<<終於見倒你啦>> (2008-08-25 ~ 2008-08-28 一至四)

今個禮拜終於無之前果個禮拜咁忙啦.

禮拜一既下晝同abhinav去了睇precast 廠. 係香港既時候都未去過, 居然係呢度可以去睇下呢. 我地首先是去了地盤. 呢個地盤原來真係好大呢. 有超級多天稱, 同埋唔知點解地盤中間係可以有條monorail個囉. 都唔知邊個人設計既, 超級奇怪. 原來我做既project就係係呢度啦. 之後跟住contractor車去了新加坡既北面睇precast 廠. 感覺這裏不像大陸果d precast 廠咁大個, 只是細細個的工場. 我地黎檢查果d帽啦, 同埋驗鐵啦, 發覺這裏的practice同香港真係好有唔同既地方. 直到等埋佢地落第一件既precast wall, 咁跟住就走了. 走的時候都差不多六點了.

禮拜二三都無乜特別啦, 都係咁. 只是這幾天要解決precast 的問題, 要同果d日本人開會啦, 咁囉.

禮拜四感覺上都無咁忙了. 很好. 晚上除了和屋企人用webcam外, 今天晚上終於見倒琪琪姐姐同埋胡太啦. 哈哈, 總算都見倒你地啦.  很好呢.

香港的朋友, 你地快d去買番個webcam同埋咪啦. 咁樣就會搵倒我架啦!!!

<<數星星>> (2008-08-24 日)

今天很勤力, 我很早就起了身, 九點鐘起了身, 六左個面食. 跟住就開始了家務日. 今天好成功咁做左以下家務.
- 掃地同埋拖地好自己間房
- 掃左個廳
- 個厠所大清洗
- 換了床單
- 抺了自己個架

真係好乾淨. 掂.

跟住就返了教會. 很好. 崇拜時講施洗約翰的故事, 由他認定自己所得到的是由神而來的開始.
- Portion
- Person
- Purpose

今天神也很獨特地, 我就是我, 我也有自己的使命, 也是由神而來的.

下晝同raymond去了行ikea本來想買燈但是最後買不了因為太貴.

返屋企.

其實今天整天也落雨, 但不知怎的晚上可以看到星星.

想寫d野給你...但居然也諗左成晚...

星星... 星星...

唔知你記不記得夏天的大三角的故事呢

<<煙花>> (2008-008-23 六)

今天懶懶洋洋的起身, 同權哥去了食早餐. 嘩, 個早餐真係超級肥呀. 個早餐包括以下既野食
- 一杯熱奶茶
- 一舊面包, 裏面有kaya + 牛油
- 兩隻半生熟蛋

真係超級肥同埋超級滯.

食完都十點九了. 返公司做野. 禮拜六返工都係無乜心機做野架啦. hae住黎做野啦.

跟住一點幾同Raymond, 權哥, Corrine, Wendy去了食肉骨茶. 很好, 也是很飽的.

哈, 今日真係肥仔.

下晝除了做野, 也執好了自己個位, 整齊了.

也是很好了的吧.

晚上和raymond 權哥本來諗住去esplanade既大牌檔食野, 但係, 落雨, 果度戶外黎既, 唯有轉地方. 行左好耐, 跟住就去了china town裏面既裏面既裏面...去左一間食, 叫做家嫂米線. 呢度食係食魚頭米線, 都幾好食呀.

食完行番出去raffle place搭地鐵. 在入地鐵站之前見倒有煙花睇呢. 大概是在esplanade果度放煙花吧.

煙花放得很低, 聲音很大, 感覺很近, 當然也很光亮.

權哥很大聲地立即打電話俾佢既女朋友做即時既報導. 也在拍video.

Raymond也打電話同屋企人分享這一段時刻了.

我呢...在拍照吧. 拍得也不怎麼好.

不其然後會想起...

"如果你都係度就好啦."

<<還記得嗎?>> (2008-08-22 五)

"如果你都係度就好啦"

還記得06年的時候我去布吉時, 我的日記的那一句嗎?

不知怎的, 來到了新加坡, 間中也會想起這句說話.

這兩天懶神秘的和你玩了一個遊戲... 阿輝很少會這樣的, 哈哈.

到最後...到最後...也回到這句說話上去.

心裏的感覺很奇怪的.

