| Chi Fai 的个人资料輝照片日志列表 |  工具  帮助 |
忙到呢<<忙到呢>> (2008-07-29 二)
今日真係超級忙呀. 做既野係做唔完既. 完全係唔知自己做緊乜野. 當手頭上既野還未做好既時候, 又有第二樣更加緊急既野黎啦... 嘩, 一樣接一樣.
本來諗住今日會早少少走因為有人黎裝寛頻, 實在太麻煩啦, 無啦啦話要今日黎. 但是最後佢都因為我太遲先返到屋企所以佢決定唔黎了. 禮拜六再來吧. 夜訓<<夜訓>> (2008-07-28 一)
仲諗住今晚返到屋企可以早d訓, 但是, 今晚成點鐘先訓囉. 住家食<<住家食>> (2008-07-27 日)
今天早上本來諗住出去行下既, 但是都係訓晏d啦, 因為實在是太累了. 咁今日起身啦, 跟住食完個早餐之後就一邊睇王子變青蛙一邊掃地同拖地啦. 跟住就落左去樓下游左一陣水啦, 再跟住就返番黎沖涼啦, 跟住就先出發啦.
先是去了地鐵站的另外一邊. 話說我黎左呢度住已經成個月了, 但是還未去過地鐵站的另外一邊呢. 真係要去下先得. 原來地鐵站既另外一邊係有個商場啦, 有街市啦, 同埋又係有food court的, 新加坡真係周圍都係food court, 食野既地方仲多過香港... 我係呢度好趕咁行左一陣, 因為趕住要一點鐘返到教會.
原來今天是cantonese service的迎新會. 佢地之前叫左我返去, 咁我就返左去啦. 返到去其實都係食下野咁啦. 過左幾個禮拜之後我又見倒麗英. 很好呢. 原來呢個迎新會是歡迎教會的cantonese service 的新朋友. 有好多公公婆婆黎左呀, 很好很好.
今天我就都是去了YC. 很好很好, 今天來講道的是Paster Tay. 佢大概的內容是講創世記講亞伯拉罕同埋羅德的故事. 其實有陣時就真係咁架. 人每每是去到有得選擇的時候就會把自己的心顯現. 究竟我們是把自己的帳幕近Sodom or Brethal呢... 羅德就選擇了前者. 所以, 有陣時要把自己生命的主權交出給神, 也一點也不容易.
之後我去了bugis, 買左d野, 又問了寬頻的價錢. 都ok啦. 只是我打番電話俾上個禮拜做promote 既女仔, 原來呢度申請寬頻好似香港咁, 要係d街邊檔先至可以有得平架, 係鋪頭係無得平架. 希望我今個禮拜搞得切可以上網啦.
夜晚去左仙姐屋企食飯. 因為Ann姐煮. 今晚好好呀, 有菜乾湯, 有椰菜花, 有魚蛋, 有蒸肉餅. 很好呢. 好耐無食過一餐住家既飯啦. 食既人有我啦, bobby啦, 仙姐啦, 權哥同埋Ann 姐. 今晚還有菠蘿同埋西瓜, 還有湯丸. 很好的一餐.
再遊小印度<<再遊小印度>> (2008-07-26 六)
今天早上都係返工啦, 朝早九點零起身, 搞搞下都要成十點幾先至出門口. 出左門口啦, 今日晏左啦, 比起平時我可以十點零就返到去公司, 但是今天我要十點八先至返到去. 返到去, 見里揚同埋rico都係度, 佢地又無乜野好做, 所以就不停咁同佢地吹水啦. 真係無癮, 結果搞左成朝都係乜野都無做過... 都只是顧住上網同埋吹水. 無法啦, 今朝早仙姐同權哥同埋d老闆開會, 都無乜咁急既事情搵我, 我見張枱又咁亂, 又無乜心機做野, 所以就hae左一朝. hae多一陣, 就十二點啦. 咁跟住wendy 同 corrine 話去食肉骨茶, 咁我咪夾埋里揚同埋rico一齊去食囉. 哈哈, corrine同埋wendy見我平時既火柴人水樽同埋相機string佢地話隻野好得意呢 (雖然我覺得火柴其實都唔係咁得意啫.) 下次返香港買番一兩隻火柴人俾你地啦,
食肉骨茶, 其實都係去平時果檔. 都幾好食呀, 我其實都幾鐘意食的. 飯後里揚同埋rico 去行街, 佢地話要去果個merlion果度影相. 咁我就返左去office啦. 咁無乜野做, 又係上下網同埋hae囉. 跟住, hae到四點倒, 跟住不如我自己都出去行下啦. 我先是去了百勝樓果度買聖經, 買了一本. 跟住呢, 因為我今日是帶住notebook的, 所以可以拎去圖書館用public wifi上網, 真係好方便呢. 同埋, 雖然個圖書館己經超多人上網, 但也不是太慢呢. 很好很好.
