<<Chi Fai enjoys the movie and dinner tonight>> (2009-08-15 六)

今天都是要返工... 拜六呀麻... 都唔知禮拜六搞乜. 今天早上大大佬無返黎, 好似是放了假, 咁我要去頂佢一個會. 其實開會我都無乜野好講架啦, 分別係開la vie, hardrock ballroom 同埋casino. 其實除左hardrock我是做開之外, 其他兩個我都唔知發生乜野事既. 結果成朝就係咁坐左係度聽人地講野囉. 我都無乜野好講, 因為根本所有structure 既都做完左啦. 結果悶左成朝.

中午還是在canteen食. 真係唔想一個禮拜有七日有六日既lunch都要係地盤既canteen食. 但係我實在太懶, 無辦法.

下午呢, 我今日大概三點多就走了. 我搭了地鐵去了somerset, 因為今天約了潔兒去睇戲. 在cineleisure果度撞倒simon and mary, 哈哈... 唔理咁多, 去睇戲了. 今天我地兩個去睇UP, 是剛上了不久的disney的cartoon. 我地專登揀呢度係可以睇3D架. 呢度坐得又舒服啦, 戴個眼鏡又舒服啦, 講番套戲. 真係好好睇呢. 開頭果度講果個老伯伯既故事, 雖然簡簡單單, 但是都巒感動的. 關於愛情啦, 友情啦, 現在啦, 將來啦, 擁有既野啦, 放棄既野啦... 人生也許就是由很多很多這些片段組成的. 成個故事其實真係寫得好好的. 很搞笑之外, 還有很多很有意思既地方. 還有呢, 畫面好靚啦, 我尤其喜歡他的音樂. 真的很好的一套戲, 09年必看電影.

之後呢, 睇完戲六點幾, 我地搭了車去holland V果度食飯. 我帶了潔兒去上次我同同事食飯既地方, 是Jalan Merah Saga. 哈哈, 這裏的餐廳很特別呢. 之前我還有點擔心我地無訂枱會唔會無位既. 但係去到, 揀左去一家叫做Bistro Petit Salut. 這裏雖然我地要坐在戶外. 在一條小的馬路旁邊, 但是也是很寧靜的, 燈光, 氣氛也是一流的. 我地叫左好多野食呀. 很美味的一餐晚餐. 我地由天還是光的時候既七點, 哈哈, 一食就是食到十點... 很悠閒的. 大家傾傾偈, 笑下, 又食下咁既. 三個鐘好像真的傾左好多好多野呢, 平日既事啦, 朋友既事啦, 自己既事啦, 屋企人既事啦, 工作既事啦... 我其實發覺我自己有點長氣呢. 希望唔會悶親你啦. 又或者一個人黎到呢個年紀就會好多野講架啦. 最後的一個甜品真係超好食架. 我都唔係好知係乜野黎, 但係係d朱古力整成好像是pudding的東西... 真係好好好好食呀. 

之後就大家搭巴士分別回家了. 

Chi Fai enjoys the movie and dinner tonight~! Hope you enjoy too~!

<<Let's celebrate>> (2009-08-14 五) 

今天黎到禮拜五啦, 今日返工都係咁啦. 都係開下會, hae下, 咁又一日.

今日禮拜五, 我今天就早左d走啦. 因為今天晚上是返去教會返cell,

我返到去六樓既時候都已經是七點半了. 返到去. 大家一齊睇honoring god既video, 今次應該係第五堂... 其實我miss左好幾堂. 有時間真係要睇番晒先至掂. 今天講的是honoring civil authority. 簡單d黎講即是政府... 其實christian就是要住在這個世界上, 都無乜野係唔關事既. 其實呢個video既講者講得好好的, 只是禮拜五晚放工真是太累了. 所以有點不集中吧.

之後呢, 我, shawn tan, ben wu, keive, joel, tanny一齊去了食飯, 都是去了上次hot pot 係近beach road果度...呢度真係幾好呢, 任食之餘還有可以任飲既地方. 其實我發覺呢度既root beer都係幾好飲既. 很特別. 哈哈, 這一餐也是慶祝我考倒試呢. ooo.... 今次同上次唔同既係今次阿sam已經去左香港了. 無左佢係度無人可以好似佢咁食好多好多好多既肉呢.

<<下一步>> (2009-08-13 四)

終於考倒牌了. 下一步點呢? 

我想下年試試考ICE了.

其實應該係... 下一步, what GOD want me to do?

 Pray.

