<<一至五>> (2008-09-15 to 2008-09-19 五)

今個禮拜唔記得左自己做過乜野了, 應該都是返工吧...

還有, 禮拜四約了小燕食飯, 去左keypoint的food court.

這個禮拜一點也不易過呢, 每天都是別人解決不了的問題, 不知道為甚麼就會來到我手上的了.

還有, 大概我地幾個香港既同事都是在期待檳城之旅, 所以大家呢個禮拜都唔係好搏盡做野了.

<<Shopping Day at Mid Autumn Festival>> (2008-09-14  日)

今天中秋節, 早上返了教會. 今天又有一點不同, 因為今天是combined service, 我地youth connection 同 english service一齊在早上九點開始. 今天很好呀, 今天的主題是講關於mission. 事關原來呢個堂都已經建好一段時間, 大概一年. 佢地想黎緊呢年, 即係09年, 要把人差出去去傳福音, 又或者去服務別人. 佢地去的missionary, 主要都是在東南亞地區, 有泰國, min din, 越南, 印尼, 馬來西亞, 遠至中國大陸, 同埋東tumor都好似有. 真係好西利呢. 呢類既service到最後當然是希望我地每個人都可以回應啦... 但是, 我真係唔知可以點回應呢. 唯有等候神的安排吧.

Service後同慧妮同埋kwan Ying, Jasmine, 同埋佢既朋友去左食野, 原來Jasmine 同埋佢個朋友是DTS (Disciple Training School) 門徒訓練學校 的學生. 其實我都唔係好明白是怎樣的一回事. Jasmine的朋友說她是一個蒙古人, 佢下個禮拜就返去蒙古了... 嘩, 真係好遠, 同埋果度會好凍呢.

下晝我自己一個人去了行街買野, 先後去了Plaza Singapura, Raffle City, Bugis Junction, Little India...

晚上去了仙姐果度食飯過節, 有我, 仙姐, Ann, Bobby, 何偉權, Raymond. 好好餸呢... 中秋節喎, 都係要一大班人過先得既.

這應該是我第一個在外地過的中秋節.

<<賣旗日>> (2008-09-13 六)

今朝早都是很晏才起身, 跟住返左公司做左一陣野, 但是因為今個禮拜既野實在唔趕, 咁就係度hae左一朝, 跟住食完晏, 跟住就走左去賣旗啦.

咁我就搭左地鐵去outram park果個站, 先去集合. 其實在地鐵站都撞倒個教會既朋友仔啦. 佢識得叫我Chi Fai, 但係我真係記唔得晒佢地既名呢... 咁去register, Jeanie已經在了. 之後我就先去換了T Shirt, 同Matthew, Joyce同埋好幾個教會既朋友搭地鐵去了下一個站, 叫做Tiong Bahru 果度賣旗, Jason, 家豪, shawn都已經在了. 話說今天我地賣既旗是幫一個本地既機構叫做Focus on the Family 籌款... 其實呢度賣旗同係香港都係差唔多一樣咁啦.  我地係巴士站同地鐵站交界賣旗, 因為這裏實在太多人流, 我就負責接住果d落巴士去地鐵站既人. 呢度既人都好慷慨架, 很多人都會買旗. 由下晝兩點到四點我都係呢度. 其實都幾熱. 還有, 今日既主題是 "愛家", 但係我個家都唔係呢度, 真係有點奇怪.

之後因為佢地要走先, 所以跟左佢地先返左去outram park, 係果度再繼續啦. 咁我就同kwun ying係果度附近賣旗, 慧妮也在. 咁賣到六點啦, 真係好攰啦, 我諗真係我老啦. 跟住交左袋錢. 本來之後無野做既. 慧妮話去睇佈道會. 佢有個朋友會去. 咁就一齊去啦. 我地先搭地鐵去kallang. 很好呢, 慧妮都識得講廣東話. 我地先是去了kallang食了晚飯. 雖然我地既年紀都差幾遠, 但係都幾傾得埋呀, 很好很好. 覺得佢既遭遇很特別. 也覺得, 其實新加坡呢個地方有好多人都是離開屋企黎到呢度讀書或者做野既.

之後去了佈道會, 在Singapore Indoor Stadium. 今天晚上唐崇榮牧師有講道既時候, 又有唱詩的時候. 慧妮的朋友也來了, 很好呢, 雖然佢未信, 但係佢都好主動咁要黎佈道會. 很好很好.

<<自助餐>> (2008-09-12 五)

今天終於黎到禮拜五啦, 真係開心又係一個禮拜最後既一個工作日了.

今天都不算忙, 所以今天找了小燕食晏. 很好呢, 我地今次去左津津食飯. 我地就坐在戶外食, 無咁熱呀麻... 黎津津最好既就梗係食雞飯啦. 今日可能有少少雨, 所以津津很多人呢. 我地食飯, 傾下呢樣, 傾下果樣, 很愉快的午餐.

之後就返番去公司做野. 之後就做啦. 做做做, 做到差唔多時間. 今日有個contractor好豪呢, 每人一盒月餅呢. 真係好豪. 我今日走的時候拎左兩盒月餅走呢.