今天晚上同左權哥去了小印度. 我地去到小印度就係果度既food court果度食野啦. 我地坐低左, 真係唔識叫呢度既野食呢. 我叫左garlic naan 即係面包, 同埋mutton即係羊肉, 同埋一d類似curry既野, 我都唔知係乜野黎. 同埋一個鮮榨橙汁啦. 食落都幾好食的. 但是呢, 就咁簡簡單單原來都幾貴既, 我就咁食要成十二蚊呢. 唔怪得之呢個food court好似唔係好多人啦. 咁跟住就去左花拉公園, 再去了mustafa果度行百貨公司. 我只是買了些生果. 很好.
回到家都好累了. I went to the right place<<I went to the right place>> (2008-07-25 五) 今天禮拜五. 情況類似尋日一樣, 今朝早一早黎到就見倒里揚了. 佢就是禮拜四深夜才到的. 今日都係咁做野啦. 無乜咁特別, 只是不停咁俾人吹咁囉. 同埋, 嘩, 好在我今天做左個決定就是用番原本果個etabs model黎做咋, 如果唔係debug 到死都未必做倒. 好好呀, 今日我地公司果個staff club無啦啦搞大食會呀. 真係啱晒我呀, 因為我今天晚上要返cell, 所以我諗我都無時間食野架啦. 咁我就可以順便係公司食埋. 佢地大食會叫左好多野食呢. 有好多炸既野啦, 有fist咁大既咖喱角, 有最新款果隻pizza hut果隻批, 同埋一d類似撻既puff, 同埋有汽水呀, 啤酒呀咁. 幾好呀, 到五點半就可以食下野吹下水抖抖. 我呢, 因為 今天晚上好好, 終於在七點幾做得完晒所有的工作, 可以返cell啦. 今次我醒左啦, 我終於知道果個cell係係五樓既. 咁我地就係一間大既房度咁啦, 大概有二十零人咁啦. 一開始唔知因為乜野原因要介紹一下自己. 我發現原來呢個cell group 有好大部份都是在讀緊大專既學生呢. 同埋, 我今次既年紀是差不多最大果幾個人啦...突然間覺得自己老左... 一開始玩了個熱身遊戲, 跟住就有敬拜的時間. 跟住就開始分組. 我, 是"old man group" 既一員... 可能呢次大家都仍然覺得我是新朋友, 所以都無乜好特別既程序. 佢地對我既情況很好奇, 也很想多點了解香港... 結果我地係間房裏面傾左好耐計呀... 首先有個groupmate佢分享佢去澳洲既經驗, 我想他是去體驗下果便既教會之類既野. 佢既分享好好呀. 佢係果便學倒好多野, 也分享到, 神給了新加坡的教會這麼多的資源, 目的不只是讓這裏的教會關著門聚會, 目的是要把福音傳開去的. 之後另一個男仔又分享, 話佢黎緊要去上海同濟大學讀書. 佷好很好. 我地五六個男仔, 傾偈傾到差不多十點幾. 之後呢, 我同另一個阿輝行左出去. 原來今次晚上在教會附近的arts museum同埋national museum有一個活動叫做night festival. 呢度好靚架, 話說arts museum 同 national museum都是果d 古舊既英式 (維多利亞時代) 的建築, 很古舊的建築物. 佢地唔知用d乜野方法, 把一些燈光打上去幢building 外邊, 令到成間野 "變式" 但是仍然保持倒果一種立體感, 很特別的. 我無帶相機只可以用手機影吧. 阿輝好pro地帶埋相機黎影. 很好很好. 被困在雨中<<被困在雨中>> (2008-07-24 四) 今朝早返到去公司, 剛剛坐好, 就見倒rico黎左啦. 佢尋晚深夜先至黎到, 真係難為左佢啦, 佢咁夜又要自己一個人去搵間酒店係邊, 第二日仲要一早咁就要返工, 真係幾辛苦呢.