<<壓力>> (2008-08-18 ~ 21 一至四)

仙姐禮拜一返了香港. 雖然佢走左, 但係呢個禮拜d工作壓力真係要黎啦. 今個禮拜真係好忙呢... 斬下眼又去到禮拜四...

<<脫髮疑雲>>  (2008-08-17 日)

經過尋日去完馬拉之後, 今天真係好攰啦. 今天早上真係完全唔動. 原本諗住今朝打掃下的, 但是都無晒心機了, 只是掛住整尋日d相同埋video. 咁就過左一朝.

跟住返教會啦. 很好, 每次返黎都有很好的感覺.

返完教會後先同taffy同shawn去了食晏. 又真係幾晏喎, 果陣都成四點了. 去了食燒肉飯, 都幾好味架.

之後呢, 我一個人去左The Cathay果度剪頭髮. 入到去, 其實同香港飛髮差唔多啦. 咁會洗頭啦. 坐番低之後果個髮型師問我平時係咪有好多 hair drop (甩頭髮). 我話, 無呀, 平時都無乜甩頭髮. 跟住佢話原來我既頭頂果度既頭髮係少好多既. 跟住佢用左個超級大的放大鏡睇我個頭, 發覺真係有一個部份既頭髮係少左好多既... 死啦, 未到中年就有脫髮疑雲?

剪完頭髮, 舒服晒.

夜晚去了仙姐果度食飯, 好, 權哥煲粥. 但是發覺果種參巴醬買番黎果d係真係無咁好味的, 唔通真係要自己整既醬先至好食?

<<Johor Bahru之旅>> (2008-08-16 六)

今日好好, 因為今天公司搬server, 所以所有同事決定今天放假一天, 我地就去過左去馬來西亞玩. 我今天一於衝出新加坡.

朝早一早就起身啦. 先是同權哥出了bugis滙合了仙姐同埋Raymond 哥, 在Swensens食了個很飽的早餐, 跟住等埋HY就可以出發去Victoria Street 搭黃巴士去馬拉啦. 呢度搭呢d巴士好似係香港咁, 係過境巴士. 好密的, 密過搭巴士返屋企, 一坐滿人就開車. 車費都只不過係SD2.5.

我地十點零上車, 跟住去到woodlands 關口就差不多是十一點, 過關, 基本上同係香港差不多. 先在新加坡關口落巴士, 跟住過關. 過關係坐番頭先架巴士過橋, 然後去到馬拉再入境. 真係好似香港去深圳咁架. 新加坡呢就過關過得好快.  就好似係香港過關咁. 馬拉果便就好耐啦, 就真係好似深圳咁啦.  呢便好多人排隊, 等我我地好耐呀... 難為Wendy係馬拉果便等左我地好耐啦. 我地換左錢, 就去會合了wendy. 很特別的是我個荷包裏面係有三種錢既, 有港幣, 新加坡幣, 同埋馬來西亞幣.

我地一過左關, 都成十二點幾啦. 先是wendy載我地dull左好幾個地方.  經過左好多個皇宮啦. 同埋有d皇族玩馬球既大草地, 仲有d皇子既行宮咁樣啦. 呢度既皇族都幾豪.

遊左一陣車河跟住就去左一個地方叫做danga bay. 呢度係一個海岸既地方. 望過對面就是新加坡了. 不過而家時間尚早, 所以無乜人.

跟住我地再坐車去左另外一個地方食飯. 去食左咖喱魚頭煲, 紙包雞, 炸豬手同埋菜, 呢度既野好食過新加坡呀仲. 很好很好. 之後我地再坐車去搵d driving range打golf. 我人生既第一棍就係呢度出現啦. 人生既第一棍, 係失敗既. 我地五個人租了兩支棍同埋百零粒波, 玩左都有差不多成粒鐘. 呢度平呀, 加加埋埋都係十零蚊馬幣.  我都好勁架, 到最後果一棍我係打倒差不多一百米架, 雖然中間有好多都係打唔倒個波.

之後我地去左旁邊既另一個bowling 球場度打波. 同香港都一樣啦. 但係呢度只不過係五個幾馬幣一局, 連埋租鞋都只不過係少過十蚊馬幣. 很平. 但是奇怪一點的是換鞋的時候係要俾自己既一隻鞋佢黎換佢果d鞋既... 呢個就奇怪左d. 我就打得無咁好啦. 但係權哥第一次同我地打, 佢最高分呢... 勁.