還有, 今晚是老闆請了食自助餐, 呢度既自助餐都好好食呀. 因為呢幾個月黎做野真係太辛苦啦. 很好, 同各位同事食飯, 很好很好.

<<向槟城出發>> (2008-09-10 至 2008-09-11 三至四)

唔記得左禮拜三做過乜野

禮拜四臨放工之前去了book左去?城了. 睇黎會係一個好趕的時候. 我的schedule如下

19/9 五 - 夜晚五點半放工, 跟住返屋企執野 + 沖涼, 然後夜晚九點半去上巴士往?城
20/9 六 - 搭通宵巴士, 早上九點至十點倒到達槟城, 玩
21/9 日 - 玩一日, 夜晚搭巴士返新加坡
22/9 一 - 朝早到達新加坡, 跟住返工
23/9 二, 朝早返一陣工下晝返香港.

<<2008-09-08 至 2008-09-09 一至二>> (2008-09-08 至 2008-09-09 一至二)

這兩天都是很努力地預備果個presentation. 真係搵我黎搞呢, 玩呢個咁既transfer plate, 居然要做個presentation, 最搞笑既係唔明白點解要搵我黎做囉. 咁多個人裏面我又係最低級果個, 又係最唔識野果個. 我點諗唔明點解可以係我去prepare呢個presentation, 更加唔明點解係我要去present囉. 都ok既, 雖然我d英文麻麻, 但係大家都聽得明就得啦. 去到首先是AC presentation, 嘩佢地都係亂黎既. 有個BCA officer仲不停咁問佢地問題. 我諗, 死啦, 到時問我問到咁就大鑊. 但係佢又無咁樣問我地喎... 我諗, 九成係因為佢都唔係好聽得明白我地做緊乜野.

無風無浪又一天. 很好.

<<Sentosa>> (2008-09-07 日)

今日朝早好忙呀, 朝早起身, 食完早餐, 跟住就返左教會. 因為呢, 今天是我地果個cell group去賣早餐既日子. 咁我十點三返到去啦. 原來呢度係咁既, 因為呢度有個CANTEEN, 每個禮拜也會在這裏會有個AUNTIE整早餐, 跟住不同的CELL GROUP就會係度賣早餐. 賣早餐主要是賣給返早上十一點廣東話崇拜的長者. 咁我返到去啦. Jason, Anton都係度了, 仲有Jeanie 同埋仲有幾個cell group的朋友. (我記唔得晒佢地既名呀. 因為佢地實在是太多人了) 咁係度就係度賣早餐啦, 有皮蛋瘦肉粥, 有腸粉, 有油炸鬼, 有炒面, 等等. 咁d公公婆婆就會黎買咁啦. 都ok呀, 只是Jeanie不小心在平不粥時整親手. 就係咁.

之後十一點半倒就賣完, 跟住就去左YC房度HAE. 呢度有一間是年青人係度hae既房, 咁我地平時無野做可以係度HAE咁啦. 咁呢度我又無乜野做又可以得閒上下網又可以彈下結他. 很好呢, 可以學下呢度既歌, 又可以彈番以前既歌, 很好很好.

跟住等到一點鐘就YC啦, 之後就自己一個人去行街啦. 今天都是去了orchard road.

<<Vivo City>> (2008-09-06 六)

今天早上返左工呀, 都係公司搞左成日啦, 都係搞果個咁既presentation啦, 都做得ok既 . 做左成日, 都無乜所謂啦. 夜晚我地幾個同事去了Vivo City, 等我返香港之前都黎下呢度好出名既商場, Vivo City啦. 呢度真係好大, 仲好似大過又一城. 同埋呢, 呢度都幾舒服架. 我地先去食德國野, 食了燒豬手, 同埋d香腸, 當然要飲啤酒啦, 跟住去了睇戲, 睇左果一套Bangkok Dangerous. 之前以為有尼古拉斯基治, 諗住都會幾好睇啦. 點知, 原來呢度係泰國片黎既, 無離啦更仲要有楊采尼扮泰國人同埋扮啞...佢d演技真係啞晒囉. 個劇情仲奇怪. 之前講個hitman有幾cool有幾cool, 同後面個hitman既表現完全唔同既, 真係啤一聲...呢套係一套爛片.

唯一特別既係呢間戲院個銀幕超大. 雖然呢間院只得八行, 但係我諗一行可能係有三十人既...個銀幕超高. 勁.

<<三至五>> (2008-09-03 至 2008-09-05 三至五)

唔記得左呢個禮拜發生乜野事啦, 只是記得今個禮拜實在是太忙了. 每天都應該差不多九點幾先至走呢. 其實要做既野又唔係真係咁忙, 只不過要等齊d同事先至一齊走吧.

禮拜五晚做完野都成八點半了, 同同事去了bugis果度食野. 去了食米線. 嘩, 呢度食米線貴過香港好多... 但係都幾特別既, 係佢果d?係一碟碟既, 加上一大碗熱湯咁既, 都幾特別既. 加埋一杯荔枝蘆薈加上杞子, 都幾好架.