<<我得左啦>> (2009-08-12 三)

真係等得我好心急呀, 而家我每一次開電腦, 每一次中午食飯, 都會上一上i struct e 既網頁睇睇, 每次黎睇都係話八月十二日下晝一點鐘 (英國時間) 先至有得睇. 真係好好好心急呀.

今天還去開了個會, 是關於hardrock 果個ballroom裏面既megatruss deflection, 老實講呀, deflection呢家野邊有得咁準架...但係果幾個sub 仔又要呢樣 又要果樣, 幾千萬個要求. 人地都係俾唔倒你架啦, 你講都無用架. 大家夾夾埋埋做掂佢好過啦.

到夜晚啦, 英國時間中午一點即係晚上新加坡同香港既時間八點晚上. 我七點鐘倒其實都無晒心機做野架啦, 就不停咁同不同既人msn, 話俾佢地知我等緊放榜... 感覺上都是放榜都要要有人陪住先得既... 咁等等等啦, 同埋唔知自己上左幾多次i struct e 既網頁啦, 同埋又唔知道自己login左幾多次啦.... 要等待結果既時候真係唔好受呢.

結果, 八點黎到啦...

網頁係咁寫既..

2009 Examination Result

Member Name: Chi Au

Member Number: 078363602

You have satisifed the examiners in the recent Chartered Membership examination. Congratulations on behalf of the Institution.

Your result letter has been posted separately.

嘩, 掂晒...終於唔使再考過呢個試啦... 其實好開心係合格既原因係真係唔使再花時間係呢個考試上面.

打了給wilson chu, 都算係幾好啦.

今天晚上得我一個人, 都無乜好慶祝啦. 打了電話返屋企同屋企人講啦, 去食了蕃茄面, 再搭巴士返左屋企... 唯一既慶祝係去了fairprice買了六罐jolly shandy返屋企飲... 實在是太太太好啦.

Thanks God!

<<我們三相聚在新加坡>> (2009-08-11 二)

今天返工都無乜野, 有點HAE.

今天放工我早了點走, 大概六點三就走了. 因為今天約了潔兒同埋PEGGY一齊去食飯, 我們約好了在VIVO CITY 的MARCHE. 

我去到的時候剛好七點, 那個時候PEGGY剛到, 等了一會潔兒也來了. 很好呢, 我地三個人可以聚一聚. 

話說我是幾年前在香港識得PEGGY的, 那個時候只知道佢係由新加坡黎成家人去左香港. 過了幾年, 無啦啦我就黎左新加坡工作, Peggy就介紹了她在新加坡的好朋友, 潔兒, 俾我認識. 雖然我地三個都是好朋友, 但是三個人相聚在一起都只是第一次. 

哈哈, 我地講下我係呢度既生活呀, 又講下佢地自己既事呀... 很開心. 朋友相聚都是一些很開心的時候. 我地傾左好耐好耐呢, 大概由七點幾傾傾傾到成十點先至走. 哈哈... 

走的時候我同peggy也是在東面, 我同佢一齊搭地鐵...

哈哈, 下一次見peggy 的時候應該會是在香港了. 但是下一次見潔兒應該是今個禮拜六, 因為我地已經約好去看電影.

 

唔知道下次我地三個人再聚在一齊既時候又係幾時呢? 同埋又會係新加坡定係係香港呢?

<<悠悠閒閒的遊花園>> (2009-08-10 一)

今天是國慶後的假期, 終於有一日係我唔使返工但係香港既朋友個個都要返工啦, 哈哈哈哈.... 實在令我太太太開心了. 今天都幾晏起身, 然後就落左樓下去食早餐. 今天既節目係去Botanic Garden果度picnic. 嘩, 去picnic呀, 我其實去之前唔明白picnic應該做乜野既... 去到就知啦.

我食左個本地早餐後, 然後就搭左七號巴士去. 好, 朝早大概十點零搭巴士, 經過市中心, 再經過orchard, 大概十一點幾就到了Botanic Garden. 今天的天氣不是太好, 有點雨. 有點陰. 嘩黎到botanic garden, 等齊了anton, ben wu and lester, 然後我地幾個人就去搵地方. 最後我地搵了在成個botanic garden裏面最iconic既中間的一個八角形既亭落腳. 本來呢度已經有班年青人係度, 但係我地越黎越多人, 越黎越多人. 嘩, 黎黎下, 差不多成個youth cell都黎晒, 成廿幾三十人... 哈哈, 原本果班只有六七個年青人係度, 可能是覺得無癮了, 所以就走了. 我地結果霸左成個亭. 

