埋, wendy 買了很好味的ANDERSON 雪糕. 佢買左chocolate mint同埋RUM and raisin. 真係好好食架... 搞到晚上成十一點幾先至返屋企

禮拜日早上就掃地和打掃. 晏晝就返左教會啦. 今天約了小燕返去教會崇拜. 很好呢. 今天其實是father heart of god的第三個session. 這次的講道真的感動了我. 就好像是孩子一樣的再來到天父的面前... 和神的關係就應該係咁架啦, 其實應該真係好簡單, 不用很深入的研究, 只是簡簡單單安安靜靜的來到父的面前, 也來到父的懷抱就是了.

崇拜後很肚餓了. 因為沒有食晏晝飯. 和小燕去了NLB果度食TEA. 食左d野啦. 小燕好像近來真的很忙呢, 也看來她有些轉變了. 我會為你祈禱架!

之後我地兩個行左bugis行左陣, 我又順便睇下眼鏡. 之後我地大概六點零就分手了. 我搭地鐵去了EXPO, 因為今天是Global Day of Prayer 全球禱告日. 往年我都是在香港的, 今年在新加坡參加了. 很好呢. 可以和香港同埋其他地方的朋友一齊祈禱... 我先約了慧妮在EXPO等, 然後再入去搵其他YC的朋友. 這裏的禱告日好像多左d不同的環節呢. 又用油為別人祝福, 也有用旗去為不同的國家去祈禱. 很好很好. 

回到家也幾晚了. 差不多十一點多了.

這是一個很好的週末呢~~!

<<Indian Food in my Hand~~~!>> (2009-05-28 四)

今天是約好了wendy, abhinav, simon, raymond放工後一齊去食飯. 今天一齊食飯的籍口是為了慶祝wendy有學校收佢讀書. 佢今次真係要學番幾個字啦, 如果唔係個"死" 字都唔識寫就真係大鑊啦.

今天晚上abhinav 帶左我地去little India 果度食印度野, 叫左好多唔知乜野既食物啦, 還有我的最愛rose milk. 開頭的時候abhinav 教我地點樣鋪埋蕉葉, 要點樣加d水上去咁啦, 食既時候今天我地五個人都是用手架, 無用過差或者其他餐具. 我地真係落晒手去拎d飯呀, 糕呀, curry等等. 開頭真係唔習慣既, 但是玩玩下又真係幾有風味架.

<<斬樹>> (2009-05-27 三)

今日返到地盤, 晏晝無啦啦俾人捉左去睇66KV睇斬樹... 都唔知有乜好睇, 只是一些工人在斬樹吧. 斬咪斬囉, 都唔關我事又要捉我出黎. 嘩, 呢度熱到呢. 仲要行黎行去, 嘩, 個樹林d蟻呀, 真係有超過 1 cm咁大隻架, 俾佢地咬到好痛呢.

<<回復正常的工作>> (2009-05-26 二)

今天工作, 無乜特別.

<<An Unforgetable Souvenir from Perth>> (2009-05-25 一)

今朝早真係可以七點正起身架... 訓三個鐘原來真係掂既.

朝早起身沖涼, 跟住返工, 仲早過平日呢...

其實都唔算好攰, 只是精神有點混亂. 今日唔記得左拎個passport返工, 本來諗住今日要拎番去地盤的, 因為公司改名要改個passport.

最難忘的手信 = 眼裏面的東西.

自從果日俾d風沙吹左之後就覺得有d野入左左眼出唔倒黎. 整極都整唔倒. 又唔痛既, 只是覺得有d野囉. 今日放工準時五點半走, 去左VIVO果度睇醫生. 醫生一反開個眼皮, 就發覺原來只是一條眼捷毛是走左入去出唔番黎啫... 用左五分鐘唔使就無事了...

這都算是最難忘的Perth 的手信了.

<<Golden 48hrs at Perth, Western Australia>> (2009-05-22 to 2009-05-24 五至日)

實在是太太太開心啦, 因為又有得去玩.