今天都是如常咁返工, 同埋如常咁搵小燕食飯啦. 我地今次去左金黃商業中心後面果間既一個類似飯堂既地方食野啦. 都ok既, 主要都是吹下水咁啫.
之後都係返番去工作. 今日既工作都仲係咁啦, 無乜好特別既野, 但係就真係咁先至死. d野無乜progress.
今天晚上同仙姐, 權哥同埋draftman gek ngoh同埋katherine搞果d入則圖, 嘩, 真係頭都大埋. 好複雜呢. 果d圖我又唔熟, 但係又要搞, 我都唔知幫得倒佢地乜野.
搞到八點幾佢地仲搞緊, 我, raymond, rico先行去杏仁饅頭果間野果度食, 佢地隨後再來. 嘩, 黎到呢度落大雨呢. 結果係呢間食店等左好耐先至走得, 等都等到十點幾, 返到屋企都十點九了. 遲d見<<遲d見>> (2008-07-23 三)
今天pat wong終於是最後一天在這裏了. 佢中午都無同我地食飯呀, 佢同左佢果team果便既同事食左餐飯咁啦.
咁我呢, 好忙呀呢幾日, 因為果個truss趕住入則. 返到屋企已經好累了. 一個月啦<<一個月啦>> (2008-07-22 二)
雖然這一輪都大概知道自己差不多來了一個月, 但係如果唔係今朝昕明提一提又真係醒唔起原來過埋今日就真係一個月啦. 呢個月都叫做過得幾特別呀. 黎左一個我從來都無黎過既地方, 識倒好多我從來都唔識既人, 又食左好多我從來都無食過既野... 這個月總算是適應了這一邊的生活, 也適應了離開屋企, 離開自己熟識既朋友既生活. 這邊生活很好呢, 我幾喜歡架.
既然過左一個月, 跟住落黎既呢個月, 係時候要規劃一下跟住呢一年要點做了.
今天中午帶左pat wong 去了食肉骨茶. 其實我都幾鐘意食架, 我覺得幾好味的.
晚上同埋老板同埋幾個同事去去開果間野食飯. 都算係咁啦.
返到屋企第一件事是開電視睇一切完美. 黎左呢度一個月終於開以追呢度既劇集啦. 新同事<<新同事>> (2008-07-21 一)
今天pat wong由香港來了, 因為佢要黎呢便幫手做少少呢便既project, 都好呀, 順便黎探下我地啦. 我地都成個月無見啦. 哈哈. 佢就真係幾豪呢. 一落飛機就去酒店啦, 咁呢一程搭的士好正常呢. 跟住佢由酒店返黎公司都是搭的士呢. 其實都只是15分鐘倒既行路既路程, 但是搭的士囉... 豪. 不過佢都係第一次黎新加坡咁無計啦.
其實佢都是下晝先黎到, 佢好似話要做marina view果便既project. 咁佢就黎到主要是帶野返香港同埋深圳做啦.
咁夜晚我地去左食風味園, 呢度都係食d平時我地食既野咁啦, 無乜特別.