再之後wendy車左我地去行公司. 去左一間超大的百貨公司jusco, 呢間野好新, 應該是近幾年才起好的. 呢度買野既價錢我諗有香港咁平架, 平過新加坡好多. 難怪新加坡人假期都係會黎呢度消費了. 我買了床單set同埋一支參巴醬. 都好好.

晚上我地坐左車去食海鮮. 呢度既海鮮檔是在海邊, 很浪漫的呢. 呢度既海鮮也很特別, 瀨尿蝦就椒yim啦, 但係味道也同香港有點不同的. 蒸魚就唔知佢用d乜野醬整, 酸酸甜甜的, 都好好味. 最特別是咸蛋黃炒蟹. 好好味的

之後就回家去了. 返到去bugis都只不過是十點半, 返到屋企十一點倒. 很累了.

<<很忙的禮拜>> (2008-08-12 ~ 2008-08-15 二至五)

今個禮拜很忙, 做左以下幾個大的工作
1) 趕好了那個presentation
2) 搞好了L2M to  Roof果份則
3) 搞好了一大份shop drawing.

今個禮拜很累了. 禮拜五因為太趕所以連小組都返唔倒.

<<雖然是肥左, 但是很快就振作起來了>> (2008-08-10 一)

話說呢輪都差不多是放榜了. 每天也會去i struct e 的網頁睇下合唔合格.

今天晚上十點返到屋企再上, 佢都話要禮拜五先至有results.

但不幸地十點九就有results 了. 我睇左results, 肥左.

第一個感覺真係失望架.

跟住就好似平時咁, 加加埋埋d唔甘心既野就諗晒出黎.

同埋不停咁係度諗下年點算呢? 呢年點過呢?

但係, 跟住, 夜晚訓係張床上面...

很靜...我諗今晚都係會訓唔著架啦...

想起, 在教會的一首詩歌. 歌詞大概是, "Nothing can satisfy me but Jesus can"

"...以救恩為樂..."

又係喎... 突然間好似醒左咁.

雖然是肥左, 但是很快就振作起來了

<<太累了, 要休息>> (2008-08-10 日)

今日終於黎到禮拜日了, 很累.

今天只是朝早打掃了, 返了教會, 跟住去買野. 休息了一整天. 很好.

<<荷蘭村>> (2008-08-09 六)

今天雖然是新加坡的國慶, 但係唔知點解條街無乜人. 今日條街好靜, 仲有好多鋪頭都關了門. 真係奇怪. 今天都是返工返左成日啦. 實在是太累了, 因為要預備那個powerpoint. 其實都幾無聊... 晏晝去了食十全鴨湯, 但係其實麻麻地, 就好似肉骨茶變左鴨咁囉, 無乜特別.

晚上搞到差不多七點, 跟住同同事去了荷蘭村果度食飯. 呢度好得意架, 好似香港既赤柱咁. 有好多外國人. 咁我地幾個同事就去左食墨西哥菜, 都幾特別架, 但係就貴左d囉.

呢度好遠架, 我搭地鐵返屋企要成半個鐘架.

呢個新加坡真係細.

<<奧運開幕了>> (2008-08-08 五)

今天實在是太忙啦, 本來今天的晚上是同教會的朋友去 "Day of His Power" 既音樂, 但是因為今天abhiinav無返病左., 我地入則即刻搞到頭都大. 真大鑊... 算把啦, 都係要係公司做野既.

結果今天放了工都已經差不多八點了, 我同同事去了bugis食海南雞飯. 然後回家了. 之後還去了食糖水, 我叫了個雙皮奶, 但是我懷疑佢落左魚膠粉囉, 個雙皮奶無奶味之餘個質地似jelly多過似雙皮奶囉...

<<禮拜一至四>> (2008-08-04 ~ 2008-08-07 一至四)

呢個禮拜實在是太忙啦. 好似一貶眼訧禮拜四啦.

呢個禮拜同之前最唔同的是而家屋企有寬頻, 每天晚上也可以和屋企人玩webcam. 又或者聽番d香港既收音機. 很好的生活. 但是, 影响就是夜左訓啦. 呢個禮拜平均12點九先至訓.

還有呢, 今個禮拜睇香港既新聞, 話黎緊八月尾香港有電腦展, 我用緊呢個電腦可能會底至3000蚊. 嘩, 個零月啫, 平左成千幾蚊. 我買果陣都要4400!!! 仲有其他野都仲要超平呢.