今天是去澳洲, 是去南半球呀... 我都係第一次衝出亞洲去南半球架咋... 實在是興奮呢. 

禮拜五, 直頭係興奮到要請左下半晝假. 上半晝係地盤真係完全唔知自己做緊乜野架, 因為實在既心情係等緊去玩囉. 朝早仲要去technical meeting真係發緊夢呀, 因為個會講果d野都係得個講字, 下晝都走囉, 點做?

結果開完會就走人啦, 仲唔有咁快走咁快. 大概十二點半離開了地盤, 同raymond搭車離開, 去到vivo再各自坐地鐵返屋企... 中午走左既感覺真係好好好呀, 同埋等緊去玩就仲好好好呀. 我返左屋企拎野, 跟住落樓下等raymond的的士... 佢既的士都好快就黎到了. 我地差不多在兩點九左右就去到budget terminal. 今次我地坐既係平平地既budget airline, Tiger Airways. 呢個真係幾budget架, 我地因為係買最平既, 所以連行李都無寄艙. 我地既boarding pass好似去超級市場買野果張單咁架咋. 真係幾budget. 咁我地check-in 左, 之後先至在麥記食野. 我地食到三點鐘倒, 仲可以得閒上埋網check埋d野, 然後跟住就入閘, 過境, 然後本來諗住我地去了五號閘口去登機啦, 去到. 點解呢度個螢幕係去KL架呢... 原來是改了閘口... 又唔宣佈, 都唔知佢想點. 差d真係上錯左飛機呢. 咁去番?既閘口, 是gate 8. 今次坐既係tiger airway既飛機. 還要行上機呢... 呢度果然係budget terminal... 因為係平價既關係, 所以, 上到飛機就乜野都無架啦, 水都無杯, 更加就無野食啦... 至於d空姐都只不過係著牛仔褲架咋...但係好好既係我地坐既係黃昏機. 可以睇埋日落呢... 很好很好... 飛機三點十起飛.

飛到去Perth International Airport都已經是夜晚九點了. 坐左大概五個鐘頭飛機終於都到了. 都幾耐架... 但係都ok啦,  都叫做去得到了. 入了境, 這個機場很冷清, 同埋有點冷呢, 雖然而家係五月, 但係呢度係冬天呀!!!! 我去左南半球呀!!!!! 實在係令人興奮呢. 個機場都無乜人啦, 外面又落緊雨啦.

出左機場, 本來跟住d旅行既資料顯示話呢度應該是有一架巴士可以去倒酒店的. 咁我地去問啦, 居然一個人都要30蚊. 嘩 咁貴... 跟住去問的士. 一程都只不過係三十零蚊咋... 真係騎離. 上到的士個司機都話好彩我地無咁笨去坐果架巴士, 果架野真係有d扼錢既感覺... 我地好快就去左入住既酒店, 是criterion hotel. 呢間係一間heritage hotel, 簡單d黎講即係一幢舊樓啦. 但係舊得黎都幾新正架, 我覺得就幾正啦. 入到房放低d野跟住就出去搵食. 因為都是夜了, 所以好多鋪頭都關晒, 我地搵左一陣先至搵倒有間快餐店係仲開既, 我地去食了pizza. 然後再行了去便利店, 再行了出去一條街, 還夜探了perth火車站,  同埋perth railway station. 夜晚無人既感覺也很好呢. 但是不太喜歡的是有很多外國人(我們自己才是外國人吧) 飲晒酒咁... 就係咁啦, 跟住返了房, 很累, 睡了.