其實原來黎picnic真係好悠閒架. 我地係呢度, 真係好似好六七十年代咁係呢度鋪張mat然後就分享食物啦, 有sandwiches, donut, meat, snacks, soft drinks... 嘩, 仲有人帶左收音機添. 哈哈哈哈. 有些朋友還帶了自己的狗仔黎一齊遊花園.... 嘩, 真係好悠閒呀. 今天慧妮都有來, 佢仲帶左個朋友黎添. 我地吹水啦, 食野啦, 我同慧妮講, 嘩, 我係香港既時候真係無試過咁遊閒既係一個公園度picnic, 分享食物呀, 行花園呀, 同狗仔玩呀咁... 之後我就同慧妮同埋佢個朋友去行一行呢個公園. 其實呢個公園真係好大既, 我地去左天鵝湖, 去左一些展覽花既地方, 又去了關於gardening既圖書館, 睇了少少展覽, 最開心既係可以去到一大片草地去看一看新加坡銀紙五蚊紙上面既樹. 聽說這棵樹有很久的歷史了... 真係好relaxing. 下晝的天氣好了, 影相也更好了. 返左去, 又玩了frisbee, 又玩了ruby (但是dum極都不懂得怎樣) 之後又同狗仔去散步.... 嘩.... 西利.

我地係呢個公園大概是十一點零去到下晝四五點. 之後呢, 收拾好自己果個亭之後就散. 我, 同慧妮同埋佢既朋友, 見無野做, 就一齊落左clementi 果度行了supermarket. 之後呢, 我地三個就去了食claypot rice, 嘩, 我地三個已經係五點半去到超早架啦, 但係原來都已經開始了peak hour... 我地最後都要等左七個字先至有得食. 我地三個人, 叫左一大煲飯, 同埋一個湯, 都已經好夠了. 我地一邊食一邊傾偈. 又可以傾下自己既一d 計劃啦, 又傾下自己既未來大計啦. 哈哈. 真的很感謝神的是, 神讓慧妮明白去大學讀書不只是要去學知識, 讀書考試, 更重要的是要去honor God and follow God's will. 至於我自己呢, 我還是覺得自己好像沒有甚麼計劃似的. 真的要好好祈禱.

食完飯之後就回去了. 很好很悠閒的一天.

明天慧妮就開始U life啦~! 祝開學愉快~!

<<Happy Birthday Singapore>> (2009-08-09 日)

今天早上梗係懶懶懶咁起身, 然後呢, 食左個早餐之後就hae. 夠鐘就出門口啦. 今天是新加坡的國慶, 到處都是國旗呢. 我今朝就去左cityhall附近走了一個圈然後才回教會崇拜. 很好很好. 

今天的崇拜也很好. 我地都有一齊為新加坡這個國家祈禱. 很好很好.

崇拜之後呢, Pastor Lilian 鼓勵我地可以返屋企同家人一齊睇national day parade. 佢話當佢係細個既時候佢一定會在國慶日同屋企人一齊睇national day parade, 同佢地一齊唱國歌同埋唸national pledge. 很嚴肅的. 今天無家可歸既人, 哈哈, 即係我, 可以一齊去Pastor既屋企一齊睇national day parade.

崇拜後, 我地一班人都是去了waterloo果度食野. 都幾好, 我地食左好耐呢.

之後呢, 返左去教會等齊人之後一齊去pastor既屋企睇national day parade. 去的人有我, ivan, alwyn, ben, lester, alvin, stacy, 等等等等. 很好呢. 我地睇啦, 睇既時候其實都有好多部份都是關於新加坡既歷史, 我有不明白的地方就問佢地點解啦. 雖然一般呢d既文藝晚會會幾悶既, 但係我就覺得呢次係幾好睇啦. 佢地係係marina bay既floating platform果度做既, 加上燈光同埋煙花, 幾好睇架. 最後呢, 到8 點22 分呢, 是新加坡人一齊唸national pledge 同埋唱 national anthem既時候, 雖然我地係度睇緊電視, 但係除左我之外, 都有一齊去唱同埋唸national pledge. 很嚴肅的時間. 我就企左起身啦, 以示尊重啦.

之後直播完national day parade之後大家仲睇埋singapore idol先至走.

* * * * * * * * * * * * * * * *

National Pledge of Singapore

We, the citizens of Singapore

pledge ourselves as one united people,

regardless of race, language or religion,

to build a democratic society,

based on justice and equality,

so as to achieve happiness, prosperity and

progress for our nation.