還有, 今個禮拜入了則, 都算係咁啦.

還有就是終於是知道要到下個禮拜先至放榜.

還有...因為就黎係國慶, 又因為就黎係新加坡既國慶... "愛國" 呢d詞語令我覺得好混亂呢.

<<終於上倒網啦>> (2008-08-03 日)

今天早上未訓醒果個裝寬頻果個人就打電話上黎裝啦. 好好. 好快就裝左, 而我都好快咁用左個router, 好快呀上網. 掂呀, 終於向世界接軌了.

今天下午返了教會崇拜

晚上呢, 就上左仙姐度開飯, 我地尋日買左既印度餅, 我煎左, 權哥就整了咖喱, 還有苦瓜魚蛋... 呢幾個配搭有點奇怪, 但係都幾好食呀. 飯後還有糖水. 仙姐把雪櫃裏面所有既野都煮左. 權哥一見倒就話, "嘩, 聯合國呀!" 勁搞笑.

晚上還可以返到屋企同屋企人玩web cam呢, 很順, 很好很好.

<<又是印度餐>> (2008-08-02 六)

今日都無乜咁特別, 只是返工返了成日.

返到下晝四點倒, 跟住先同權哥搬野, 由textile center搬返屋企. 兩個人一次過係搬唔晒既.

跟住呢, 返到屋企都六點啦, 跟住好快又再出動. 今天晚上, 我, 權哥, 仙姐, Bobby同埋阿B (Abhinav) 一齊去小印度果度食大餐呀. 今次又有點不同啦, 有阿B呢個印度人帶路, 除左可以去搵特別既野食外, 還可以知道好多印度食物既成份呀, 煮法呀, 同埋, 最緊要既係果d食物既發音呀咁呢. 我地叫左蟹, 羊肉, um 春, 雞, naan (即係面包) 同埋有d咖喱醬. 飲既野就有rose milk, 還有甜品, 很好很有特式呢.

之後一行五個人去mustafa, 很好. 行了一晚.

走的時候去埋textile center 攞埋d野, 返歸.

<<敬拜>> (2008-08-01 五)

今天返工都是一樣咁忙啦, 但是今天幾好, 因為尋晚好早訓, 訓得好夠.

今天可以很準時放工了, 因為今天同事們去了食榴槤. 佢地係去果d生果檔. 呢度既生果檔好得意既, 係好似大排檔咁樣坐埋一齊去食榴槤的, 但是因為我今天晚上要返cell, 所以無去啦.

今天返到cell, 很好呢. 今天原來是有一個叫做Islander既敬拜既樂隊黎到我地既教會. 佢地係來自南太平洋既小島. 佢地跳舞啦, 唱埋d唔知乜野文既歌啦. 等等等等, 當然也有英文歌啦. 佢地真係好似d土著咁土著架. 有兩個唔著衫既男人啦, 有一個好似是著左泰國衫既女人啦, 有一個彈結他同埋打鼓既, 仲有一個人唔知敲乜野既. 佢地既身型一睇就知道是南太平洋既人啦, 好大隻的. 佢地唱歌跳舞的敬拜. 令我諗到, 其實敬拜可以好自由架, 用好多不同的方式, 不同的語言也可以. 總之敬拜就是敬拜神就是了.

之後還有分組的時間. 我地呢一組男仔都好好. 隨左分享了大家近來的生活, 也分享了大家在信仰上的睇法. 很好很好.

<<日子都係咁過啦>> (2008-07-31 四)

今日都係咁樣過啦, 無乜特別.

今日唯一特別一d既係晏晝一個叫做KF Chung既香港舊同事黎左新加坡, 呢個舊同事舊到我都唔識得佢, 只是知道佢做steel是一個很出名的人物, 而家好似話係poly果度做教授的. 很西利. 但最實際既係因為佢黎, hy請食飯, 我地去左風味園. 我終於黎左新加坡咁耐第一次食咖喱魚頭煲啦, 哈哈.

還有一個很特別的消息, 就係Susanna會九月黎新加坡做幾日野, 到時佢可以黎探我啦, 哈哈哈哈.

<<夜左>> (2008-07-30 三)

今天夜左先至放工, 因為d野做唔晒...

弊, 黎左新加坡咁耐, 終於開始發覺無乜野好特別啦. 呢個禮拜既日記唔知寫乜野好.