第二天早上起來, 第一件事看看外面, ooo... 落雨了. 心諗, 今日我要去沙漠喎, 又凍又落雨咁點去呀. 真係覺得幾奇怪既. 咁落左去樓下食早餐啦, 再之後就去了對面馬路去等day tour既車啦. 今天我們的目的地就要去沙漠探險. 首先是差不多朝早八點半倒就上了車, 往目的地前往, 坐了大概一個鐘頭車就去到一個動物員. 係呢度可以睇袋鼠, 同埋睇樹熊, 真係幾得意架... 但弊在是落雨, 所以我又唔記得帶遮所以搞到濕晒, 講真, 真係仲有點凍添. 上番車. 又坐左好耐車. 今天的天氣真係好騎離. 澳洲呢度地理很平, 無山, 所以望倒好遠, 成日都見倒好遠既地方落雨, 跟住到我地呢度落雨, 跟住又到遠處既地方落雨... 每隔十分鐘就落一次雨咁啦...

之後唔知點解去了一個海邊有個海灘, 是望著印度洋的. 好靚既沙灘, 但是冬天, 很冷呢, 因為還有很大風. 但是天很藍, 水也很藍...很美的.

之後再坐車去了另外一個地方既一間屋仔食野...其實都係個團包埋既帶既食物... 食既野麻麻啦. 但係我地係食晏既時候去識左對日本既母女. 佢地都係兩個人黎旅行啦. 大家既英文都麻麻, 所以都好難溝通倒啦. 講番個團, 真係乜野人都有呢, 有歐洲人, 美國人, 澳洲人, 馬來西亞人, 我地就係香港既代表... 真係乜野人都有架... 很特別. 

再坐多一個鐘多就去到pinnacle 既沙漠了. 這裏真係一個奇觀呢, 因為有沙漠, 同埋有很多奇奇怪怪既石頭... 有好多好多架. 每一舊既石頭又唔算係好高, 只不過是高過一個人少少, 舊舊都係架, 真係好特別. 在這裏逗留了大概一個多小時, 很好呢...

之後再坐車去另外的地方. 先是去了一個小鎮. 唔記得個小鎮叫做乜野名了. 只是一個近沙漠的一個小鎮. 司機先生還要先把車子的車呔減壓才可以入去沙漠... 入到去. 其實都無乜咁特別啦, 只是d沙很幼. 但畢景是一世仔第一次去沙漠, 同埋去d咁凍同埋有雨落既沙漠... 都ok既. 影左陣相, 跟住呢, 我地要玩個sand ski. 咁每日用一塊板啦, 有人先落去啦... 我就中間落去啦. 大概要落去兩層樓咁高既地方啦... 就係呢個時候不幸既事情發生了. 我落到去, 原本之前既人落左去跟住就可以行番上沙yau就可以玩第二次. 輪到我, 我一落到去, 就真係落左去了, 跟住刮大風吹起大風沙呢. 嘩, 我連打開眼都打開唔倒啦. 還要慢慢冒著風沙行番上沙yau. 爭紮左差不多十幾分鐘先至行得番上去... 我既同伴同埋其他既團友都lei埋係架旅遊巴既後面囉... 真係無義氣.

跟住就去左油站既?所沖番成身既沙... 真係好西利呢d風沙. 我仲因為咁樣有d野入左眼很不舒服.

跟住坐車返去perth city, 應該是差不多晚上七時半倒才到酒店. 回去先是沖了個涼啦, 跟住就出去搵食. 其實都是有點晏. 我們搵左好耐才搵倒一間grill house. 叫了扒, 幾好食架, 最好食的是那個sour cream, 嘩, 真係好好好食呢. 

食後我們去了岸邊影夜景, 影了那個bell tower 跟那個摩天輪既夜景, 都幾靚架...

之後很累, 回酒店了.