今天不知怎的特別累. 返到屋企, 沖完涼收左衫跟住就訓了. 新冒險<<新冒險>> (2008-07-20 日) 今天早上訓到十點鐘先至起身, 因為今天早上是無乜特別野好做既. 咁我今朝起身啦, 食左個LAKSA杯面做早餐啦. 其實發現呢度既杯面除左佢自己裏面有湯粉之外原來還有個醬料包係裏面既. 我諗呢個係唯一一個同香港d杯面唔同既地方了吧.同埋呢, 個杯面唔係好spicy的. 同埋呢, 我今朝沖左杯上個禮拜買既即沖奶茶飲. 味道淡左d, 不過算啦, 即沖野都係咁, 奶茶呢樣野係真係好難係即沖但係好飲既. 今天乜野都乜點做過因為今朝有人上黎整熱水爐. 佢成個熱水爐換過. 佢換完之後我就洗乾淨左個厠所, 而家都好乾淨架啦. 好. 還有, 今天睇左幾集既王子變青蛙, 幾好睇的. 咁跟住就返教會. 今天返了yc. 今天matthew坐左黎我隔離同我傾計呀...好似個個禮拜也有不同的朋友黎接待我咁, 哈哈. 今天的崇拜很好. 個講野係PSP (Paster Sam Phun) 呢個係中國人黎既. 咁佢就係長頭髮同埋我諗是有點是染的吧...咁佢講既, 主要是God is Jealous. 既然佢想我地生命的中心是祂, 我地既生活就是walking in God, not partly in God 又或者要神同埋其他野黎share我地既生活. 佢比喻說, 就好似一條魚放了在魚缸裏面, 條魚就一定係個缸裏面游水. 就好似我地一定要walking in God咁樣. 又比喻話, 人犯罪, 就好似一杯污糟左既水, 仲不停有污糟左既水流緊入黎. 咁第一件事就是要唔好再俾污糟既水流入黎, 唔可以再犯罪, 再跟住就是悔改, 用耶穌的寶血洗淨自己的器皿. 再用神的說話, 用神的恩典去填滿佢. 最後我們還有互相禱告的時候. 我和matthew互相代禱. 這次是第一次我用英文同別人互相代禱呢. 呢個Youth Connection真係好好架, 佢地好著重禱告, 同埋還會經常互相禱告. 佢地既互相禱告係會把手按著你的膊頭咁樣去祈禱的. 很好. 之後Matthew話帶我食下d本地野, 去了foodcourt食了福建面, 佢就叫左白色既炒蘿蔔糕我就試左佢少少, 真係幾好食架. 之後自己一個人去了suntec city, 發覺都好似無乜特別野, 可能是因為無乜興趣行商場吧. 所以, 行左去睇merlion, 今日呢隻野終於無封住啦, 可以去睇下. 我一個人去, 係果度見倒個廣州黎既女仔, 咁啱啦, 我又要人幫我影相, 佢又要人幫佢影相. 影左幾張, 都ok架. 跟住太悶了, 所以決定去探險. 行到去raffle place mrt station的時候都差不多七點了, 但還是決定去了IKEA度行. 我搭地鐵去Bekok 再轉巴士去, 去到都差不多八點幾啦. 呢間IKEA超大呢. 真係香港果d無得比架. 佢果度其實真係好似d外國既超級市場咁. 佢果度超大, 有超大既停車場, 果度有IKEA, Giant同埋Court. 我只是去了IKEA同Court, 無時間再行埋Giant了. 其實話說呢幾日我都好想替我自己間房添置一些傢俱, 係IKEA呢度睇啱了, 但是因為昨天那一餐海鮮餐覺得自己洗費太大了, 所以忍了手. 但係, 要建立一個 "我自己的天地", 實在是太平啦... 枱 = S$19 之後去了IKEA食熱狗, 呢度同香港差不多, 我還買了IKEA英文字母餅, 唔知香港有無呢. 新口味<<新口味>> (2008-07-19 六)
今天禮拜六, 本來不應該是上班的日子, 但是這個禮拜的工作實在是太忙了, 所以還得返公司工作. 今日訓晏d啦, 我十點倒返到office開始工作咁啦. 今天返到office一黎就好似好多野做咁. 本來我有自己的計劃架, mark好L5 to L7的opg, mark好樓梯, mark 好 slab drawing. 但係, 只是做了第一樣呢, 因為仙姐有好多更加趕急既野要做呢... 結果做左一日, 又同仙姐同權哥搞左一日, 都好似無乜野做過既一樣.
這幾天聽講話下個禮拜rico, pat wong, 同里揚下個禮拜會短期黎新加坡呢便做野. 好, 到時可以搵佢地去食下野, 如果有時間仲可以搵下佢地去玩無咁悶.