* * * * * * * * * * * * * * * *

National Anthem of Singapore

Mari kita rakyat Singapura

Sama-sama menuju bahagia

Cita-cita kita yang mulia

Berjaya Singapura

Marilah kita bersatu

Dengan semangat yang baru

Semua kita berseru

Majulah Singapura

Majulah Singapura

Marilah kita bersatu

Dengan semangat yang baru

Semua kita berseru

Majulah Singapura

Majulah Singapura

* * * * * * * * * * * * * * * *

Singapore NDP 2009 Theme Song

There’s a jewel on the ocean,

a gem upon the sea

Where the future is an open book

A land of destiny

We could set our sights into the wind and sail the seven seas

or climb the highest mountain top as long as we believe

What do you see? What do you see?

See the moon and the stars, look how far we have come

Look around at our faces, they shine brightly in the sun

With our hopes and dreams, imagine what tomorrow it may bring

What do you see? What do you see?

Now the time has come to reach out,

To open up to see

That we stand together in this land

Cos we are family

As thoughts of reaching to the sky are carried on a dream

With hearts and minds united, our dreams we will achieve

What do you see? What do you see?

See the moon and the stars, look how far we have come

Look around at our faces, they shine brightly in the sun

With our hopes and dreams, imagine what tomorrow it may bring

What do you see

What do you see when life makes you take on a mountain

Youll see that nothings gonna stand in your way

Together we can share

The strength of a million

and the courage of a million more

See the moon and the stars, look how far we have come

Look around at our faces, they shine brightly in the sun

With our hopes and dreams, imagine what tomorrow it may bring

Cos the skys the only limit when youre not afraid to dream

What do you see? What do you see…

* * * * * * * * * * * * * * * *

<<相聚>> (2009-08-08 六)

今天早上都係返工啦. 今日因為是禮拜六, 返工都無咁忙. 這天早上返到了地盤然後食了個本地式既早餐. 嘩... 真係一種享受黎架. 仲可以係海邊呢...

朝早無乜野好做, 很輕鬆了.

中午食過飯後, 再返去自己個位度hae左一陣. 然後就出發今日既行程.

今天我決定試一試由地盤出發, 直接行過去sentosa裏面玩... 好, 經過gate seven, 行行行無人發覺就入左去sentosa啦. 哈哈哈哈... 雖然只是一個人, 但係都唔算是太悶的. 感覺都很特別的, 就是剛剛從很忙碌的工地走了出來, 就立刻去了一個很悠閒既旅遊區了... 哈哈. 先走了在merlion下面既走郎走過. 有很多遊客, 包括我, 都係呢度影相. 之後我就行行行, 行了去beach station, 再行了去siloso beach. 其實都黎過siloso beach好多次了, 但係無理由黎到sentosa唔去下siloso beach架麻. 咁都係去行啦, 影下孔雀咁啦... 哈哈... 之後呢, 本來有點悶悶地, 本來諗住去vivo city飲咖啡上網, 但是上錯了巴士, 去了palawan beach... 咁又落去行下啦. 原來我好似未黎過呢便呢, 同埋呢便都幾靚架, 又有條吊橋, 又有個好靚既beach. 我行呀行行呀行, 仲有個塔添. 都幾得意. 最後經過了一個amphitheatre. 咁就去睇啦, 同一般既amphitheatre差唔多啦. 但係free既可以去睇下都唔錯...

睇完就真係要搭車走了, 約了表姐, 未來表姐夫, 同埋佢地既朋友francis去了cityhall 既 new york new york食晚飯. 很好很好. 雖然是第一次見francis, 但是都很傾得來... 大家都要傾下點樣去計畫佢地兩個既婚禮啦. 很好的一個晚上.

<<Day of His Power>> (2009-08-07 五)

今天返工真係好好好忙呀. 唔知點解個個禮拜五都係咁既.