第二天的行程就比較自由. 朝早起身, 食早餐, 然後就check-out 了之後再把行李放了在酒店. 跟住去perth railway station.在那裏搭了火車去另外一個市金鎮叫做Fremantle. 呢度真係好靚呀, 連個車站也是很靚的. 搭火車的時候發覺應該現在這條鐵路都是由以前既一條舊既鐵路改建而成, 還保留了很多木橋, 還有比現在的路軌窄的路軌. 很有特色. Fremantle其實是一個port 是以前一個有貨物的port, 還是一個漁港. 在這裏的行道也很有特色. 好似是好舊又好特別既. 因為係海邊的關係, 所以係有好多海歐飛黎飛去呀, 加上藍藍的天空. 嘩, 個感覺真係正到呢, 簡直好似係度拍緊音樂特輯咁舒服呀. 街既兩邊還有很多cafe. 很多不同的店鋪. 我們差不多十點鐘就去了那一個Fremantle Market 那裏有很多很特別的手工藝. 我們行好耐, 還買了很多特別的東西... 送禮自用, 都必是佳品啦. 行完之後去了一個outlet買了些東西, 再行了去海邊食野. 嘩, 呢個公園真係靚絕呀, 有pure white既seagull, 有白色的鸚鵡, 還有白色的鴿子...嘩, 真係靚到呢... 海邊, 嘩, 係海邊一個漁人碼頭食fish and chips又真係好好feel架, 還有很多海歐在身邊飛來飛去呢. 我望左一隻唐鵝好耐, 原來係真架, 好大既一隻雀仔在水既樁柱既中間... 嘩, 真係好relax. 呢一份果然是很出名的fish and chips. 很鮮, 是grill的, not the deep fried one. 加上sour cream真的是很很很好味. 

飯後還是行了這個town 一會, 去了那一個E shed market. 行了一會, 無乜特別的. 之後就回程回了perth city.

返到去perth city 就在城市裏行街啦, 沒有甚麼特別的東西買, 只是買了些手信, 還有是去了影多次bell tower, 摩天輪和swan river啦, 在swan river是見不了天鵝, 但是就在碼頭那裏見倒一些黑色的天鵝. 都幾好呀.

之後就回了city center 發覺呢度既鋪頭真係收得好早呀, 今日係禮拜日下午五點幾就開始收鋪了. 搞到我地連行街都唔知行邊度好... 見悶悶地我地兩條友就去左其中一家cafe飲野. 我飲了杯chocolate. 呢家既chocolate都幾好飲. 係呢度飲野都幾relax架. 之後就再行了一陣街, 直至行到六點幾回酒店. 因為都無乜野好行了. 返到酒店之前我地仲去左對面既一家賣遊客野既鋪頭... 係呢度我地遇見一個香港女仔, 係黎呢度做working holiday架. 佢都幾西利呀, 一個女仔黎一個陌生既地方生活... 佢都只是黎左幾個月... 哈哈, 難得係呢度見倒香港人, 祝佢生活愉快.

之後攞左行李然後在酒店大堂hae, hae 了一會就叫了的士去了酒店... 在機場又hae了一會, 再去食了fastfood, 真係好唔鐘意食薯條啦... 但係無法, 都要食. 差不多八點鐘入閘啦... 入到去. 本來都無乜野, 但係跟住無啦啦叫咪, 話全個department hall既人都要出番晒去重新scan 過晒所有既野... 嘩, 雖然夜晚飛機唔多啫, 但係重新scan過都好麻煩架麻. 搞搞下. 真係全部人重新出過去... 我地既飛機本來應該9 點幾開, 點知, 搞完一大輪都搞到成10點先至有得開...

就係咁, 由10點鐘飛到三點, 就返到新加坡了. 夜晚既飛機外面一片漆黑...

三點降落, 出閘, 再入境... 出到機場三點半倒啦, 三點九就返到屋企了, 四點鐘訓覺, 聽日返工...

<<工作在假期中間>> (2009-05-18 to 2009-05-21 一至四)

 

今個禮拜真係無乜心機做野啦, 事關今個禮拜實在是太過心散啦. 心散既原因係因為剛剛去完旅行, 然後呢, 又將會再去旅行囉. 實在是太太太開心啦...

 

今個禮拜亦都無乜特別野發生, 只是禮拜二的時候同66KV 呢個project既人同左power grid開了一個會, 呢樣野係比較特別一點, 跟住都無乜咁特別了. 又無特別約人, 也沒有特別既工作.

 

好, 這個禮拜是應該準備心情再去玩的.