還有, 這幾天有一個很大的發現呢. 話說尋天早上搭地鐵返工, 望上條地鐵的flyover, 其實呢輪望住條天橋都發覺是少左d野架啦, 咁原來發覺, 呢度既地鐵係上面無電線的. 嘩, 真是神奇呢. 究竟呢度既地鐵是怎樣推動架呢, 點解會有電架呢. 真係好奇怪.
今天工作完的時候都已經是七點了. 今天七點鐘先至走. 我地今日一於是去豪一餐. 同事們見我黎左呢度成個月都好多地方未去過, 所以就叫我話不如去china town啦. 我強調, 我是去過china town的, 只是我一去一回無去逛過吧了, 因為MOM是在那裏的.
本來同事們話想去clark quay果度食果間jumbo 的, 但是七點半去到佢地話要等位等到九點半先至有位囉. 嘩, 見佢門口唔係咁多人真係估唔到有咁多人訂位喎. 之後我地就行左去牛車水, 即是china town果度食. 去了一家茶樓. 同事們說. 新加坡的名菜我一定要試下呢, 如果唔係黎左一個月都無食過真係會俾人笑架. 於是就叫了, 麥片蝦, chili crab, 一條唔知乜野魚, 菜, 同埋饅頭. 又真係幾好食的, 我特別鐘意麥片蝦.真係要食過先至可以同人講話黎過新加坡架!!!. 好. 今天晚上食了這幾道名菜, 都總算是來過新加坡了.
還有, 呢排唔知點解好鐘意睇電視, 每日既夜晚都可以睇倒一陣既 "一切完美" 禮拜六晚又可以睇 "我猜我猜我猜猜猜" 禮拜日早上還可以睇王子變青蛙. 新的阿拉伯區<<新的阿拉伯區>> (2008-07-18 五) 話說我地公司一落樓下過條馬路就是阿拉伯區啦. 呢度既阿拉伯區就當然有何拉伯人啦, 同埋每一條街都是用d阿拉伯既地方黎命名. 例如, 有蘇丹街Sultan Street, 同埋有砍大哈街等, 當然還有Arab Street. 裏面都是一家一家既屋仔, 但都是番新過的. 今天晚上做到咁夜, 我地幾個同事決定入去搵d新野食下. 去到一家廟前面既一條街, 呢條步行街兩旁都有鋪頭未關門的. 有食肆. 我地就係其中一家既食店坐左落黎啦. 其實真係唔知道呢間野食乜既, 因為佢個餐牌都是英文譯音, 都唔知乜黎既, 例如mee soto 就是一種雞既湯面咁... 我地叫左Satay串燒, 一個唔知乜野面包加d餡, 一個炒飯, 一個類似頭盤既野有菠蘿有油炸鬼有almond(事後諗番呢樣野應該係d旅遊節目介紹過, 定係小孩不笨裏面出現過呢) 等等 (仲有一碟的, 唔記得左係咩), 呢度環境唔錯, 雖然坐係街度食但係又唔覺得唔乾淨喎. 同埋唔知邊間屋仲播緊果d中東既音樂, 幾過癮架. 呢度仲有好多中東野賣, 遲d可以黎買d返香港. 下個禮拜會有幾個香港的同事黎做短期既野呢. 好, 多個伴. 新蔗汁<<新蔗汁>> (2008-07-17 四) 今天晏晝都是照常搵小燕食飯啦, 我地今天都是去了Hawker Center度食, 因為我覺得呢度真係好多野食揀架. 咁我地兩個坐落啦, 跟住就各自搵食啦. 我本來想試下d新野, 去到d印度檔口, 真係連果d食物既名係乜野都唔知道呢... 最後都是簡簡單單地叫了個好簡單既干炒河粉就算. 但是意外的收獲是, 今天叫了杯大的sugar cane 即是蔗汁. 呢度既蔗汁仲可以加多四份之一舊檸檬落去. 好飲好多架. 同小燕食飯真是很方便, 大家都在同一幢樓做野, 都只是落樓下等就可以了. 晚上我地幾個同事同左David食飯. 其實我個人覺得同David食飯係幾無癮既, 又要等佢, 又要等佢講埋d唔好笑既笑話... 真係好無癮呢. 唉, 仲要搞到今天好夜才回家. 新EP<<新EP>> (2008-07-16 三)
今天上午我八點半倒去到MOM, 等左半個鐘終於可以交番張form了. 好, 交左跟住返office 繼續做野.