今日仲要係HY又返香港, Raymond Fok又開始放假... 嘩... 本來今天是約好左去Day of His Power既, 本來諗住禮拜五早少少走, 但係, 臨走, 約好左Heidi 去等巴士, 但係都仲俾Raymond Fok捉住左黎講野... 好彩都仲趕得切七點鐘既巴士... 我同Heidi 去到harbour front, 本來諗住搭的士啦, 但係實在是太太太多人啦. 等左好耐, 再搭的士去singapore indoor stadium. 去到的時候都差不多八點了. 去到, 本來是想搵番教會既朋友, 但係人太多, 唔搞咁多啦, 實在是太多人了. 咁我地兩個就坐係看台的左面. 咁開始啦, 話說上年我無時間去, 今年我終於去到啦... 話說呢個day of his power其實係每一年新加坡國慶之前都會有既, 形式就好似Global Day of Prayer差不多, 會有敬拜, 會有牧師講道, 會有祈禱 等等等. 但最唔同既地方, 係呢度既day of his power會為新加坡這個國家祈禱... 雖然我同heidi都不是新加坡人, 但是也可以為這個地方祈禱. 很好很好, 神會祝福這個地方的.

奇怪的感覺是當大家都講緊"我的國家 (my nation)" 的時候, 我就有點怪怪怪的感覺呢. 

哈哈, 對於兩個係外地既人... 這天晚上為新加坡這個 "家" 祈禱, 這個情況很特別.

之後就走啦, 我地搵左好耐先至搵倒巴士站. 去到巴士站, 見倒ivan, daniel ben同埋其他人, 所以就一齊搭巴士去了katong既hawker center食野... 嘩, 原來大家雖然在day of his power分開了, 但是原來全部既YCer都約好了去同一個hawker center食野... 嘩, 我地有大概二十幾三十人呢, 差不多坐滿了坐位... 食野食到十二點幾一點, 跟住先至返屋企.

返到屋企, 好攰好攰了.

<<無乜野, 都係咁返工>> (2009-08-05 to 2009-08-06 三至四)

呢兩日都係返工啦, 無乜特別野做過, 只是這兩天開始, 不停咁上i struct e 既網頁去睇出左成績未囉. 最緊要既係, 考倒之後唔使再考多次受多次折磨就掂啦.

<<Alpha Course>> (2009-08-04 二)

今天返工, 都無乜野啦, 只不過是今天waikit 病了, 我要去同佢頂個會咁囉. 結果係乜野都唔知道既情況下就去了主持果個66kv 既會.... 真係唔係好知發生乜野事, 仲要扮晒野扮識...

放工時, 今天我準左好多時下班, 因為呢, 今天我要帶heidi去我教會搞了的一個alpha course的 introductory dinner. 我地教會係book 左 sinagopre art museum既一間房黎做呢個introduction. 我地兩個應該六點正就離開了site 啦, 當然是很趕很趕地離開site 啦, 次次都係咁. 我地去到之後就大概七點正去到. 入到去, 今天佢地叫了到會的食物, 很好很好. 在這裏食了個晚餐, 食晚餐既時候我同heidi 傾偈, 其實我一路都好奇怪點解佢會去左法國讀書, 然後又黎左新加坡做attachment, 然後又要去香港, 再返去法國... 好似好複雜... 哈哈,睇黎佢自己都唔知自己想點, 但係佢有一個好西利既答案.

"我想找一個屬於我自己的地方"

嘩....勁呀呢個答案... 我都真係要好好諗下.

 今晚一些YC既人都有黎, 因為佢地黎幫手搞呢個alpha course introductory dinner. 都有幾多人黎呀, 我諗成場人大概有百零人, 我諗當中有多過一半既人都係新朋友, 都係黎認識耶穌架呢... 真係好好呢. 呢次都係我第一次參加既alpha course, 都幾好呀. 我地一班人首先有些遊戲, 然後就是有些人出黎做話劇, 再之後就是一個video 是一個alpha course既introductory programme. 很好很好. 道理真的很簡單, 對於我黎講也是一個很好的提醒... 今天很好, Heidi 都很enjoy, 之後佢仲sign up 左去alpha course. 雖然佢只可以去得幾堂, 但是其實很開心佢可以認識神呢.

<<八月第三天>> (2009-08-03 一)

今日好似無乜特別野發生, 很好.

<<八月第二天>> (2009-08-02 日)

今天早上訓到好晏, 起身六左個即食面食, 然後就係屋企hae, 然後就出發返教會了.

今天首先是去寄了一封掛號信, 是要寄去香港既高等法院, 因為我返唔倒去做陪審員... 寄完信就出發返教會. 今天的天氣都幾熱.... 本來是約了heidi的, 但是佢遲到了... 不緊要, 我自己返去啦. 今天的崇拜都是關於attitude的. 很好很好. 原來今天heidi遲到了. 