下晝食完飯兩點零出發. 去到MOM 跟住就攞飛啦. 嘩, 超多人, 我張飛455但是去到的時候都只是280. 等左成粒鐘呢. 好在這裏有得坐, 我係度都差唔多訓左成粒鐘... 然後就俾左三十蚊交左錢就可以攞倒個employment pass. 咁跟住都係返番公司做野.
今天晚上去了間四川野度食, d野食麻麻, 又貴, 仲要收加一. 好唔抵. 新的生日<<新的生日>> (2008-07-15 二)
今日終於輪到我生日啦. 其實個零兩個月前都好期待架. 但係過到黎無乜朋友都係自己一個人過咁啦.
晏晝同左Peggy既朋友Allen食飯, 好開心生日都識倒新朋友呀. 我地去左附近既珊瑚島果間野食飯. d野食等左好耐呢. Allen好好人呀, 佢都好友善. 因為佢都係好近返工架, 佢係隔離再隔離果間the gateway返工, 實在是近呢. 遲d仲可以搵佢帶我周圍去行呢.
跟住都係咁啦. 但係今日下晝好失敗... 話說尋天做好左個medical check, 今天可以去取報告兼去埋Ministry of Manpower果度攞employment pass. 咁我下晝食完飯跟住望出外邊見落雨, 諗住三點鐘先至出發啦. 去到MOM三點九倒啦. 因為我第一次去又唔係好識去. 搵左一輪, 終於搵倒個reception, 一排隊, 再問, 都四點了. 剛好四點就截了飛... 今天搞唔成, 唯有聽日黎過... 真係失敗, 白行一趟.
雖然今天是生日, 但是也沒有很特別的同人講. 簡簡單單咪算囉. 今天夜晚早左食飯呀, 好似是去了風味園. 食完跟住就返番上去做野... 話就話係做野, 我就梗係係度chat同埋上網啦...生日喎. 哈哈, 都搞到成九點半先至返屋企.
好在有你地係網上同我過生日咋~~~~!!! 其實我覺得今年既生日也過得很特別呢! 新體驗<<新體驗>> (2008-07-14 一)
今朝返到公司真係有d發緊夢既感覺架, 因為今天早上真係有點累呢. 過左個禮拜六日應該禮拜一係最無心機返工架啦. 今朝返到去, 驚魂未定就俾人捉左去開會啦.... 有點複雜呢. 今天我仲諗住可以平平安安咁完成番上個禮拜未完成既野, 但係唔掂啦, 無啦啦仙姐又話要做個新的etabs model, 真係麻煩啦, 仲話要今日做完呢, 嘩, 邊又做得完架...
下晝食完飯之後去了做medical check, 首先是去公司隔離果楝Keypoint裏面既一間診所. 咁我正常地入去啦, 咁就同左佢講話要驗血啦. 個姑娘d英文真係聽唔明佢講乜野架. 之後呢, 入去見醫生抽血啦. 呢個醫生成面都係鬚根架, 仲有罐飲緊既紅牛, 睇黎呢個醫生都係好唔夠訓同埋好似唔係好健康囉... 咁就俾佢抽血啦, 就係咁囉.
抽血後行左幾個街口去了Raffle Hospital果度照X-Ray, 要照肺. 咁好快就照完. 照完仲可以即刻拎番個xray 片返去診所, 全程都只是用左一個鐘左架.
返到office, office停電囉, 可能是因為隔離個單位裝修所以搞到咁囉... heyhey的, office 無電.
今天搞左一天的etabs model, 但係好似無乜進展. 新禮拜天<<新禮拜天>> (2008-07-13 日)
今天很忙碌...
早上九點半起了身, 梳洗後食了兩個蘋果做早餐, 跟住掃地啦, 再洗地啦, 再跟住落左去屋企樓下游左半個鐘頭水, 再跟住返番去沖涼再跟住去左果間long silver island食了個晏, 再跟住就返左去教會崇拜了.