之後呢, 崇拜後我地一大班人好似以前咁一齊去左waterloo果度食tea, 我都係食我最鐘意既kaya toast with hot milo. 搞完一大輪之後我, heidi, ivan就一齊去了plaza singapura 果度既carreford 果度買食物, 我買了生果同埋面. 很好很好.

之後呢... 我都係決定在bugis食埋晚飯, 然後就返屋企.... 返到屋企都幾夜了.... 好, 又一個週末.

<<八月第一天>> (2009-08-01 六)

 

今天是禮拜六, 今天早上都係要返工啦. 但係搞黎搞去, 除左要搞mc03, mc02之外, 睇黎mc01都有少少問題喎, 所以我今天大部份既時間都是做mco01既工作. ok 啦, 其實都係唔有好大既問題. 係地盤食完飯之後, 大概一點零倒, 就搭車走, 然後去到harbour front再轉左10號返左去concourse. 因為呢, 聽說禮拜五果日俾阿eng sin 投訴話我張枱太亂, 所以要返去執枱. 咁就返左去office啦, 跟住就執枱, 跟住仲要不停咁打電話俾不同既人去解決mc01既問題... 真係難搞.

搞到五點零倒, 今天晚上約左ABI同埋HEIDI去VIVO CITY睇戲, 睇HARRY POTTER, 我地首先去食飯啦, 然後就去睇. 嘩, 套戲複雜到呢... 我睇唔明囉. 嘩, 我咁大個人都睇唔明小朋友邊度睇得明呀.

之後就返屋企啦...過了一個簡單的週末

<<七月>> (2009-07-01 to 2009-07-31)

因為實在有點懶了, 所以簡簡單單寫番今個月發生乜野事...

2009-07-01 (三) - 今天開始要做RE了, 以後都要返禮拜六, 無得去玩了.

2009-07-03 (五) - 今天晚上是raymond tsang treat. 我地去了raffle city 既double bay 食飯. 很特別的澳洲菜.

2009-07-04 (六) - 唔記得左今個週末去左邊度了. 

2009-07-10 (五) - 一大班同事去了east coast park去了燒野食, 發覺新加坡式既燒野食同香港式的很不同呢. 這是很愉快的晚上.

2009-07-11 (六) - 同小燕去了看孫燕姿concert, 好好睇呀

2009-07-15 (三) - 這天下午有個aecom webcast去了smu睇電視, 跟住一班同事同我慶祝生日, 在somerset. 咁就過左一年啦.

2009-07-16 (四) - 發番香港放假, 落機既時候居然仲要坐巴士先至返倒去機場.

2009-07-17 (五) - 朝早去覆診, 中午同下午約左阿伯肥仔同luye, 晚上返了去BB

2009-07-18 (六) - 居然返到黎香港拜六無野做, 自己一個人行旺角, 去了同蔡輝, 基哥同葉建熙食晚飯, 再買了對波鞋, 深夜打九號風球

2009-07-19 (日) - 早上同琪琪姐姐在西貢星食早餐, 雖然無菠蘿油但係咁耐無見見得番真係幾開心架. 中午去了同阿拉大姐一家人食飯, 下午我地一家再去了瑪麗醫院探表姐, 晚上一家人回了青衣城食飯

2009-07-20 (一) - 飛番去新加坡.

2009-07-21 (二) - 放工同abi同heidi去了睇ice age, 是3d movie, 但唔知點解左眼睇得唔係咁清楚.

2009-07-24 (五) - 放工返cell, 知道Sam要去香港做野了. 真的恭喜佢呢. 希望佢鐘意香港. 今天大家看了那個video是關於honoring God. 很有意思的.

2009-07-25 (六) - 我地一班人cook at abhinav's place at lakeside.

2009-07-26 (日) - Shift house in the morning and then i brought Heidi back to YC. It is nice to bring new comer to YC and to GOD. Though she would only stay in SG for a short period of time, hope she can know God and let God touch her life!

2009-07-31 (五) - 今日居然唔記得起身, 要rt 拍門先起身. 晚上一班同事去final farewell to raymond tsang and wai kuen at chijms.

 

<<Trip to Kota Kinabalu>> (2009-06-26 to 2009-06-28 五至日)

我地又去玩啦, 今次既目的地是亞比, kota kinabalu, 即是東馬來西亞既沙巴. 這個地方在東南亞的婆羅州, 很是一個美麗的地方.