崇拜開頭都無乜野, 去到中段, 祈禱的時候突然間想起自己, 這段時間過左黎新加坡, 遇到好多問題我都好想用自己的方法解決, 沒有把這些事情交給神... 一時之間覺得自己還不是在順服神... 還有, 有很多事情自己只是在擔心, 但是還沒有真真正正交給神...或者呢d就是神的管教. 祂總是用著祂的話語去讓我們明白要順服祂...
今天的崇拜又有另一位外國人黎講道. 我都係明唔晒啦, 但係我諗我都明倒六七成的. 佢話, "What is worship? Worship is to celebrate that we know more about God." "...There should be some 'value' behind love. The 'value' we love God is that God have the 'Truth'" 大概是咁啦.
崇拜後同左幾個新識既朋友傾計, 繼禮拜五晚發現Jeremy 會去香港做野之後, 今天又有個新朋友話會去香港旅行. 哈哈, 原來香港同新加坡很近. 之後我還在教會食了些沙爹.
之後就一個人去了orchard road. 我由教會行去就得架啦, 又開始了一個人的流浪... 呢度其實就好似香港既旺角咁旺啦. 度度都是超級大型的商場. 都幾得意架. 我一個人行, 又無時間限制, 自己鐘意睇乜就睇乜. 更加好既係我行得攰就可以搵個地方坐. 呢度真係好方便, 有些商場是有free internet access的, 我得閒又可以上下網搵下d朋友chat下. 去到Singapore Visitor Center near Somerset就更好, 有冷氣, 有水飲, 又可以上網...實在是方便.
今天沒有甚麼買野, 只是晚上去食了那些炒蘿蔔糕. 這裏的用一些甜的醬油去炒, 都幾特別架. 幾好食.
差不多八點半就走了, 搭地鐵返屋企, 去了超級市場用左個coupon佢. 嘩, 果20蚊真係可以買倒好多野架!!! 最特別的是買了5個不同口味香港又無既杯面, 同埋居然係呢間超級市場搵倒山楂餅!!! 新境界<<新境界>> (2008-07-12 六)
今天早上起身, 都係返工啦. 但係返到去實在是好hae, 今天都無乜心機做野啦, 返到去都係upload下d相呀, 又上網搵人chat咁呀. 本來我都好有目標地今天要完成一d野既, 但是都係做唔倒啦, 因為仙姐又無啦啦俾左另一樣野我做... 唉, 真係麻煩, 成日都係咁. 咁好快就晏晝啦, 我地去遠左少少, 去左一家叫做珊瑚島既地方食野. 其實呢度食既野都唔係咁特別, 都係咁啦. 我清清地叫左個魚的湯果條(河粉). 麻麻啦, 又唔似得係佢地貼到週圍都係攞過咁多美食奬啫, d 魚還有點腥...
午後回到office, 仙姐因為佢上唔倒網所以走左. 佢走左我就無乜動力做野啦, 只是係度hae同埋聽903囉. 同埋就搵人chat咁啦. 最有意義的是今天我執好左自己個位呀... 嘩, 以後做野效率會好d架啦, 因為要搵d乜野都可以快d搵倒.
之後呢, 我同權哥同raymond 去了參加公司搞既活動, 去左一個地方叫做bottle tree park. 其實呢個係family day, 即是個個同事都可以帶埋屋企人黎既. 咁我地幾個幾支公就一齊黎玩啦. 話說呢個bottle tree park 大概我諗係好似香港果d小白鷺既果d地方咁, 係私人既, 有得食有得玩咁架啦. 呢度有個大既湖, d人可以踩鴨仔單車既, 又有d地方釣蝦, 又可以俾小朋友撈魚咁. d小朋友都玩得好開心架. 我地幾個呢, 因為遲到都無同d同事玩了, 只是在旁觀. 但係見d同事都好似玩得好開心呢. d同事玩完賽鴨仔之後就是抽奬的時候, 我抽倒個20蚊超級市場Coupon呀. 實在是太好, 這幾天正想去超級市場上糧.