我地今日放工, 跟住就五點半即刻返左屋企, 返左屋企沖涼, 同埋拎行李. 我搞掂好晒d野權哥都仲未返到黎. 跟住呢, 我地搞好晒d野之後就大概七點鐘出發. RT既的士好快就黎到我地屋企樓下, 咁我地三個人就搭的士去了機場. HY也隨後跟住到了. 我地去到機場就排隊搭air asia. 我地今次搭既係air asia既班機, 本來應該是夜晚八點十起飛既, 但係就遲到九點幾先至起飛. 大概是因為班機應該是即日由果便飛過來的, 但是就係遲左, 所以我地都遲埋囉. 我地check in, 然後去了food court食野, 再經過了果個望倒飛機既地方, 嘩, 隔離有一俾d入左閘既人同埋閘外既人傾偈既地方, 感覺就好似, 探監咁囉... 真係搞野.

我地入左閘, 再行去最遠果個gate. 等上飛機... 這裏有一個電視機, 今天的所有新聞都是關於michael jackson既死... 真係可惜呢, 一代天王...

搭飛機搭兩個鐘就到了. 雖然是budget flight , 個飛機裏面係乜野都無既, 但係都ok 啦, 因為就算是買野食都好平架咋... 早知唔使係機場食8蚊一個雞飯咁貴啦.

我地去到的時候都差不多十二點了. 呢個機場真係睇黎唔係好大, 同埋夜晚真係乜都睇唔倒呢. 呢度都幾熱. 一落機就要俾人screen , 因為H1N1囉, 個個都要照果個探熱既video. 之後就過境啦, 等左都幾耐. 我地無行李check in, 所以就可以直接出去了.

之後就搭左30rm既的士去了酒店, 我們住的是很平的酒店, 酒店的名字叫做seri boreno. 其實只是一些舊樓改裝成既酒店. 睇黎就唔係咁新淨啦, 但係唔緊要啦, 都係訓兩晚?.

第一晚好似訓唔著, 可能是太興奮了吧.

第二天早上好早就要起身了, 因為今天我們是book 了一個day tour去果個kinabalu national park 同埋去poring hotspring. 我地朝早八點就在酒店等果個導遊黎接我地. 我地四個人居然是 包車去玩呀, 真係跨張. 因為無其他團一齊黎. 我地首先就上了車, 果個導遊就介紹左佢自己. 佢個名叫做jackson, 佢都識講廣東話架, 都是馬來西亞口音果d啦. 都幾搞笑. 一黎我地就坐車差不多坐左大半個鐘, 其實都唔係太dun, 跟住就去到一個山腰既地方. 果度就係神山既山腰, 即是mount kinabalu既山腰. 係呢度有一個market, 大概都是賣遊客野既地方啦, 但係都叫做係幾平個喎. 我係呢度買左d珠lin, 都幾平架, 果d真係真既珍珠黎架. 跟住我地又再買左d野, 再上左個塔果度影過去神山. 都幾靚架. 有機會同埋有體力先至上山啦.

之後再坐車, 坐左一個幾鐘, 就去到poring hotspring, 呢度其實係一個溫泉既公園, 裏面有溫泉啦, 但係因為浸溫泉實在太麻煩了所以我地都無去浸到. 呢度浸溫泉會幾得意既, 戶外有幾個亭即是好似幾個戶外既浴缸黎沖涼咁囉. 我見d人真係幾過癮既. 我地就行左入去啦, 跟住仲上左去森林裏面果度去行行. 我地其實主要想黎既係要去呢度既tree top walk. 呢度有個吊橋係在樹上面既, 我地行到上去山都有點喘氣. 呢度有很多遊客, 除左好多是馬拉人之外, 還有很多是日本人黎呢度旅行. 我地行左上去個吊橋, 都幾過癮同埋幾長既, 離地下我諗有差不多三四十米架, 都幾高, 同埋佢真係固定係d樹上面既, 所以真係搖搖下既. 但係咁多人行過應該都是安全既. 係上面既風景真係唔錯架, 仲可以望倒山谷...

之後我地就離開了這個poring hotspring. 跟住就搭車去食飯. 中途經過了一個market 落去行左陣都無乜野好買. 午餐是在山中間的一間中國餐廳, 都ok既, 我覺得都幾好食. 簡係簡單左d, 同埋山上面會多左d昆蟲咁囉... 

食飯之後我地就去了kinabalu park, 即是人地要上mount kinabalu 既出發點. 我地去行了個花園, 又去行了個展覽既地方, 好似都無乜特別. 最後?左d mount kinabalu既資料就走了.