好快六點零就食野啦. 首先, 呢度既啤酒係任飲既. 我就梗係要飲番杯啦 (哈哈, 其實平時我都唔飲啤酒既.) 佢地飲既係Tiger Beer. 新加坡呢度唔知點解啤酒好貴. 一罐正正常常既500ml既啤酒都要成6蚊坡紙, 即是成30幾40蚊港紙. 咁難得呢度係任飲就梗係飲左先算啦. 跟住有大概好似到會既野食啦. 呢度食呢d到會野真係好特別野既...因為新加坡乜野種族既人都有, 佢地要預備既野食都要預備幾大類. 1) 中國野食, 即點心呀, 炒飯等 2) 印度野食, 原來印度人好多都是素食既, 還有印度咖喱. 3) 回教野食... 佢地應該係唔食豬既 4) 馬來西亞野食, 包括果d沙爹同埋d我唔知乜野黎既甜品咁... 差不多每一樣我都試左少少, 都很特別.
飯後raymond先走了. 我同權哥去參加佢地既Camp fire. 夜晚唔係太熱, 同埋好好玩呀, 見d同事跳舞好搞笑, d小朋友跳舞又是好搞笑的. 還有佢地個staff club仲好認真咁樣一代傳代呢... 哈哈, 這天玩得好開心.
臨走之前梗係要去影一影果一棵bottle tree代表自己黎過呢度啦, 哈哈. 這是一棵很肥的樹. 新小組 <<新小組>> (2008-07-11 五) 今天返工真係好忙呀. 今天既工作呢, 本來我是要做一些對圖既野既. 但是一黎仙姐就話要我做一條beam 同埋樓梯咁囉. 嘩, 一做就做左成日了. 嘩, 我真係盡左好多努力去做架啦, 但係都係做得慢囉, 因為實在太多野煩啦. 中午呢, 由於尋天搵唔倒小燕食飯, 所以今天就搵番佢啦. 今天我同左佢同埋佢既同事一齊食飯. 都幾好呀. 係呢度真係唔知自己應該講英文, 講華語定係講廣東話既... 哈哈. 呢d係我係香港唔會遇倒既問題黎既. 佢既同事都很友善呀. 很好. 然後呢, 飯後我去了keypoint去睇下有無開果間clinic, 因為食飯之前果個mr tee先至同我講話我要去做medical check. 真係麻煩, 去到果間clinic又關左, 無開. 禮拜一再去過啦. 如果都係唔開就要再諗辦法, 可能要去一去馬來西亞的了. 下晝返番去公司做野都一樣咁忙啦. 今天晚上我返左去教參加小組. 其實都好好呀, 我七點半收工八點鐘去到. 佢地己經開始了. 一開始的時候有唱歌敬拜的間, 之後呢, 就睇左一段的video再分組. 老實說, 因為佢段video是英文的, 所以其實我都明唔晒佢講乜野. 之後分組, 都好好呀. 但係完左之後口發現原來我係應該去25歲果一組既. 果一組係五樓而唔係係七樓囉. 哈哈, 唔緊要吧, 下個禮拜我去番大d果一吧. 之後同一班教會的朋友去食飯, 都好好呀. 大家都是有講有笑的. 到十一點半倒佢地提我話原來快就地鐵尾班車啦, 所以就趕住返屋企啦. 返到屋企都十二點了. 新彩虹<<新彩虹>> (2008-07-10 四)
今天早上一起身, 見外邊剛下完雨. 嘩, 外邊有彩虹呢. 真係西利. 真係開心呀, 一起身第一件事就是見倒彩虹呀. 跟住就返工啦. 今天有一點特別, 就是今天我是搭地鐵返工的. 因為之前未試過搭地鐵. 其實都差唔多遠, 但是搭地鐵時間好似好d喎, 經過既地方又可以買早餐. 我諗聽日都係搭地鐵.
朝早落完兩後, 中午的時候出猛太陽呢. 很曬. 今天本來是應該約小燕食飯的, 但是佢個電話打不通, 唯有是算.
午後因為尋晚早訓, 所以也不是特別累. 今天的效率也是低的, 主要的原因是成日都會無啦啦仙姐會有野搵我做啦, 搞到我原本要做既野做極都做唔完咁啦. 不過, 跟住仙姐兩個幾禮拜, 都叫做是習慣了.
晚上閃電呀, 我係office睇倒一條一條既閃電呢... |
|
|