回程的時候我訓得好安樂, 因為實在太?了... 主要是因為之前果晚訓得唔好.

回到去town 的時候, jackson車左我地去買手信, 一般既tour都會係咁啦. 我都無乜野好買, 只是買了包芒果乾...實在無野好買.

之後我地回了酒店, 先是放低了東西, 再之後呢, 我地就出左街行. 首先我們是去了water front 果度睇日落. 今日睇日落真係正呢, 天氣清之餘還有點一舊舊既雲, 實在是好好好好好靚架.

之後我地行行下就去左食海鮮, 在一個food court 呢度真係有好多海鮮, 仲有好多是以前未見過既. 呢度既海鮮都幾好食的, 我地叫了醉蟹, 芝士蠔, 蜆... 等等, 都好好食既

食完飯我地去行下街, 先是在一個夜市行左一陣, 無乜特別野, 除左果d珍珠既首飾比較特別之外. 再之後呢就是去了海邊再行行. 呢度夜晚有個熟食既市場, 真係超級西利呢, 呢度可以成條石斑咁樣燒, 魷魚又燒得, 真係勁...

跟住就返左去訓了. 很累...

第二天起來, 我地四個人去左食早餐, 然後今天既行程是分開兩隊既. 我, hy, raymond就去了出海, while Kuen gor was left beind to travel around the city. 其實真係有點衰呢, 漏低左佢... 但係佢話唔想去, 咁無辦法... 咁我地三個朝早就有車黎酒店接左我地啦. 我地搭了十分鐘車就去到jetty. 今天都是有個導遊叫做samatha 佢都識得講廣東話既. 我地三個係碼頭果度. 今天天氣真係好好, 好適合浮潛. 我地首先是坐speed boat去了pulau manukan. 呢度真係好靚呢, 係個jetty度已經見倒d好清既水同埋好多水裏面既魚啦. 我地係不停咁係度浮潛. 潛的時候反而唔係咁多魚, 但是馬頭果度真係好多, 我地有影相啦, 真係好好好靚呢. 我地仲買了面包黎餵魚, 真係好好好多魚呀. 我地潛左成朝. 但係可能呢度都已經係好遊客區, 所以有太多人黎啦, 所以有好多coral 都已經死左了... 海底裏面唔係有咁多顏色. 但係我覺得已經係好靚架啦...

跟住下晝我地沖身之後就再坐船去了另外一個島, 就是pulau sapi, 坐大概十分鐘船就到, 在這裏首先是食晏, 有很多海鮮食既. 跟住呢, 就繼續出海啦, 這裏就水不似manukan既水咁清同埋都無乜魚... 唔緊要, 心情靚就是了. 天氣.. 看來下午的天氣不太好, 無朝早咁好陽光. 我地繼續enjoy啦, 到下晝三點我地諗住走啦, 咁就去沖身啦,發現呢度係咸水黎既... 算, 頂住先. 之後我地返番去碼頭集合... 居然呢個時候落起大雨, 我地幾驚我地走唔甩搭唔倒飛機... 呢個時候搞笑既事發生了, 就是hy發覺自己既鞋唔見左, 原來俾人dum左, 跟住就唯有在垃圾筒搵番... 哈哈, 搞笑.

在三點三剛落完超大雨我們趁著雨突然間停了的時間坐speedboat返去. 都ok啦, 有點險既係真係得果一小段時間無雨我地就趁著呢段時間返去啦... 在船上都有點大浪... 

返到碼頭, 再坐車返去酒店, 我們滙合了權哥在酒店, 然後整齊番d行李之後就一齊去機場, 食了少少野之後就上飛機搭air asia返新加坡了...

完成了這一次的行程, 很好玩呢.

<<開會>> (2009-06-24 to 2009-06-25 三至四)

呢兩日都係咁返工啦, 都無乜特別.

禮拜三早上開了個TOP meeting, 其實只不過是個dpc 要逼人地早d交場吧... 無乜結果既

禮拜四又去開了另外一個關於個edeck既meeting. 都係無乜結果既, 只不過michael chin黎左開會咁囉.

<<一週年啦>> (2009-06-23 二)

今日終於係黎左新加坡一週年啦, 呢年真係好開心呢, 又可以去唔同既一地方又可以識倒唔同既人, 但是唯一比較難搞既就係, 有點掛住屋企人囉. 咁都好正常既.

今日我地方工我地一班係地盤既同事一齊去左vivo既marche果度食野, 呢度都幾特別呀. 當係慶祝我黎左一年囉.